بنات الميداني الكورس الجاي حياكم الله ( التربية الاساسية )

[بنت شيخ]

موفقين ميداني تربيه اساسيه<زميلتكم تربيه بس مو عندكم:d
تفضلو انا بهالموضوع مقتبسه ردود نصايح من بنات بمواضيع قديمه
ان شاء الله تفيدكم : http://www.q8yat.com/t995393-2.html#post28908988
لو تنسخونها اهني عندكم بعد احسن ..عشان العموم يشوفهم

يعطيج الف عافيه

وجزاج الله خير
الله يوفقج

 

[بنت شيخ]

**بنات انتوا ملزومين كل يوم توقفون بالطابور


**و احتياط مرة باليوم

**و ماتمسكون اشراف و مناوبة.. ممنوع أصلا

**تصحيح الكتب مو مهمتكم.. يعني ما يأثر ع الدرجات بس ممكن يعتبرونه اهمال منج إذا شافوا حصصج مو مصلحة
فانتي صححي قد ما تقدرين و أهم شي حصصج طبعا

**الطلعه الساعه 12ونص

**الحضور لازم قبل التوقيع .. يعني 7 و نص و 5 انتي تأخير !!!

**أذكر قالتلي الوكيلة الكورس اللي فات ان كل تأخيرين بغياب

**اللي بتغيب عندها ظرف و لا بتتأخر لظرف معين ملزووووومه تبلغ رئيسة قسمها قبلها بيوم عشان تتصرف

**ما يصير توزعين أوراق عمل من غير ماتشوفها رئيسة قسمج و توقع عليها قبل بيوم ع الأقل

**إذا سويتي أي شي شغل أو وسيلة اكتبي اسمج عليه
و وريه رئيسة القسم لو ماحضرتلج بس وريها عشان تحط فبالها انج قاع تشتغلين و تبدعين و تبذليين مجهود

**لازم تشوفون أوراق تقييمكم من الحين عشان تعرفون على أي أساس قاع يقيمونكم
و إذا ماعجبتكم درجاتكم نااااقشوااااا لا تستحون ولا تخافون .. ترى بعضهم يظلمون






و سلامتكم


منقول من الاخت المها ​

 

[بنت شيخ]

أهم شي عند الموجه وقفتج بالصف و ثقتج بنفسج و كأنج مدرسة من سنين
هالشي يبين بهدوء صفج \ انتباههم معاج \ صوتج الواضح و التنوع بنبرتج \ نظرتج للطالبات \ عدم الارتباك عند الوقوع في خطأ بل تصحيحه بكل ثقة \ عدم الارتباك عند احداث مشكلة من احدى الطالبات \ عدم الارتباك عند دخول الموجه و رئيسة القسم .. هالنقطه مهمه لما يدشون قولي هلا حياكم الله و خلي البنات يوقفون و يسلمون بسرعه .. و حطي لهم كراسي و بس و عطيهم دفتر التحضير و بس و كملي حصتج عاااادي ولا كأنهم موجودين تفاعلي مع البنات لفي عليهم شرحي سوي كل شي بدون ارتباك

منقول من الاخت المها

 

[بنت شيخ]

-تحضيرج 100% يعني اهدافج مكتوبة و العرض كامل و مضبطه دفترج لأن ممكن بأي لحظة رئيستج أوالموجه يدشون !!

-تكونين محضرة ذهنياً ، يعني قارية الدرس عدل و حالة الأسئلة اللي بالكتاب كلها عشان تعرفين شنو المعلومة اللي المفروض توصلينها ،، و يكون تحضيرج شامل لكل صغيرة و كبيرة بالدرس

-بطاقاتج\وسائلج\الأجهزة اللي تحتاجينها جاهزة و مناسبة للدرس و مكتوبة بالتحضير

-تكونين منظمة و تمشين لصفج قبل لا يطق الجرس ب 5 دقايق عشان تضبطين صفج و اذا محتاجه بروجكتر تجهزينه و تتأكدين ممكن يكون خربان!! تعدلين شغلج و أغراضج و سبورتج و اقلامج و تكونين مرتاحه نفسيا بصفج ،، وتاخذين الغياب فبداية الحصة

-اول ماتدشين تخلين البنات ينظفون الصف و يعدلون طاولاتهم اذا احتاج الأمر ،، و تخلينهم يطلعون كتبهم و تتأكدين من أدواتهم كاملة ولا لأ ،، لأن ممكن تتوهقين تبين منهم شغلة و يفشلونج ابلة ماعندي ابلة ابي و من هالسوالف ،، فلازم في عقاب و تبينين للموجه و رئيسة القسم انج مهتمة و تحاسبينهم

-الكتب تأكدي من تصحيح درسج و اذا كانت الأبلة ماتصحح و قاطه التصحيح عليج نبهيها ،، و اذا ماحلوا واجبج نبهيهم و عاقبيهم ،، لأن ممكن يسائلونج ليش مو حالين؟؟

-لما تعطينهم سؤال معين خصوصا ابلات الرياضيات لازم تكونين حالته و تعطين البنات اسئلة متنوعة و شاملة لمعلومات الدرس

منقول من الاخت المها

 

[نووويرة]

مشكوووووووووووووووووورة بنت شيخ بصراحة ما قصرتي يعطيج العافية حبيبتي

 

[بنت شيخ]

هااااااااااااااااااااااااااااااااااااااااااااااااااااااااي بنات شلونكم
انا ميداني الكورس الجااااي تخصصي لغة عربية بس منو تعرف مشرفه صباح السالم

خايفه حيييييييييل وما ادري شنو اجهز وشنو اسوي احس أني ضاااااااااااااااااااااااااااااااااااااااااااااااايعة

هايات هلا ؤالله

أنا بخير إنتي. شلونج ؟
حبيبتي عادي كلنا موعارفين لأنه للحين ما عرفنا المدرسه ؤلا المدرسات ؤلا المراحل اللي بندرسها

إنتي الحين ما عليج إلا تأخذيلج فكره عن. البرامج الأذاعيه تزيين السبوره طرق التدريس

تعامل مع الطلبه تأخذين جوله مع الدروس الجاهزه

وبالتوفيق

 

[بنت شيخ]

مشكوووووووووووووووووورة بنت شيخ بصراحة ما قصرتي يعطيج العافية حبيبتي

العفوو ولو ما سويت شيء

الله يعافيج

 

[رزنامه2010]

هلا قلبو وانا بعد معاكم ميداني الكورس الياي وحدي خايفه احنا برزنتيشن ونرتبك هالمره جدام بنات وموجهه ومدرسه اولى الله يستر ويوفقنا انشالله ويسهل امورنا


حبايبي شرايكم بمدارس العارضيه في احد الميداني فيه

 

[HaYoOoMa]

مافي احد ميداني روضه


احاتي


بنات الميداني شهر 5 كله ولا نصه :\

 

[بنت شيخ]

لا نصه

 

[مريومه النزغه]

بنات بما انكم خريجات وعارفين قوانين الكليه بغيت أسالكم عن شغله بعد اذنكم
أنا جبت aفي ماده عايدتها وغبت عن الامتحان وجبت فيها fa
بس ماحسبولي ياها كماده معاده ؟مدري حسبتهم غلط اولا

 

[*q8ya*]

الله يوفقنا يارب و يعدي الميداني على خير
حدي ضايعه زين حصلت تجمع لنا
نفيد و نستفيد:eh_s(10):
مو عارفه وين مدرستي ولا موعد اللقاء التنويري :eh_s(2):

بنات منو عرفت مدرستها او تأكدت من الموظفات عن موعداللقاء التنويري بليز تفيدنا ؟؟
:eh_s(4):​

 

[Maybe_87]

بنات كنت قبل جم سنة نفس حالتكم
ميداني تربية أساسية وأحاتي
راح أقول لكم كل شي وبالتفصيل
بس أبي منكم دعوة حلوة ربي يحقق اللي فبالي
أول شي اللقاء التنويري بقاعة المعارض
لجميع التخصصات
يقولون لكم فيه شنو لكم وشنو عليكم
الدوام من 7.30 لي 12.30
بس إذا المدرسة كانو متساهلين يطلعونكم أبجر
مالكم شغل بالإشراف والمناوبة ومراقبة الإمتحانات
التصحيح مالكم شغل فيه سواء إمتحانات أو دفاتر وكتب
بس بصراحة إحنا كنا نصلح
رحلات خارجية ممنوع
ملزومة توقعين قبل ما يدق الجرس
تمسكين احتياط
ما تسوين شي إلا وتدري عنه رئيسة القسم
اي منشورات أو ورقة عمل تكتبين فيها القسم واسم رئسة القسم واسمج
يفضل تسوين طابور الصباح أو ندوة عشان تقييم الناظرة
ترى بيدها 10 درجات
والموجهة ورئيسة القسم كل وحدة بيدها 45درجة
والطابور تحضرينه إذا عندج حصة أولى
وكوني إيجابية ومتعاونة
ورزي شغلج وبينيه خلي يوصل لرئيسة القسم كل يوم إنتي شنو سويتي
بالنسبة لي إذا ما حضرت عندي رئيسة القسم بالحصة
خلال اليوم أعرض عليها شغلي واقول لها سويت جذي واستخدمت هالوسائل
وكل تعبي ابينه لها
ومرة عزمت مدرسات القسم يحضرون عندي حصة طبعا بعد إذن رئيسة القسم
واستانسو المدرسات والرئيسة
وطبعا أول اسبوعين غير حصصج اللي تعطينها
في شي اسمه حصص المشاهدة
يعني تحضرين حصة مدرسة معاج بالقسم ويعطونج ورقة تعبينها
مكتوب فيها اسم الدرس واي صف والأهداف والوسائل ونواحي الإبداع
ومن هالسوالف
وتناقشج فيهم الموجهة ورئيسة القسم
وترى كل حصة لازم تحضر رئيسة القسم
ومرتين بالإسبوع أو مرة تحضر الموجهة
وأول لقاء معاكم مع الموجهة
تقول لج البنود اللي على أساسها راح تقيمج
ولازم صوتج واضح وتتغير نبرة الصوت إذا شي مهم
وتكونين واثقة من نفسج
وتفرضين احترامج عند الطالبات من اول يوم لقاء
كوني جادة ورسمية ولا تضحكين أو تبينين إنج متوترة
وبعدين لما تضمنين احترامهم ضحكي وسولفي معاهم بالمعقووووول
وبالنسبة للبس ترى في مدارس ما ترضى تلبسين بنطرون
إخذو احتياطكم اذا تبي تجهزون من إلحين
بالنسبة لمدرستي كان عادي
وممنوع تدخلين التلفون بالحصة
ويفضل اثناء الشرح إنج تتنقلين بين الطالبات
تروحين عند آخر وحدة وتردين عند السبورة
وغيري بأساليب الشرح
ونوعي بالوسائل خلي الكل يتفاجئ
الطالبات والموجهة ورئيسة القسم
أذكر مرة يتلي رئيسة القسم وقالت أبله معاهم بالمدرسة
قالت حق رئيسة القسم بنتي تستانس من حصتي اللي اهي انا
لأن تنطر كل حصة الأبلة شنو تسوي بالتقويم
ورئيسة القسم متشققة
وبنات انتبهو للوقت لا تطولون بالشرح ولا تخلصون بسرعة وقتو نفسكم
وبس هذا اللي فبالي إلحين
اي نسيت أقول لكم عقب اللقاء التنويري اللي بالكلية
كل مشرفة ميداني تقول حق طالبات قسمها عن موعدهم
عشان تعطيهم ورشة عمل ورقة فيها نماذج تحضير دروس
وتقول لهم عن اي مدرسة اهم فيها
وبالكثير 4طالبات بمدرسة وحدة
وموشرط تكونين بالمدرسة اللي سجلتي فيها
وتداومين مع المدارس
اول ما تروحين المدرسة تدخلين على الناظرة
وتعرفين بنفسج إنج طالبة ميداني
وبنات بتحضير الدروس اتبعي نظام الموجهة ومو تعاندين
وبعد كل حصة تحضرها الموجهة تقعد معاج وتقيمج
إخذي بكلامها ومو تعاندين
وإذا سويتي شي كانت منبهتج عليه من قبل
قولي لها شرايج إلحين سويت اللي قلتي عليه
اي شي تسوينه بينيه لأن درجاتج بيدهم
وبنات لا تخافون ولا تحاتون سهالات
انا كنت ماخذة مع الميداني 4مواد وكله عدى والحمد لله
وربي يوفقكم وتيوبون كلكم a
وبس
اي استفسار تراني بالخدمة

 

[Maybe_87]

هلا قلبو وانا بعد معاكم ميداني الكورس الياي وحدي خايفه احنا برزنتيشن ونرتبك هالمره جدام بنات وموجهه ومدرسه اولى الله يستر ويوفقنا انشالله ويسهل امورنا


حبايبي شرايكم بمدارس العارضيه في احد الميداني فيه

حبوبة كنت ميداني العارضية المتوسطة بنات

 

[عطر الدوحه]

Up up up up

 

[عطر الدوحه]

اب اب اب اب اب

 

[عطر الدوحه]

اب اب اب اب اب

 

[طموحه بزياده]

يماااي قمت اخاف صراحه حدي خايفه من الميادني مادري شسوي احس المفروض احضر من الحين مادري شسوي؟



خفتتتتتتتتتتتتتتتت


انا ما اعرف اتكلم اتوتر مادري شقول لوول

 

[سحابة امل]

مرحبااا انا ميداني معاكممممم وحدي خايفه واحاتي --- شنو تجهيزاتكمممم

 

[سحابة امل]

اب اب اب