بنات الي تعطي ولدها حليب اس 26 تدخل تكفوووون

[ام ناصر 2009]

السلام عليكم حبايبي
أمهات

انا كنت اعطي ولدي سميلاك ادفانس بس ماتقبله :cxxxp:بس من الجوع يرضع رقمين يتم اكثر
من أربع ساعات بدون رضاعه ارضعه من صدري بس مايشبعه
وديته دكتوره لريم قنواتي وقالتلي غيريله الحليب رشحتلي اس26
ونان بس انا اخترت اس 26لان نان خفيف ولدي بروحه ضعيف
حبيباتي عطيته رضعه قعد يصيح من المغص بس سويتله أعشاب
ماكو ماراح المغص عطيته ماي غريب وحسيته احسن
بس شلون أستمر عليه والا أقطعه ارد سميلاك
توه داخل الرابع ويشرب رقمين بس هذي موحاله تعبت معاه:eh_s(14):
ابي يرضع مايبي مومتقبله عطيته اس 26هم شرب اول مره ثلاث
وثاني مره رقمين صج اس 26 يسبب امساك
افيدوني أخواتي العزيزات

 

[ام ناصر 2009]

شدعوه بنات

 

[أم عبداللطيف]

شوفي حبيبتي عن تجربه انا بنتي كانت وايييد ترجع عطاني الدكتور اس 26 مال الارجاع

والحمدلله عادي معاها كان واللحين انا مكمله معاها اللحين سمله عليها عمرها 9 شهور وللحين على سلاله هذي الماركه لانه احسه مفيد ومغذي للطفل كونها ما ترضع حليب طبيعي

وترا عاده الطفل كله مغص انتي على طول نوميه على بطنة واذا رضع طقي ظهرة

وان شاء الله اكون افدتج

 

[الحلوة 51]

والله انا عندي 3عيال وكلهم اعطيهم اس 26
والحمداللة ماشي عليهم
انتي روحي مرة ثالنية حق الدكتورة وعلميها على حالة
ولدج والمغص ترى شي طبيعي عطيه ماي وشكر بس اشوية موواجد

 

[ازعجهم هدوئي]

انا طفلي وهو صغير ذبحني بالاسهال والمغص وضعيف حييييييييييييييييل وكل يوم حليب وطفشت لحد ماكتبلي دكتور على حليب فرنسي مغذي وخفيف وبسم اللة على وليدي صار دبدوب وخدود وارتاح وريحني اسم الحليب نيرسي وبنتي نفعها حليب بيبلاك ونكتار ميل هذولي الثلاث احلى شى ان شاءاللة ينفعونك

 

[أم حيدر]

كل ياهل يختلف عن الثاني

اس 26 دمرلي بطن ولدي العود انذبح من الامساااااااك لان ثقيل

سيميلاك ادفانس مشى ويه عيالي + كنت احط بالرضعه 1/2 قفشة استكانه ماي مرقدوش تلاقينه بالجمعيه بطل مثل بطول ماي الورد يريح بطن الياهل

 

[طبعي مزاجيه]

شوفي ترى احسن شي حليب اس 26 بناتي الثنتين عليه

واحط داخل الرصغه دوى عن الغازات اقطر فيه كم قطره واصفه لي دكتور طارق قطب في مستشفى الهادي

جد جد رووعه

بس الدوى والله مادري ناسيه اظن انه اسمه بومب شي جذي

وان شاء الله اكون قدرت افيدك

 

[ام ناصر 2009]

انا طفلي وهو صغير ذبحني بالاسهال والمغص وضعيف حييييييييييييييييل وكل يوم حليب وطفشت لحد ماكتبلي دكتور على حليب فرنسي مغذي وخفيف وبسم اللة على وليدي صار دبدوب وخدود وارتاح وريحني اسم الحليب نيرسي وبنتي نفعها حليب بيبلاك ونكتار ميل هذولي الثلاث احلى شى ان شاءاللة ينفعونك

مشكوره حبيبتي على الرد
بس عندي سؤال الحليب اول مره اسمعه نيرسي وين ألقاه هذا
صج يخلي الياهل متبتب لان ولدي ضعيف

 

[mr000]

حبيبتي احنا جربنا السميلاك كان يسبب امساك حق بنت ولدي غيرناه عقب الأربعين وعطيناها اس 26 هم ماكو فايده والطبيبه قالت أثنينهم نفس الشركه ونفس التركيبه بس جنتي مارضت تغيره قالولها عطيها ماي التمرأو الرطب يعنيي نحط الرطب حبه وألا حبتين بس بشوية ماي حار وتالي نشخله ونعطيها الماي وهم نعطيها شوية عصير برتقال والحمدلله بدى يصير الوضع عادي ماكو امساك وهم عقبها بدينا نحط شوية بسكوت فارليز بالحليب بس طبعا هذا كله بالتدريج قريب عمر ال5 و6 شهور

 

[على العهد باقون]

اول شي خلج على حليب واحد لاتظلين تغيرين وطبيعي الجاهل اول ماينولد صعب يتعود على الحليب بسرعه ...


حبيبتي وكل نوع حليب يسبب الغازات والمغص للطفل

انا اقولج الخطوات اللي سويتها واللي كثير سووها قبلي .....اتبعيها ماراح تندمين وراح يرتاح ولدج ان شاء الله علمونياها الحريم والحمد لله صحت ولدي صارت تمام وعال عالعال....


1- حطي سبع حبات حلبه في ماي الطفل بالمطاره الخاصة فيه وكل ماحضرتي ماي حطي الحلبة
لاتقولين ريحة ويييع لا اهم شي صحتج ولدج وبعدين يصير خير

2- لاترضعين ولدج اخر الحليب اللي يظل (( الرغوه الباقيه باخر الحليب ))) هذا سبب رئيسي للغازات.....

3- في دواء ينحط مع الحليب قطره اسمة غاز بالصيدلية ....تحطينه لمدة عشرة ايام مع الحليب وبعدين تقطعينه....

3-استخدمي ماي الغريب اللي بالصيدلية مو مال المستوصف اللي ماي يسوي شي....

4- دايما جيبي زيت زيتون ودلكي بطن ولد يعني مره باليوم يفضل قبل النوم ...

5- لاتخلينه بدون مهاد ولاتشيلينه وايد عشان يظل مرتاح.....




لتبعي خطواتي وماراح تندمين


ادعيلي ....وادعي الله يشفي اخوي

 

[ام ناصر 2009]

اول شي خلج على حليب واحد لاتظلين تغيرين وطبيعي الجاهل اول ماينولد صعب يتعود على الحليب بسرعه ...


حبيبتي وكل نوع حليب يسبب الغازات والمغص للطفل

انا اقولج الخطوات اللي سويتها واللي كثير سووها قبلي .....اتبعيها ماراح تندمين وراح يرتاح ولدج ان شاء الله علمونياها الحريم والحمد لله صحت ولدي صارت تمام وعال عالعال....


1- حطي سبع حبات حلبه في ماي الطفل بالمطاره الخاصة فيه وكل ماحضرتي ماي حطي الحلبة
لاتقولين ريحة ويييع لا اهم شي صحتج ولدج وبعدين يصير خير

2- لاترضعين ولدج اخر الحليب اللي يظل (( الرغوه الباقيه باخر الحليب ))) هذا سبب رئيسي للغازات.....

3- في دواء ينحط مع الحليب قطره اسمة غاز بالصيدلية ....تحطينه لمدة عشرة ايام مع الحليب وبعدين تقطعينه....

3-استخدمي ماي الغريب اللي بالصيدلية مو مال المستوصف اللي ماي يسوي شي....

4- دايما جيبي زيت زيتون ودلكي بطن ولد يعني مره باليوم يفضل قبل النوم ...

5- لاتخلينه بدون مهاد ولاتشيلينه وايد عشان يظل مرتاح.....




لتبعي خطواتي وماراح تندمين


ادعيلي ....وادعي الله يشفي اخوي

تسلمين يالغاليه
انا كنت حاطه الحلبه بالمطاره بس خفت لأن قالولي مدره للبول وتنشف الياهل صج
الحجي هذا بطلت أحطها شنو تسوي الحلبه
شنو غاز هذا
هذا اول مره من جبته أغير الحليب شرايج فيه أستمر فيه والا أقطعه
وصج يسببله أمساك
شسوي ياحياتي افيديني

 

[@الجود@]

لا ماعليج اس 26 شحلاته للاطفااااااال ومايسبب امسااااااااااك
بس شربي ولدج ماي
وعطيه اعشاب الحبه الحلوه وكمون فقط

بنتي جاهاااااا الامساك صج من هالسيميلاك تخيلي 5اياااااام مايمشي بطنها خنة حيلي

ومايشوووووف شر


وتسلمين اختي على العهد باقي صج كل اللي قلتيه صحيح ومفيد للجهاااااااااااااااااااااااال

 

[على العهد باقون]

تسلمين يالغاليه
انا كنت حاطه الحلبه بالمطاره بس خفت لأن قالولي مدره للبول وتنشف الياهل صج
الحجي هذا بطلت أحطها شنو تسوي الحلبه
شنو غاز هذا
هذا اول مره من جبته أغير الحليب شرايج فيه أستمر فيه والا أقطعه
وصج يسببله أمساك
شسوي ياحياتي افيديني

معروف كل الجهال لازم لازم يجيهم امساك ....لاتغيرين الحليب

والحلبة جهالنا كلنا عليهم وماشاء الله الصحة عال العال ....

وهذا غاز اسم علاج خاص باغازات للاطفال ومكون من اعشاب تحطينه مع الحليب ....اسالي الصيدلي عن الطريقة اذا شريتيه ...سعره تقريبا 3 دنانير

موكل يوم شايلة الجاهل وماشية من طيبي لي طبيب سوي اللي قلتلج علية وماعليج.....

 

[مطيرية سنةألفين]

سميلاك موووو زين يجيب امراض للصدر لا تعطووونه عيالكم و انا حليب عيالي اس 26 احسن شي والحلبة زينهه للجاهل عادي عطيه

 

[lyale]

بالعكس حليب نان صج خفيف علي المعده وهو زين حق البيبيات ما يسبب غازات كثر اس 26 حق البيبي وانا عيالي كلا اعطيهم نان وصحتهم من اروع ما يكون ليش ما جربتيه ترا ما يضعف الياهل انا ولدي الكبير كنت اعطيه انان لان حساسيته قويه وماشاء الله كان مدبدب وخدود شحلاته ما ضعف بالعكس صحته حلوه ليومج من هالحليب

 

[طعم الشهد]

شوفي حبيبتي انا كنت اعطي بناتي نان كان وايد زين وماشي معاهم والحين انا صارلي اربع شهور والده يعني من عمر ولدج جربت لها النان مامشه معاها والصراحه جربت اس 26 فضيع احس ان بنتي صحتها متعافيه منه وايد زين يمعوده تركي سيملاك انت شوفيه كله رغوه يذبح البطن وبعدين انت اقري مكونات اس26 الصراحه فضيعه ما تلقينها بحليب ثاني تبين نصيحتي من بعد ثلاث اطفال اخذي اس 26 وااااايد زين

 

[كـــنـــزي]

انا بنتي توها عمرها شهر ونص.. كنت استخدم لها سيميلاك.. وسوا لها امساك وذبحها المغص.. وغيرته لي بيبيلاك.. وايد زين ومشى معاها وعطاها صحه وعافيه.. وهم استخدم غاز اقطر لها بالممية.. وبيبلاك فيه انواع وايد.. انتي استشيري الدكتور.. وفيه ممية تلاقينها ببروي توخر الغازات من الحليب

 

[كويتية أصيله]

أولا حبيبتي أكو مميات أسمها دكتور براون تلقينها في بروي وعندج خدمة توصيل توصلها لج لي البيت

إذا ولدج فيه أمساك يستحسن تغيرين الحليب لأن معروف أس 26 يسبب امساك والأمساك يسبب غازات

 

[ازعجهم هدوئي]

انا ماناسب ولدي s26 وغير ريحتة تلوع الجبد وسوالك عن نيرسي اهو اسمة نيرسي بريموم او بريميم ناسية واللة عمر ولدي الحين 4 سنوات وهو حليب فرنسي تلقينة بالصيدليات الكبار وسعرة اغلى من الحليبات الثانية

 

[ام ناصر 2009]

الله يعطيكم العافيه حبيباتي أسعدتني ردودكم