بنات براجع عند دكتور ريال وبيسوي لي تلقيح:(تعالوا

[بس خلاص]

بنات من امس وانا مقهوره وضايق خلقي حيييييييييييل
دكتوري ريال وكل تحاليلي عنده وشاطر وفاهم بس ولا مره كشف علي لاني كنت اكشف عند حريم واعطيه النتيجه...
الحين المشكله قرر لي سونار (وانا متوقعه انه مهبلي)وتلقيح الاسبوع الجاي ومن وقتها وانا ضايق خلقي ...
مستحيه اكشف عنده مو متخيله ريال يكشف هناك
وانا منقبه ...شسوي اكشف ويهي ولا اقعد بنقابي ؟؟؟بيكشف مناك وانا مغطيه ويهي ؟؟
حييييييل مستحيه واقول لريلي جني بهون ...ولا اغير لدكتوره؟؟
قال وبس؟؟؟هذي شغلتنا من دكتور لدكتور
بموت من الفشله مو عارفه شسوي

 

[.>حــــــــ(و)ـــراء<.]

الله يرزقج الذريه الصالحه

 

[Emanova]

انا قلت ادعيلج بالذريه الصالحه و ان الله يرزقج من اوسع ابوابه

 

[Little_Queen]

حبيبتي ... غطي ويهج و ما عليج من شي .. هذي شغلته و ترى الدكتور ما يطالعج بنظرة غرائزية ! يطالعج بنظرة مهنية و وايد دكاتره يحاولون كثر ما يقدرون يغضون البصر على فكرة او يستعين بالممرضه كثر مايقدر ... فلا تحاتين ...

خلج في نقابج و بيكون اكو ممرضه معاج بالغرفة و لا تفكرين بهالشي وايد ..

 

[تفااحة]

اذا دكتورج شااطر وفاهم خلاص توكلي على اللة يعني اهو شايف حالات وايد غيرج مو واقف عليج انتي ولا انتي اول وحدة ولا اخر وحدة واللة شووفي انا صارلي فترة اتعااالج عنددكتورات ما شفت منهم فااايدة والحين اراجع عند دكتور ماشاللة تبارك الرحمن يهبل وايدة خفيفة وحنون ويحس فيج مو مثل الحريم دفاشة ومالهم خلق وبس يبون الفلوووس ساليني ..... انا اول سونار لي عند الدكتور ليلته مانمت بس افكر واحاتي وقبل مادش علية بطني ماغص من الخوف واستغفر بس الحمداللة عكس ماتوقعت ايدة خفيفة وماحسيت بشي ....

وبعدين ترا هذي شغلتة يعني متعود .... انا نمقبة بعد وبغرفة السونار اقط نقابي عااادي للضرورة احكااام ..ز اذا انتي مومرتاحة خلاص لاتروحين ... بس اخذيها نصيحة من اختج خلج على دكتور واحد مو كل شوي تغيرين واللة تتعبين والعلاج ماياخذ وقتة .....

واللة يرزقج ويرزقنا معاااج

 

[القطانيه]

توكلي على الله ياقلبي الله يسهل امرج يارب

 

[كويتيه مذهله 87]

جان من زمان اخترتي دكتووره

اشكثرهم اكثر من الريااااييييل

 

[بس خلاص]

ياحلوكم بنات مشكورين وايد...
اللي تقول ليه رحتي عند ريال لان الحريم ماعندهم سالفه
<<<5 سنين وهي تركض عند حريم
الرجال اكثر خبره والله يعين

 

[بس خلاص]

تفاحه تهقين اقط نقابي بالسونار ؟؟؟
ساعات اقول شلون اطلع هذاك واغطي ويهي
وساعات اقول غطي ويهك يابنت على الاقل مايعرفك

 

[الجوري74]

لا حبيبني لا تقظين النقاب خليه غليج؟؟؟؟؟

 

[كلي نظر]

انا دكتووووووووري شاطر شاطر من حملت عنده وكلا بنقاابي صج فشله اكشف تحت وفوق نقاب بس معذوووره وليما الولاده شاف وجهي وبعدها بنقاب وانا الحين بعد حامل واذا كشف بنقاب

 

[bnt_kwt]

لا لاتقطين نقابج عادي حبيبتي
ولا تحاتين وايد اهو كله بيفحص
وبيشوف اللي عقبج

 

[bnt_kwt]

عاد في دكتوره يقولون شاطره برويال حياه
اسمها حفصه بوعركي

 

[بس خلاص]

هلا بنات اغلبكم يقول لاتقطين النقاب ....شكلي باسمع كلامكم ..انا كنت خايفه يضحك علي بقلبه...