بنات اللي عندها خبرة بتنظيف جلد الحقائب الماركات تدخل تفيديني

[Pink GirL]

بنات
انا عندي جنطة مارك جاكوبز لونها بيج جلد

وكنت لابستها مع جينز والظاهر وانا ماسكتها ناث عليها
فصاير لون الجنطة من ورا متغير شوي للي يدقق قالب على بنفسجي فاااااتح

دقيت على الاسطورة وقالولي ماعندنا شي ينظفها مع ان الوالدة شاريتها لي منهم مالت عليهم

فاللي عندها خبرة بتنظيف الجلد الاصلي تفيدني جزاها الله خير

 

[malgoofah]

شوفي انا مره كنت ماخذه جنطه من شانيل و كانت بيضه عاد قاعده اسأل اللي اتبيع اشلون انظفها قالتلي خوش معلومه بس جربيها قبل على مكان اصغير و مخشوش احتياط قالتلي نظفيها ابمعجون الأسنان وانشالله اتفيدج هالطريقه بس نفس ما وصيتج جربي على مكان اصغير و مخشوش

 

[سبائك]

بنك جربي مناديل الديتول الرطبه على مكان صغييييير يمكن يفيدون

 

[لانا]

بنوكه انا نفسج عندي ديور اوف وايت ومع العبايه نث عليها اللون.....
عاد قالولي عند الدو اللي بالمارينا شغلات حق تنظيف جلد الجنطه...
بس كل مارحت انسى (الحمدلله ماكو قلب)

 

[virgo_kw]

صح جربي الوايب مال ديتول

 

[الفرحه السجينه]

زين واللي جنطتها على خام وماركة خايفه تخترب

اوديها مصبغه ولا شلون ؟؟

 

[قمر ضاوي33]

الدو عندهم مستحضرات لتنظيف الجناط ... ودي جنطتك لهم وسأليهم اشلون انظفها يمكن يفيدونك

 

[بنت الحزن]

حطي قطنه صغيره و نظيفه و بليليها بشوي ديتول و لا عطر و مسحي و الله يوفقج

 

[Pink GirL]

مشكورين بنات على الحلول

بس اخاف الديتول والعطر يخربها

ملقوفة > معجون ! جربتي عاد ؟؟؟ اخاف يبقع عليها

لانا > ماكو الا اشوف الدوو على يوم

 

[ريفيل]

والله انا اللي اعرفة في مصبغة بالسالميه لتنظيف الجناط الماركه بس شسمها والله مو عارفتها حاولت قبل فترة اسال بس لهيت عن الموضوع

 

[Pink GirL]

ياريت تسألين عن اسمها حبيبتي

 

[ليالي نجد]

حبيبتي عند ايكيا محلول صغير وياه اسفنجته لتنظيف الجلد اكيد بينفعج

في الوان منه

 

[تووت]

شسمها مصبغة السالميه حبيبتي؟؟

 

[Pink GirL]

ليالي نجد > ايكيا !! ماله شغل بجلد الجناط !!! شلون ؟

 

[meen_ana]

بنوكه انا نفسج عندي ديور اوف وايت ومع العبايه نث عليها اللون.....
عاد قالولي عند الدو اللي بالمارينا شغلات حق تنظيف جلد الجنطه...
بس كل مارحت انسى (الحمدلله ماكو قلب)

وين صاير بالضبط وشنو اسمه

 

[تووت]

^
^
حبوبه اهو محل احذيه وانتي بكرامه اسمه Aldo

موجود في سوق شرق والمارينا والافينيوز


بس انا ودي بمصبغه ثقه تهقون مصبغة الشيراتون تقدر عليه؟؟

 

[!!الشوق ذباح!!]

؟؟؟؟؟؟؟؟؟؟؟ ماعندى فكره ؟؟؟؟؟؟؟؟

 

[dalprincess]

نفس حالتي عندي جنط غاليه ومتوهقه مادري شلون انظفهم ...ماكو الا الدو

 

[شهدQ]

بنات مافهمنا محل الدو ينظفهم ؟؟


فيدونا جزاكم الله خير

 

[شندوخه]

مره نت خالتى سوت جنطتى بس ماكانت بيضه
يابت مناديل الديتول ومسحتها فيها واخر شي نتفه فازلين ودهنت الجنطه
والله صارت جنها يديده