بنات انا حامل بالاسبوع ال19 و.......

[ياحلااتي]

السلام عليكم


شلونكم شخباركم انشاءالله طيبين وبخير يارب



بنات انا حامل بالاسبوع ال19 يعني بالشهر الخامس ومااحس بحركة البيبي نهائيا هذا شي عادي وطبيعي ولا لا

ادري بتقولون سالي الطبيب انا موعدي يوم الاثنين عند الدكور عمرو عصام بالسلام
بس احسه بعيد الموعد وقلت اسالكم
واشكر كل وحده ترد على مقدما واهديها هالورده :eh_s(7):

وشكراا

 

[ابلة مبتسمة]

تصدقين انا مثلج انا بالاسبوع ال 21 وماحس بحركة البيبي
قريت بالنت ان عادي احتمال يكون البيبي صغير او انه حجم البطن اكبر من البيبي فما تحسين ...

 

[Dan Dan 88]

حبايبي انا اللي عرفته اذا بجر ما تحسين بالحركه بسرعه يبله وقت
ويمكن انتي مو عارفتله بس ترا اهوا ما يتحرك يعني يحوس بس تحسين من تحت جنه غازات

 

[هيبة ملك]

ماراح تحسين فيه ألحين

لكن بالسادس راح تبين حركته أكثر


الله يتمم لج

 

[NODA 2]

اي عاااادي لا تحاتين الحركه تقوه في السادس

 

[أأأميرة الورد]

رد : بنات انا حامل بالاسبوع ال19 و.......

الوضع عادي جدا
ايام تحسين بالحركة
وايام ما تحسين نهائيا بالحركة

 

[miss2007kuwait]

انا بجر و ما حسيت بالحركه الا بداية السادس حتى كنت بالسينما و انصدمت و اخترعت و تشنجت بمكاني و كنت اكره الحركه و اخاف منها

بس الحين تعودت عليها


لا تخافين و ان شاء الله تحسين فيها بس نطري على البيبي :*

 

[غنوة ستايل]

عادي ياقلبي
انا رحت موعدي بعد كنت بالاسبوع ال 20 ونفس الشي ما احس بولا شي
سبحان الله قالي يومين ثلاثه وتحسين
وبالفعل الحين صرت احس مو واااااايد بس صرت احسن من اول .

 

[نـور الكويت]

عسى الله يتمم عليج ياقلبي ويتمم علينا ونفرح بشوووفتهم 

 

[الفنانه79]

انا احس بالحركه بس خفييييييفه حيل

 

[*ماي الورد*]

يتحرك بس ما تحسين
لمن كنت اروح اسوي سونار اشوفه يتحرك و لا احس بشي