بنات اي مستشفى بالكويت تسوي تحليل مرض االايدز؟

[nasmatward3]

بنات ضروري ارجو عدم حذف الملف ولحد يظن ظن السوء لاني مظلومة وابي مساعدة ابي مستشفى او اي مختبر بالكويت يسوون تحليل ايدز

 

[futooosh]

ما ادري ان شاء الله البنات يفيدونج

 

[مزآجيه]

والله مادري

لكن مرض الايدز يكون بالدم

من اي تحليل بالدم راح يعرفون


روحي عيادة خاصه

 

[G A L A W I]

مدري بس احس هالامراض مرتبطه بمستشفى الامراض الساريه

اذا كنتي مظلومه
والذي نفسي بيده ربج ماراح يخذلج لاتحاتين

 

[هالة الصباح]

حبيبتي روحي مختبر الخليج

 

[srsr]

اعتقد كل المستشفيات تسوي تحليل الإيدز
بس روحي خاص احسن

 

[نووووونا]

هلا اختى

مستشفى الامراض الساريه يسوونه ,,,واعتقد كل المختبرات ايللى يفحصون العماله الوافده عندهم هالتحليل

اذا تعرفين احد ممكن يسونه لج ,,,والله يشافيج ويشافى مرضى المسلمين

 

[[[ عيون جابر ]]]

واي اسم الله عليج
مادري

 

[طال السكوت]

ان شاء الله البنات يساعدونج ...بس خوفج لا سمح الله اذا اكتشفوا شي يحجزون الشخص عندهم وتضيع حياته وسمعته

( لا تسالوا عن اشياء ان تبدوا لكم تسؤكم )...صدق الله العظيم

ان الله مع الصابرين....ولو لج حق الله راح ياخذه

حسبي الله على اللى ما يخافون الله في زوجاتهم

 

[~Unreachable]

واي بعد عمري

ان شالله مافيج الا العافيه ..

روحي مستشفى خاص وشوفي ..

الله يعينج ان شالله

و طمنيينا =\

 

[shmoo5 2ntha]

حبيبتي ربي يشفيج

الأمراض الساريه


بس ترى الحكومه فضيحه روحي خاص أحسن لج


وربي يعينج ويشفيج يارب بهالشر الفضيل ياكريم

 

[شخبوطه]

أفضل طريقة وحسب المعايير العالمية هي بنك الدم روحي قولي بتبرع بدمي عندهم اجهزة متطورة للكشف المبكر عن الايدز اذا اكتشفوا فيج المرض راح يدقون عليج لأن بعض مختبرات التحليل ماتكتشف المرض خصوصا اذا كان في فترة الحضانة

بس لاتخافين ماكو الا العافية

 

[بمبة المفترسة]

روحي الامراض السارية افضل
ومن قال الحكووومة فضيحة محد يدري عنهااا
ماسمعنا احد انفضح من قبل

 

[أم حيدر]

عسى ربي يبعد الشر عنج

ما حبيت ادش بدون ما أرد

 

[الهبه88]

الله يشاقيج بس مستشفي الامراض الساريه ورحي لهم قولي انا كنت برة الكويت تعبت حطولي جيس دم وخايفه منه انه فيه الايدز

 

[noor_Q8]

وي حبيييبتي ان شااء الله مافيج اللا الخير وانا مع البنات الخاص أحسن

 

[رشيديه نعومه]

انشالله ماكو الا العافيه مثل ما قالو البنات روحي الخااص احسن لج

 

[{ مآي عيني }]

مادري والله
بس مريت على الموضوع وماودي اطلع بدون كلمه ..

ماقول الا الله يبعد الشر عنج ويحميج ..

 

[miss thrba]

الله يكآآفيج الشر حبيبتي


ضاق خلقي عليج وان شااااااااءالله ربي يفررجها ويفتحهاا علييييييج بهالايآآم الفضيلة

 

[life1]

اعتقد اذا حكومي شافوا بالواحد ايدز راح يعزلزنه على طول بس الخاص جني سمعت لأ