بنات انا حامل واستعمل خل التفاح هل فيه اضرار

[حنوشتي]

السلام عليكم ورحمة الله وبركاته بنات ممكن مساعدة انااا حامل واول حملي صار عندي بالمنطقة الحساسة احمرار فضيع رحت للدكتورة قالت ميهم احتمال من الحمل وبعدين راح احمرار وصار ت المنطقة لون بني غامق وبلشت يوميا اغسلها بالصابونه وانشف المنطقة تمام واقسم ليمونه قسمين وافرك فيها او اخلي قطن واخلي زيت الزيتون اصلي وقطرات من الليمون وداومت عليهااا لكن :eh_s(11)::eh_s(11):مانفعت والصراحة على وشك ولادة ونفسيتي تعبانه وكل ما حكي للدكتورتي تقلي انتي توسوسين زيادة مافيكي شي كلنااااا هيك والان احط بالقطنة خل تفاح وقطرات ليمون وامسح المكان صباحااا ومساءاااا لكن مافي نتيجة بنات الله يخليكم ساعدوني:yaaaaaarb:

 

[ام عبد العزيز م]

لا لا لا دربالج لاتحطين خل اليمون عادي الخل لا نصيحه

 

[قمر2012]

حبيبتي انتي حانل يعني ممكن اي شي يسبب ضرر لج
خليه لين بالنفاس اخذي راحتج وسوي الي تبينه و سوي سيرج بقوقل ياكثر خلطات وكريمات المنطقه الحساسه اختاري الي يعجبج

 

[مصممهــ]

انا استخدم خلطة ام شاهين والنتايج ممتازه << ماشاء الله

بس ابتعدي عن الحمضيات لانها مو زينه قلبي

الله يسهل عليج يارب

 

[Sharifh]

• مو زين خل التفاح للحامل وحده من اهلنا سوت قيصريه والجرح ما طاب كله من الخل التفاح نصيحه لكل حامل لا تستعملون الخل​

 

[حنوشتي]

تسلمون حبيباتي

 

[مألوفة]

خطر خل التفاح للحامل بعدين لا ولدتي ما يلتأم جرحج لا تحطينه نهائيا ديري بااالج خطر وايد

في بنت من اهلي كانت تستعنل خل التفاح وبعدها بفترة سوت عملية والجرح ما طاب بسرعه ظلت فترة حتى قام يطلع من الجرح سوائل خايسة اسم الله عليج ديري بالج

 

[نوف الصقعبي]

يمه من صجج

الخل معرووووف يخلي اللحم ينضج
يعني لما تنجرحين او تبين تخيطين المكان ماراح يتخيط لان اللحم مو طري استوى من قوة الخل

الخل مصيبه

بنات كانو يحطون خل على ركبتهم ولما وحده تعرضت لعملية قالها الدكتور اللحم موراضي يلخيط عدل والجرح ماراح يلتئم بالخياط والسبه مادري شلون يصدقون اى كلمه تنكتب بالمنتديات ان الخل يبيض بسرعه

يبا الخل مصيبه واكبر جريمه ترتكبينها بحق نفسج

هذا فوق الريحه الخايسه اذا فكرتي تحطينه بالمنطقه الحساسه

لو شنو ما احط خل شفيني مينونه

ياحلات الكريمات الطبيه اللي يصرفونها دكاتره الجلديه​

 

[Sparkle]

حبيبتي وخري عن الخل والليمون وأنتي حامل

شوفي هل موضوع حق خلطة أم شاهين
http://www.q8yat.com/t1047481.html

 

[شموخ عزي كويتيه]

حبيبتي ممكن تكون اعراض طبيعية بسبب الحمل انتي ولدي بالاول و بعدين يكون عندك خيارات اكتر تستخدميها
لتعالجي تصبغات البشرة لكن ابتعدي عن هاي الخلطات مابتجيب اي نتيجة و كمان اضمن لك تروحي لكلينك بعد الولادة
و يعطيكي كورس اقل مضمون و مطمنة100%

 

[French Vanilla]

بعد الولاده استخدمي كريم مقشر بعدين الدكوين

 

[زهرا_*]

لا تستخدمينه لا تضرين عمرج