بنات اللي سوت منظار الرحمي تنصحني بنج عام أو نصفي؟ خايفه حدي

[Miznah]

السلام عليكم

ربي لا تذرني فردا وانت خير الوارثين

بنات اللي سوتها تنصحني حددددددددي خايفه أتمنى محد يقصر بالرد

وعقب شكثر اقدر اسوي الانابيب؟

 

[Pink_Roses]

انتي للحين ما سويتي المنظار حبوبه ترا والله العملية سهلة وما تخوف ولا تترددين توكلي على الله

المنظار لازم بنج عام مافي اختيارات

المنظار غالبا يكون خامس او سادس يوم من الدورة والشهر اللي وراه اذا كل شي اوكي تبلشين طفل انابيب

 

[Miznah]

مشكورة حبيبتي أي والله ماسويته الخوف عامل عمايله بسالج بعد العمليه في الم قوي وصعوبه بالتبول ولويه؟؟
انا اشوف الأجانب باليوتيوب تصدقين تسويه وعقب تريح شوي وتالي تسوق والحياة طبيعيه

اهوا مايصير قبل الدورة؟
وعند منو عفوا سويتيه؟؟

والبنج شلون طريقته مومتغب؟؟

 

[Pink_Roses]

انا سويته عند دكتورة حفصة برويال حياة انا مثلج خوافة اول ما قالتلي منظار من الخوف انحشت سنتين وبعدين رديت لها و سويته ما حاشني عوار ولا شي حتى اخذت اجازة اسبوع عبالي ان متعب بس من يوم ثاني ما حسيت لا بالم ولا تعب للحين لما اتذكر اتحسف اني ما سويته من اول شي لان ما في شي يعور والا يخوف سهالات من ربج

اصلا كل العملية من دخول مستشفى لي ما تطلعين ما ياخذ خمس ساعات وتروحين البيت

البنج عادي ما يتعب تحسين بدوخة اشوي عقب نفس ما قتلج تراجعين دكتورتج ثاني يوم من الدورة واهي تحدد متى بس الاغلب على اخر ايام الدورة عشان الرحم يكون مفتوح اشوي

 

[Miznah]

والله الخوف اهوا المشكله يعني تنصحيني؟ وبشر حملتي عقبها انشالله؟

 

[Pink_Roses]

انصحج اسوينه عشان تتاكدين ان الرحم سليم وما في شي يمنع الحمل

الله ما كتب اني احمل

 

[Miznah]

حبيبتي الله يرزقج الحمل السليم يارب ويرزقني يارب انشالله وراح ابشرج سويتها ورايي بس لاحظت مو وايد بنات مسوين ها ومشالله تنجح العمليات

 

[noor-al3in]

انا سويتة عند باتريك مسشفي لندن لازم بنج عام والم بسيط جدا حتي اليوم الي بعدة داومت

 

[Miznah]

مشكورة حبيبتي طمنتيني واتمنى اي واحده تذكر تجربتها معاه