بنات امس بجييييييت جداااام كل المعازيم....آزروووووني

[BNT_NAS]

اشلواشلونكم بنات ...انا عضوة يديدة...وهذي اول مشاركة لي...بس كنت متابعة مواضيعكم...وادعيلكم من كل قلبي...طبعا انا نفس الحالة...صارلي 4 اسنين متزوجة...مابقا تلقيح صناعي (سويته 4 مرات) حقن مجهري (مرة) والحمد الله ماصار حمل...مع ان مافيني اي موانع ولازوجي بس الله ماكتب....بس الي خلاني انفجر واسجل واكتب هالموضوع السالفة الي صارتلي امس...


بنات امس رايحة استقبال حق الحجاج..مع خالتي وحريم حمواني (حوامل)....وقاعدين كلنا سوااالف ووناسة....والوضع عاااادي ...اوكي ....


وخالتي بس قاعدة وتدلل فيهم....<<<<خالتي حياتي طيبة وايد وادري موقصدها شي ..ادري لو انا الحامل بتسوي اكثر من جذي


بس تخيلوااا بالطالعة والنازله ....تقولهم اشويشوي ..ديري بالج ...وحتى استكانة الجاي ماتبيها اتشيلها...اشدعوااا عاد ...وياليت اول واحد ...كل وحدة عندها اثنين وثلاث ...تبارك الرحمن...


بس والله بنات احس بالغيرة ...اشوي



المهم مو اهني الموضووووووووووع ...

والحريم يشوفونهم حوامل وانا لأ....جان اتنط حرمة عووودة وتدعيلي بصوووووووووووووووووت عالي ((عسى ربي يرزق مرت فلان)) الي اهي انا


جاااااااااااااااااان يصير صخهههههههههههه.....وصرت انا محور الحديث ...تخيلوااا يمكن نص ساعة واهما يتكلمون عني ..الي اتقولي روحي عند الطبيب ويلي اتقولي مرت حماي تمت 10 سنين ويلي ويلي.....



تخيلوااا انا صرت بنص اهدوووومي....وكل هالحجي جدام حريم حمواني ....الصراحة مت قهر وانحرجت.....


جاااان اتخررررررررر دمعتي......تخيلوا جدام الاكو والماكووو....غصبن علي ماقدرت امسك نفسي......وساح الكحل على اخدودي ....والله كسرت خاطر نفسي

جان اتقولي وحدة عقب هالحجي كله ....ليش تبجين لاتصيرين حساسة<<<< طبعا اهما عبالهم انا حاطة ريل على ريل ولا عالجت ولاشي ...مايدرون اني بذلت كل الاسباب بس ربي ماكتب....ومايبون اصير حساسة

بنات هالموضوع حساس حيل بالنسبة لي...ادري انهم يحبوني ويدعولي بس الموضوع محرج وحساس ومو مال الواحد يتكلم فيه جدام الناس وبالاخص جدام الحمولة وبالاخص جدااااام ( حريم الحمواااااااان) آه ياقلبي ....والله احتريت حرة وافتشلت فشلة...


ياربي الموضوع موبيدي لو بيدي جان ترست البيت يهاااااااااااااااااااااال .......الحمد الله ريلي حبيبي واقف معاي وعمره ماعيرني بهالموضوع ولا يحن عاليهال ماشاء الله ولاخالتي ولا احد ...بس انا صايرة ماتحمل حتى الدعوة.....


مادري شسوي ؟

 

[ايمانو حلوة]

بعد قلبي حياتي ولايضيق خلقج كافي زوجج احبج وهو عن الف يااااهل اذا مرة ثانية احد ضايقج او شي قولي زوجي عندي عن الف ياهل
والحمدلله يارب الله اهو الرزاق الله عطاج زوج احبج ومداريج غيرج والله ودهم الله ياخذ كل عيالهم بس رياياييلهم احبونهم انا رفيجتي جذي ريلها على قولتها كل داقرها ومايهتم وعندها بيبيين ولد وتوها يابت بنت تتمنى ان زوجها يقعد معاها ولا اطلعها بالعكس انا مثلج الله ليلحين مارزقني بيبيات دايما اجهض بس الحمدلله زوجي احبني وقدرني وهذا عندي يسوى الدنيا ومافيها
ولا اضيق خلقج حبيبتي ولاتكدرين نفسج كل تأخيرة وفيها خيرة وانشالله ربي يرزقج ويرزقني معاج وثتيناتنا انحمل مع بعض

 

[كويتيه مذهله 87]

حبيبتي والله
لا يضيق خلقج لان هالشي مو بيدج وكلنا حااسين فيج واول وحده انا
بس شنسوي
حتى انا محور الحديث كلا اقولهم موبيدي والله مو بيدي كتبه الله وكل شي خيره والله ما رزقنه لي الحين اكيد له حكمته وامره واحنا رااضين والحمدالله
لا تبجين ولا تعورين قلبج انا قبل جذي اتضااايق الحين طنش تعش اهم شي ان ريلي يحبني ومومستعيلين علي اليهال هذا كاافي والي بيسمع كلام الناس والله يضيع

 

[‏"الجازي"]

:ioljnmlk::
السلام عليكم
الله يعينج يارب... إذاتكررالموقف هذاخليج قويه وقولي الله اللي يرزق بالذريه وأنامافيني شي ولله الحمد...
اللهم ياكريم ياذاالجلال والإكرام يارحمان يارحيم ياعزيزيامجيب الدعوات أرزق بنت ناس بالذريه الصالحه عاجلا"ليس آجلا"
ذريه متعافيه وحسنةالخلق والأخلاق وكل محروم من الذريه يارب ياكريم تقبل داعانا هذا
اللهم آآآآآآآآآآآآميييييييييييييين

 

[thenutybee]

وي حياتي الله يرزقج يارب ماعليه عاد الناس وايد تتليقف موجذي يتحجون وجمعة الله يهداهم كلمتين وصكروا الموضوع
ان شاء الله تلحقين الحمل وماكو شي بعيد عن الله ويرتاح قلبج

 

[F@ntG Q@t]

حياتي والله خنقتني العبرة صج الناس المفروض وما اتكلم عن هالموضوع لو دعوة تصيرمن القلب مو شرط الاجهار الله يخليلج ريلج ويحبج وتترسين عيونه وربي بيعوضج خير صدقيني

 

[vevo]

والله محد يقدر يلومج بس وسعي بالج وانشاء الله ربي يرزقكم الذريه الصالحه انا اعرف وحده 15 سنه واهي تحاول وعقب راحت لندن والله رزقهم في بنوته فلا تنحبطين خلي ايمانج بربج كبير

 

[WaChoCha]

لا يضيق خلقج يا حبيبتي ...بالعكس انتي في ابتلاء كبير وربج قاعد يختبرج بيشوف صبرج تبين عاد انتي تسقطين في اختبار ربج اكيد لا ...شوفي حبيبتي كلنا نفقد الذرية والله اعلم بحالنا بس انتي الحمدلله فكري في ان عندج ريل ..اكيد ريلج شاري خاطرج وهامه سعادتج ورضاج ...لا تخلين هالموضوع يثير حساسيتج لان انتي اللي بتتعبين...ولعلمج الضغط النفسي يؤثر على هرمون التبويض ويخليه كله عالي ويؤثر عالحمل .... هالكلام قالته لي الدكتورة لما شافت هرموني كله مرتفع ...عيشي حياتج وثقي بربج الكبير اللي ما توقف جدامه مشكلة والله يرزقج ان شاء الله وتبشرينا

 

[أم هـجـرس]

قولي يارب












































يارب تترسين بيتج عيال يارب


يارب يرزقج حبيبتي وماعليج من كلام الحريم وقت القعدات كل وحده تسوي نفسها فاهمه

يارب انشاءالله تتجمعين وياهم المره اليايه بس يكون بطنج جدامج

وكثري حبيبتي من الاستغفار والله يهون عليج يارب ويرزقج الي في بالج

وماعليج من الحنننه والتفكير ترى يأخر العلاج وسألي المجرب<------------

 

[اهـات]

ياقلبي

والله عورتي قلبي

يارب ياحي ياقيوم ارزق اختي بنت ناس بالضنه الصالح



ياااااااااااارب ياااااااارب يااااااااااارب



اهات

 

[سمسميه]

في ناس ما عندها ذوق!
بالله المره الكبيره ما نشره عليها
بس الي نطت تقول حساسه الله يسامحها
وصدقيني ترى الناس يدورون اي شي يسولفون فيه
حتى لو عندج عيال وبنات ماكو ولد هم بيسوون لج نفس الشي(وسئليني)
انتي توكلي على رب العالمين وثقي بالله وهو الي بيرزقج امين يارب

 

[بـــطوووطه]

يا حياتي الامر عادي انتي ما انحرجت بس تحركت مشاعرج لمن دعولج


انا جذيه لمن احد يدعيلي احس العبرة بتنزل مني واحاول قد ما اقدر اغير الموضوع او اقوم من مكاني عشان ما تنزل دموعي

عسى الله يعوضنا خير حبيبتي وتنزل دموع الفرح على حمالتنا حبيبتي

الله كريم يالغاليه

 

[القطانيه]

ياقلبي انتي والله حاسه فييج الله يفرج همنا يارب

 

[bant_alnoor]

اي والله اختي بطووووطه انا نفسج بمجرد مااحد يدعيلي تخنقنى العبرة

حبيبتي بنت ناس وكلي امرج لله سبحانه وتعالى ماينسى عباده وصحيح ان الموقف حساااااااااااااس وكلنا مرينا بهالتجارب وبهالمواقف الخايسه بس لاتخلينه يؤثر فيج بالعكس خلي عندج رد واحد يسكت الحريم كلهم ويقطع صوتهم وينحرجون منج وينهون الموضوع ولاعاد يفتحونه مرة ثانية احنا شنو مشكلتنا انا ضعاف ونتأثر بسرعه من اي موضوع يخص العيال لكن حاولى حبيبتي تكونين قوية عشان ماتخلين لاحد مجال يستغل ضعفج ومدام زوجج يحبج قطي الكلام كله بحر وروحي واستانسي مع زوجج ولبسي واكشخي بس لاتنسين اهم شي سواء كنتى تعالجين او لا خلى عندج امل كبير ان الله بيرزقج بالعيال واالتاخير هذا كله حكمة من عند رب العالمين ولاتنسين تقرين سورة البقرة حطي ايدج على رحمج واقرى البقرة يوميا مع الرقية الشرعية والاستغفار وسورة مريم واذكار الصباح والمساء

وعسى الله يرزقج ويرزقنا معاج بالذرية الصالحه يارب يامجيب الدعاء

 

[xxx]

بعد عمري حاسة فيج

بس صدقيني كل تاخيره وفيها خيره

وماكو شي بعيد عن الله

عسى الله يرزقج الذرية الصالحة ويرزق كل محروم

 

[البدايه 23]

والله بكون صريحه معاج وربي بس قريت موضوعج مت من الضحك لا تزعلين وربي لان حسيت بحالتي وربي اضحك وابجي استخفيت انا داشه بالسنه الثالثه وماحملت والله كريم بس احد اقول ياربي الله يرزقج افففففففففففف احس من داخلي يتقطع الله كريم وصج احنا بامتحان والله كريم بما انج يديده ياهلا فيج وكثري من قول يارحيم لان ربج رحيم

 

[<Miss ROoSe >]

حبيبتى والله عورتى قلبى الله يلوم اللى يلومج انشاء الله
لا تعورين قلبج ولا تتضايقين خليج قوية وخلى كلمتج وحدة
اللى يسألج قوليله الحمد الله على كل حال أنا وريلى مافينا شى واذا الله مارزقنا فهذا بايد رب العالمين واحنا ناس مؤمنين برب العالمين لو آخذ ادوية العالم كلها عمرى ماراح أحمل دام رب العالمين ما كتب لنا الحمال وبس
وان شاء الله بعدها راح يسكتون ولا يتليقفون
قطيعة يا شين اللى يتدخل بخصوصيات الناس​

 

[تمر حنا]

الله يرزقج يا قلبي بالذريه الصالحه الي تترس البيت عليج وخلي املج بالله كبير ولاتفقدين الامل والله انا حاسه فيج ومريت بنفس الي مريتي فيه واكثر بعد بس خليج قويه وهالمره نزلت دموعج غصبن عليج مره ثانيه اخذي نفس عميق وقولي الله كريم ولي الحين ماكتب لنا ومافينا شي وجذي يسكتون

 

[مرمريتوو]

حبيبتي بعد عمري
ما تنلامين
والله دمعت عيوني و تأثرت حيل بسالفتج
الحمد لله على كل حال
لا تيئسين
اهم شي الأمل والثقه بالله
و بعدين تعاااااااااااااااااالي
انتي ليش مو مسجله من زمااان ؟؟؟؟؟؟؟؟
هاااااااااااااااااه
قاعده اتطمشين علينا كل هالوقت
الله يعافيهم خلوج اتسجلين


يا مرحبا بج

 

[بنت الارسنال]

يا رزاق يا رحيم يا كريم ارزق الذري الصالحةلبنت الناس التي تدخل السعادة لهاولزوجها وارزقني بالمثل اميييييييييين