بنات بخصوص معقم المراضيع

[م مرتاحه احبك]

:eh_s(8):السلام عليكم حبايبي شخبااااركم...
عندي استفسار بسسيط...:eh_s(7):
انا اول حمله لي لكن متوهقه في معقم المراضيع تنصحوني بأي معقم اللي بالمايكرويف او الكهربائي..
انا خذت اللي بالميكرويف لكن متردده فيه..
شنو اللي استخدمتوه بالضبط

 

[حشمه]

ماجربتهم للامانه اشوفهم مو عمليين

اغلي الماي واحطه بالمميه واخلي

وبعدين اغسلها بالفرشه

احس اسهل وعملي وعلى راحتج

ان شالله تحصلين وحده تفيدج

 

[أم سم سوم]

اب اب اب ​

 

[أميرة 22]

نفس كلام حشمه .. احسن واسهل ..

 

[الأميرة جوري]

لرفع

 

[اخت خالتهم]

انا امي ما نصحتني بهذول وانا بجر
قالت حطي جدر فيه ماي مغلي وحطي داخله المميات
و كل يومين سوي هالحركة وبس

 

[شكريه81]

حبيبيت انه جربت الإثنين بس المايكروويف خله قطه المميات أصفر مع اني استعمل مميات أبينت

 

[ReEm Q6R]

انا خذت الكهربائي من صيدليه بوتس وماركه بوتس .،
كنت باخذ ايفنت بس طلع خاص حق ميميات ايفنت وانا ماخذه ميميات دكتور بروان ..
بس لين الحين ماجربته الصراحه .،

 

[om . alzeen]

انا انصح الكهربائي احس اسهل لج بس تغسلينهم وتحطين المميات داخل الجهاز يعقمهم اسهل من الجدر تقعدين تنطرينهم يغلون وشيل وحط

والمميات لازم يوميا يتعقمون مو بس يومين


والماركه انصح بجيكوو بالصيدليات وبوت يبيعهاا هذي من تجربت اهلي وانا بشتريها

 

[م مرتاحه احبك]

الله يجزاكم خير جميعااا

 

[سكرة هانم]

انا اخذت الكهربائي عالبخار حلووو

 

[M!SS.LOBY]

الله يساعدج

 

[فرفشه منعنشه]

انا احس الكهربائي اسهل وانظف وعن اللعوزه والحوسه لانه نفس فكره الجدر واغيره تغسلين المميات بشكل عادي وتقلبينهم تدخلينهم بمكانهم المخصص بالجهاز وفي قطعه تنحط فوقهم مثل السله تتثبت وتنحط فيها الغطيان والحلمات وتالي معيار معين من الماي يكون مثل كوب تعبينه وتصبينه بالجهاز وتغطينه وتشغلين الجهاز وتخلينه لوقته اللي مكتوب وترجعين بعد ما يخلص تشوفين من شده الحراره ما تقدرين تفتحين الغطا الا بعد ما يبرد والصراحه وااااااااااااااااااااااااااااااااااااايد مفيد وما استغنى عنه
عندي نوعين
جيكو و عندي نوع ماركته المانيه موحافظه اسمه والجهازين من حملي بالبجر والحمدلله تبارك الرحمن شغالين وممتازين بنفس الجوده لحملي الرابع وانشالله بحملي هذا بعد بكون مستمره بالاستخدام وسوري طولت عليج بس حبيت اشرحلج ميزاته
​

 

[طيبة83]

اختي ما نصحج بمعقم المايكرويف لانه يطلع اشعه قد تضر بالبيبي

انا استخدمت الكهربائي ومرتاحه عليه

اخذت ماركه ماذركير يشبه معقم افنت بس نص السعر اب ٢٠ تقريباً

هذي صورته

 

[حرمه المصون]

منكم نستفيد

 

[م مرتاحه احبك]

فرفشه وطيبه الله يجزاكم خير على هالمعلومات الوافية ماقصرتوا وان شاءالله بجرب الكهربائي خلاص
الله يرزقكم باللي تتمنونه

 

[aloooya]

بالجدر هههه