بنات انا بالاسبوع الخامس ومابين جنين بالسونار ..!!!

[الباروونا]

السلام عليكم بنات شلونكم شخباركم ..


بنات انا ولله الحمد حامل صارلي خمس اسابيع ..
امس نزل علي افرازات لونها بني بس حده شويه جم نقطه لما شفته خفت واايد قلت حق ريلي ورحنا مستشفى" دار الشفا " عند الدكتوره نجوى اذا تعرفونها...
المهم لما سوتلي سونار قالتيلي حبيبتي بس كيس الحمل امبين ومافي داخله جنين ...!!
فحولتني تحت عند قسم السونار قالت احسن واوضح وعلشان نتأكد من صحة الحمل ..
نزلت وقالولي شربي ماي وايد شربت ولما وصل دوري وسوولي سونار هم مابين الجنين بس كيس الحمل ومافي جنين .. خفت واايد وقالي تعالي بعد اسبوع يمكن يبين واذا مابين لازم تسوين تنظيف للرحم ..

واليوم نزل على دم شويه ووقف وبسسس ...

بنات اسفه على الاطاله بس تتوقعون صج مافي بيبي وله انطر اكثر من اسبوع يمكن علشان توني خمس اسابيع ؟؟؟
اسأل الله يوفقكم..
ويحفظكم من كل مكروه ..
*

 

[woman81]

رد : بنات انا بالاسبوع الخامس ومابين جنين بالسونار ..!!!

انشاء الله في حمل يارب

 

[الاحساس والطيبة]

رد : بنات انا بالاسبوع الخامس ومابين جنين بالسونار ..!!!

روحي دكتوره ثانيه احسن شوفي شنوتقول

 

[نور التفاؤل]

رد : بنات انا بالاسبوع الخامس ومابين جنين بالسونار ..!!!

:s141:

ايه صح مثلي يعني حمل فاضي سوي دخول المستشفى للتنظيفات


قبل لاتسممين بسررررعه اختي لايصير فيج شي

 

[om la6ofa]

روحي دكتور ثاني استشاري اجهزتهم احسن بس طبيعي بال ٥ اسابيع مايبين

 

[نادره في وجودها]

اختي قالولها جذي بس في كيس حمل

وراحت لمستشفي ثاني وطلع الجنين سبحان الله داخل الكيس ما يبين نقطه بس

والله يثبت حملج ويرزقج بالذريه الصالحه يا رب

 

[Hoooooda]

رد : بنات انا بالاسبوع الخامس ومابين جنين بالسونار ..!!!

اللحين مايبين الا داخلي
وما انصحج تسوينه روحي مستشفى ثاني او نطري اسبوع والرزق على الله

 

[عصفورة سعودية]

اختي لاتتعجلي 5 اسابيع بكير حيل وحدة اعرفها قالوا لها كذا ولما طنشت قالت مابروح الابالسبوع 8 الا بان سبحان الله والنبض بعد يعني تخيلي لو استعجلت كان طيحت الولد وهي ماتدري مجرد مرة وحدة قالوا لها مافي شي ويارب يطمنك على جنينيك

 

[Hoooooda]

رد : بنات انا بالاسبوع الخامس ومابين جنين بالسونار ..!!!

اللحين مايبين الا داخلي
وما انصحج تسوينه روحي مستشفى ثاني او نطري اسبوع والرزق على الله

 

[tmtmt]

ان شاءالله خير
لا تسمعين منا حجي وتتخربطين بروحه الي فيج كافيج

روحي طبيبيب ثاني احسن

 

[خزااامى]

الله يكتب اللي فيه الخير

 

[خجوله احب الناس]

انا نفسج بالاسبوع الخامس ماابين وقالي خلي المثانه مليانه ((تكرمون)) عساس يووضح وهمن ماا بين ... بس مااقالي تنظيفات وماددري شنو السالفه يبيلها صبر على الاقل 8 اسابيع افضلج .... واللي كاتبه ربج بيحصل ..... وعسى الله يرزقنا ووياج بالذريه الصالحه ..

 

[الباروونا]

جزاكم الله الف خير على الردود ..
انا وااايد بحثت بالنت واايد بنات صار معاهم جذيه ونطروا اسبوعين ثلاث وسبحان الله طلع فيه جنين ..
اسأل الله يرحمني برحمته الواسعه ..
ويسهل على كل حامل ويرزق كل محرومه الذريه الصالحه اللهم امين ..*

 

[الباروونا]

جزاكم الله الف خير على الردود ..
انا وااايد بحثت بالنت واايد بنات صار معاهم جذيه ونطروا اسبوعين ثلاث وسبحان الله طلع فيه جنين ..
اسأل الله يرحمني برحمته الواسعه ..
ويسهل على كل حامل ويرزق كل محرومه الذريه الصالحه اللهم امين ..*

 

[أم شيــ@وخة]

رد : بنات انا بالاسبوع الخامس ومابين جنين بالسونار ..!!!

تبين نصيحتي كأخت روحي حق دكتور ثاني أنا دكتورة قالتلي اصلا مافي جيس للبيبي ويمكن حملج خارج الرحم وكان بقزني أبر اجهاض بس الحمد لله خالتي حبيبتي انصحتني أني أروح دكتور ثاني وأختي وصتني على الدكتور مدحت الشربيني بمستشفى الراشد واااااااااااايد شاطر أول ماحط السونار على بطني طلع جيس البيبي وسمعت نبض القلب والحمد لله ما سمعت كلامها .الدكتورة الله يسامحها.

 

[Brounzi_girlly]

رد : بنات انا بالاسبوع الخامس ومابين جنين بالسونار ..!!!

حبوبة نطري شوي لا تستعيلين ماعتقد بالاسبوع الخامس يبين شي
مع التحية......

 

[كويتيه مذهله 87]

غلطانه هالدكتوره شلون تسويلج سونار وانتي بالاسبوع الخامس وكل الدكاتره يعرفون ان ماراح يبين
روحي بالأسبوع الثامن راح يبين البيبي
,,,

 

[نوناتي حياتي]

مالج الا انج تصبرين وتدعين وربج كريم

وان شالله تبشرينا

 

[أم@الحلوين]

حبيبتي تو الناس ما بين نطري ليه الاسبوع السابع والثامن
والله يطمن قلبج ياااااارب

 

[*دانة الخليج*]

مااااااااااااااااااااااااعليج من كلامها

احسن شي وعن خبره ((( صايره دكتوره بحكم الخبره))

روحي اي مختبر وطلبي تحليل هرمون الحمل تسوين اليوم االخميس وتردين تسوينه يوم السبت اذا زاااااااااااااد اقولج الف الف مبروك في حمل

واذا نزل (( وان شالله مايكون )) يعني مافي حمل

وهذا تحليل مو لازم ورقه دكتور ولا شي اي مختبر يسويه بسهوله

وانتبهي على نفسج ولاتفكرين وايد ترى النفسيه تأثر على البيبي وتسبب اجهاض

والله يتمم عليج