بنات اللي مجربه المساج تدخل

[كويتيه والماسه]

بنات اللي مجرب المساج للتخسيس شلون يوخر الكرش والزوايد الي بالظهر

 

[رشيقه هانم]

هاي شلونج انا جربته صراحه وضعفني ضعفت اول خمس ايام 4 كيلو مع جاي صيني وحبه تسد الشهيه
بس والله وقفت عنه من كثر التكفخ يكفخونج عدل ويضغطون صوب راس المعده عشان يصغرونها والله عذاب انا اشرف لي امشي واخفف اكلي ولا هالعذاب وسويته عنده وحده صينيه يم برج العوضي الي بشرق مناك اسمه المعهد الصيني الكويتي الطبي ب 150 دينار حق 15 جلسه وكل جلسه تاخذ لها ساعه وبعد التكفخ والتمجع لوووووووول يحطونج بالكفر البخاري مثل السونا تعرقين وايد جذي بو نص ساعه وبعدين تقولج بعد يوم تروحين لها بس اول خمس ايام كانو ورا بعض وان شاء الله اكون فدتج

 

[كويتيه والماسه]

ههههههههه واي تكفخ عاد لايبه لايحوشك

 

[شمع تحترق]

انا جربته عند وحده وايد بنات بالمنتدي اكتشفت مجربينه عندها اسمها ايفون
اهو صالون بالسالميه يلوع الجبد

طبعه 10 دقايق بيدها بس تطلع روحج اتقولين 10 ساعات

الجلسه ب 5 و انا قعدت عندها 10 شهور طبعا قطيت 9 كيلوات بشهر و الباجي بس كرش و ما اقدرت عليه

طبعا المبلغ كان جريب ال 1500 و ضليت محافظه عقب ما هديتها بس زاد وزني خلال 4 اشهور بشكل مو طبيعى وصلت وزن عمري ما وصلت له لا فوق هذا جسمي كله ازرق اذا نعزمت ما اقدر البس جم قصير و لا شي قصير و ريلي اطنازه لها ول ما لها تالي و لا اخر الايام على ابو انها تشد لي على قولتها تقفل الله لا يواريكم اشلون امشي جنه فيني بوزليقه

فبصراحه رديت على نظامي القديم مع استخدام شغله و ضعفت و الحين الحمد الله محافظه


طبعا طريقتي اللي ماشيه عليها و اضعف

ما في اكل بعد الساعه 7 و اذا يعت بس عصير اناناس من كي دي دي او سوائل و اذا تعشيت بره اول ما ارد علبتين عصير اناناس

اما الكرش راح بطريقه ثانيه ما اقدر اقولكم لانها مشت معاي بس ما مشت مع غيري و حصلت دعاوي لي الراس

 

[lara_action]

بنااااااااااااااااااااااااات ابتعدو عن الصالونات
لان بعضهم مايعرفون حق المساج
فيفرون الرحم (( اسم الله عليمن ))
انا جربت كل شي
والمعهد الصيني الكويتي صج عجييييييييييييب
بس الي بتسوي مساج اول ما تخلص كورسها تستمر بالمشي لمدة نص ساعه يوميااا وبعض التمارين الخفيفه ولا راح ترد مثل ماكانت
انا الحين عندي اشويه زوايد بالطهر وكروشه عنونه بس قاعده اشرب الشاي (( وصفات من قسم الاعشاب )) لما اشتري جهاز الغزال الطائر لان وااااااااااااااااااااااااااااااااااااااايد حلو ويشد كل الجسم ويغنيج عن كل الرياضات حتى المشي لان يخليج تفردين ايدج و ريلج :ada: <--- مثل هالحركه بالضبك :eh_s(6):
والله يوفقكم ويضعفكم وتصيرون ملكااان انشاءلله