بنات بجم سعره؟

[غيمه ممطره]

السلام عليكم،،

بنات انا فكره حق استقبال الاطفال اوزع لهم سمج صغيرون بدل الالعاب ،،

شرايكم؟

وبجم سعر السمج الصغار ابي ارخص شي؟

 

[ريااانه]

سمج الصراحة اول مره اسمع بفكرتج بس مادري راح تأذين خصوصا من اللي بيبجون واذا واحد من الجهال قعد يبجي وطيح الحوض وتعالي شوفي البربسة

بالنسبة للاسعار والله ماعندي خلفية

موفقة

 

[غيمه ممطره]

رد : بنات بجم سعره؟

ريانه ،، انا قلت احطها بعلب ابو اميه الي جنها مالت بهارات وتصير مبطله من فوق والصق ع العلبه اسم الصف

 

[(غرور)]

خوش فكرة ماشاء الله عليج
اتوقع السمجة البرتقاليه الصغيره بربع دينار

بس خل احد من خوانج مثلا يروح سوق الصفاة اللي في حيوانات يمكن يعونج ارخص اذا كميه

موفقه حبيبتي

 

[غيمه ممطره]

رد : بنات بجم سعره؟

غرور لو بربع بهون اسويها،،

لان ابي اقل شي ٢٥ وحده


عفيه بنات الي تعرف اسعار ارخص لو بالجمله تبلغني،،،

 

[ملاك-77]

اذكر مره شريت حوض صغير فيه 2 سمج بدينار مع اكلها

 

[ولدي احلاهم]

رد : بنات بجم سعره؟

عباله السمج ومكلف

 

[قمة التحدي]

:eh_s(10)::eh_s(10):


سمج بالأمانه وتبين النصيحه السمج ماينفع كلش أول شي

*مكلف تشترين سمج وعلب ليش العباله
*ومو عملي ماي وأحتمال يطيح من الجاهل ويخيسه
*وبعدين حراااام الأطفال من الفصول الثانيه راح يبجون ويبون بعد سمج وراح تصير مناحه بالروضه
*ويمكن يموت السمك وتتوهقين
*السمج فكرته حلوه أشتريلج حوض وحطيه بركن العلوم وتستفيدين منه بس ماينفع هديه

 

[راقية باخلاقي]

الفكره حلوه بس مو استقبال اول يوم

ومكلفه بصراحه


انا مراح اعطيهم شى بس الصف بصنعه لهم طالعى برنامجى

 

[رضاب]

رد : بنات بجم سعره؟

بصراحه الفكره حلوه

لكن مو حق استقبال الاطفال


ممكن حق درس لاصفي احسن

 

[معالي السفيره]

رد : بنات بجم سعره؟

السمج ال6 بدينار

بس صغار

ولا في ال10 بدينار

تحصلينهم بسوق السمج اللي بسوق اليمعه

عندي حوض سمج بالبيت وماينه عليهم لووووووووووول

 

[عذوق]

ماادري بصراحه


ان شاءالله البنات يفيدونج

 

[سراب فوفو]

رد : بنات بجم سعره؟

ما عندي فكره انشالله البنات يفيدونج اب اب

 

[غيمه ممطره]

رد : بنات بجم سعره؟

معالي السفيره،، ال١٠ بدينار حييييييييل زين مشكورره ياااقلبي

والباجين مااقصرتوا

 

[عهود الحب]

رد : بنات بجم سعره؟

غيمة انا عندي لج اقتراح
عشان تعدلين عالفكرة

السمج فكرة جديدة وحلوة

ااذا مصممة عليها

حطي علبة لكل صف و علبة حلوة وكبيرة شوي يستفيد منها الطفل بالمتابعة للسمج وتنحسب لج
ويحطونها بركن العلوم

اما اذا ما تقدرين تجيبين كمية


جيبي حبتين و سوي قرعة وصف من اولى وصف من ثانية

اما اذا ماتبين قرعة او سحب حظك نصيبك


سوي مسابقة بين المستويات او بين الصفوف وصف واحد من اولى يفوز وصف من ثانية يفوز


اما علبة عنونة ولكل طفل سمجه

موب حلوة تطلع وان كانت مبتكرة

لأن مو كل طفل بيتقبل انه يمسك قوطي سمجه هههههه

بس لما تصير هدية جماعية بيشجعون بعض و بيفرحون بالهدية


وبس

اتمنى اكون افدتج

 

[غيمه ممطره]

رد : بنات بجم سعره؟

عهود حبيبتي اناا قلت بسويها استقبل فيها اطفالي بالصف،، لان ناضرتنا قالت مابي حلاو ياذي الطفل ولا العاب من ابو ١٠٠ لان ع قولتها فيه مواد مظره مدري شنو قلت ماكو الا سمج ،، بس علي قولتج يمكن مو حلوه واحترت

 

[LeeMa q8]

امبيه ناظرتكم اوامر .ّ!

اعسى الله يعينج يا رب

 

[عهود الحب]

رد : بنات بجم سعره؟

شنو شنو ؟؟؟؟؟؟؟؟؟؟؟
ما تبي العاب بومية
تقرقش مخباتها الله لا يهنيها

طرار ويتشرط !
حبيبتي الهدايا مسؤوليتها

والله حالة هالمديرات لاحمدا ً ولا شكورا ؟؟

ما قلت انه فكرتج مو حلوة
انا قلت مو حلو الطفل ياخذ سمجته بروحه شلون يستفيد ؟
السمج مو لعبة كائن بشري يبيله عناية واهتمام

و ليش ما يكون الاهتمام جماعي

عرفتي

بس الحرية متروكة لج

 

[كويتيه-90]

للرفع

 

[معالي السفيره]

رد : بنات بجم سعره؟

شنو شنو ؟؟؟؟؟؟؟؟؟؟؟
ما تبي العاب بومية
تقرقش مخباتها الله لا يهنيها

طرار ويتشرط !
حبيبتي الهدايا مسؤوليتها

والله حالة هالمديرات لاحمدا ً ولا شكورا ؟؟

ما قلت انه فكرتج مو حلوة
انا قلت مو حلو الطفل ياخذ سمجته بروحه شلون يستفيد ؟
السمج مو لعبة كائن بشري يبيله عناية واهتمام

و ليش ما يكون الاهتمام جماعي

عرفتي

بس الحرية متروكة لج

عهود يمه من الحره ماقمتي تجمعين

السمك كائن حي مو كائن بشري هههههههههههههههههههه


اقول غيمه اذا ماتبي بو اميه هاتيلها بوخمسين هههههههههههههههه

واذا قالت ليش قولي انتي قلتي مابي بو اميه يبتلج بوخمسين