بنات بسالكم عن دراريعي كافي؟

[ممنوع التجول]

بنات انا محتاره مادري شسوى
انا شريت 4 دراريع فيهم شغل
و7 من العربيد حلوين
3 بدل بس ناعمين انا مسويتهم عند الخياط بالبلوكات
كافي ولا ازيد

 

[ملكة الاناقة]

حبيبتي اذا انتي عروس مع بيت الحموله مو كافي
واذا شقتج بروحج مو من بيت حمولتج كافي
والله يوفقج

 

[ممنوع التجول]

زين قولولى ششتري بعد جم المفروض اشتري؟؟؟؟؟؟؟؟؟؟؟؟؟؟؟

 

[كويتية نايس]

مادري هم انتي اشتري بدلات زياده

 

[ملكة الاناقة]

من عيوني يا الغالية
اذا شقتج من بيت الحموله تحتاجين 14-10 دراريع من العربيد او مشاغل يكون فيهم اشويت تغير لان العربيد صار محفوضه موديلاته
7دراريه استقبال فيهم حركات بس موقويه حيل (لان اول ايام العرس ناس بتبارك لاهل المعرس وراح يسألون عنج)لازم تكونين كاشخه
و3 بدل استقبال قويات وذربات حق العزايم واستقبال الحموله واهلج
والله يوفقج

 

[$حليب ككاو$]

حزب الطماشه
بس أضم صوتي لصوت أختي ملكه

 

[عذبة السجآيآ]

مبروك حبيبتي

بس اذا انتي شقة بروحج كافي واذا عند حمولة زيدي 3

والبدل زيدي بدلتين

 

[ترجمة احساس]

اب اب

 

[سارة ة]

شوويه

 

[قلبهـ 86]

لا زيدي بدل استقبال وبدل لما تنزيلين لهم ؟

 

[غلاتي غلا]

علي حسب وين ساكنه

 

[كـ غلا ــلي]

بس اشدعوه كافي شنو بتفتحين لج محل !اشدعوا اللي قالوا 14 لين 10 حتا لو انتي ساكنه عندهم وبتنزلين

اكتفي باللي عندج ولين ملتي منهم وحسيتي ودج تغيرين اشتري خو السوق ماشاءالله كل يوم موديل وشكل

لا تكودين دفعه وحده

 

[معلمة شيسمونه]

صح كافي دراريع

انا اقول في بالحمرا مول بدلات ناعمين على نظام نفانيف
انا بالنسبة لي وايد احلى من الدراريع شنو دامج صغيره لاحقه على الدراريع بعدين

بالنسبة لي هذول احلى وناعمين على 24 وعلى 18 اسعارهم

اخذي لج 3 وبس كافي
وركبي عليهم بروشات من نوران ولوذان يمهم بالحمرا مول يطلعون شي وذربين حيل وبسسسسس

اكثر من جذي على قولتهم بتفتحين مشغل
وان احتجتي السوق يمج انتي مو بالمريخ اكيد

 

[بنت الكشخه]

صراحه شويه

 

[درة أهل الطولات]

لا حبيبتي كافي 14 دراعه