بنات المملكه ولايهونون خواتي الكويتيات مساعدتكم

[جيرازksa]

اول شي السلام عليكم ورحمه الله وبركاته

خواتي بستشيركم بشغله

انا من جده ومتقدملي واحد من مكه للحين الولد مافيه شي سمعته تمام ووظيفته تمام عمره 30 وانا عمري 21شرايكم بفارق العمر انا نفسي كدا واحد يكون اكبر مني بكثير

وهذا كلامي بموضوع قولو قصصكم مع الخطابات والعاهات والي مانولد منه واحد

بنات ابشركم للان الحمدلله مو عاهه

جات ودخلت انا واختي طبعا انا الصغيره بس بالشكل ابان كبيره لاني طويله اسم الله علي هههههههههههه

المهم الحرمه طلعت من عندنا وقبل لاتطلع قالت ان شاء الله بيننا اتصال وبس

بعدها بنص ساعه دقت تقول ولدي يبغى وحده طويله وانا عجبتني بنتك الصغيره وشلون انتو تزوجو الصغيره قبل الكبيره ولا شلون قالت امي انا بشوف ابوها واردلكم

الناس حدهم مستعجلين تقول انا بكره بدق اعطيكم فين يشتغل ولدي واسمه بالكامل عشان تسالو عنه ويجي يشوفها وينقدم خلاص بنات ساعدوني الولد مافيه شي زين عمره 30 وانا عمري 21

بس المشكله انا بجده وهما ساكنين بمكه هذا الي احاتيه انا ماما منفصله وماعندها غير انا واختي ابي اكون قريبه منها ومدري

يارب سهل<<< ادري اعطيت قصه حياتي

المشكله نفسي افرح ماما وبنفس الوقت شايله هم السكن بمكه للعلم ماما وبابا منفصلين وبابا متزوج وساكن بمكه وكل اهل بابا هناك بس كمان مشكله الدراسه صعبه احول لجامعه مكه ونفسي اكمل انتساب بس اخاف تكون صعبه علي

واخواتي وماما يقولو عادي كل اسبوع تنزلي وجذي
ساعدوني حبيباتي

الي ماعندها رد تدعيلي ربي يكتبلي الي فيه الخير ويوفقني يارب

 

[saadeen]

الله يسعدك ياقلبي استخيري والله يكتب لك اللي فيه الخير

 

[توتاتوتا]

جده و مكه مابينهم شي قريبه من بعض و استخيري و اسئلي عن دين الرجال و الله يوفقش

 

[aṕriliå]

>>كويتية بس دشيت لقافة

الله يوفقج ويسهل امورج ياااارب ..

 

[hend6363]

حبيبتي اذا الولد ما فيه شي خلاص وافقي انا ما اعرف الفرق كم بين مكة و جدة بس الحين في تلفونات و نت و مواصلات تقدرين كل ويكند ولا اسبوعين تشوفينهم و الاعياد والعطل و صراحة الايام تطيير عرفتني يعني ما تحسين بالاسبوع لما يمر
و اذا علي الدراسة عادي شنو فيها اذا قلبي جامعتك عادي و الحمد الله ابوكي في مكة ايضا يعني ما راح تكونين وحدك

 

[عطر ايامي]

حبي شالفرق بين مكه و جده ولا شئ مشوار سياره

استخيري واذا الولد كويس

وافقي بس كملي بالجامعه عند امك

لان صعبه تنقلين من جامعه او تحولين انتساب

وربي يكتب لك الي فيه خيره و صلاح

 

[يآرب يتحقق]

امممممممممممممممممم

تعليقي مو على الموضوع





بس عندي سؤال من جد محيرني


دآم سؤالك موجه للسعوديات بشكل خآص ليه كاتبه بمنتدى كويتي !!

اكثر ماكثر الله المنتديات السعوديه !


-> سعوديه

 

[لولو ؛) الصغيره]

قلبو انا مو عارفه وين المشكله

خايفه من السكن في مكه

في احد معقوله ما يحب يسكن في مكه

بعدين جده مو بعيده كلهم ساعه الا ربع وتكونين واصله جده

انا من جده واهل بابا من اهل مكه واحنا كل اسبوع ننزل مكه يومين في الاسبوع نزور اهلنا

بعدين جامعة عزوز زي جامعة ام القرى ما تختلف

كلها جاامعاات

ونصيحه لا تحولين انتسااب لانه الدرااسه انتظاام احلى بكثير وأريح

انا مو شاايفه شيء يخوف من مكه

بعدين يا حلو اهل مكه خفت دم واخلااق عااليه

ربي يوفقك

واذا عريسك ماافيه شيء يعيبه لا تردين نصيبك

الله يوفقك

​

 

[Pippa]

’

امم مادري >> كويتيه

بس اذا الولد ما فيه عيب حراآام ينرد استخيري وعسى الله يوفقج حبيبتي​

 

[كلـــــي غنج]

انا رايي من راي البنات .,

اول شي استخيري ,,

واذا الولد ماينعاب توكلي على الله ,,

والعمر بينكم مو كثير فرق ,,

بالعكس احس عمرج يصلح لعمره ,,

وياحلو مكه وياحلو من سكنها ,,

وعلى حسب ردود البنات ,,

مسافه الطريج ساعه الا ربع مو كثير يعني ,,

الله يوفقج ويكتبلج الخير والصالح يارب ..

<< سعودية مواليد الكويت

ههههه جني قلت قصة حياتي

بالتوفيق

 

[M!ss soso]

انا من قطر يعني داشه لقافه هههههههه :$
الله يوفقج حبيبه قلبببي و يكتب لج الي فيه الخير ..

 

[رواضي قطر]

واناااا هم من قطرر بس امي سعوديه وماخذا قطرررري عاادي يعني استخيررر وربي يكتب لك الخير وين ماكان

 

[ورده الكرستال]

الله يوفقج حبوبه


والفرق بين جده ومكه اطول مده هي ساعه يعني مو بعيده



اهم شي الاستخاره

 

[مناير ...!]

جده ومكه حذفت عصا
والفرق حلو بينج وبينه بالعمر مو وايد
الله يوفقج ويتمم عليج
واهم شي استخيري

 

[حبيبه بدر]

ًالله يوفقج