بنات بسرعه موضوعي مهم

[mnor]

السلام عليكم

من غير مقدمات ببتدي معكم على طول

انا صار لي ست شهور متزوجه تقريبا
ورحت للدكتورة سوييت اشعه وقالتلي
عندج تكيس وعطتني دوفاستون

من صار لها مثلي
للحين ماابتديت علاج

الله يشفيني ويرزقني الذرية الصالحه عاجلا غير اجلا
اتمنى طفله تقولي يمة يااااااارب حقق لي حلمي

 

[منال $]

الله يرزقك ان شالله
بس ليش ما بديتي بالعلاج
والتكيس بيفرق من شخص لشخص
خليكي مع دكتورتك افضل تتابع حالتك

 

[الشهد كله]

دكتورة وماعطيتج علاج ليش ما بلشتي فيه ؟؟؟؟؟؟؟؟

استخدميه وعسى الله يرزقج الذرية الصالحة :yaaaaaarb:​

 

[حشمه]

الحمدالله دام عطتج العلاج وان شاء الله تحملين

وربي يرزقج اللي تتمنينه ان شاء الله

 

[قاهره عذالي]

انا نفس حالتج


اهم شي تنظمين دورتج اول

قبل تبدين اي خطوة

بحبوب بروجيلتون

اللي تنوخذ من خامس يوم بالدوره مدة 21 يوم كل يوم حبه

بالنسبه للتكيس حاليا هي شافت التكيس بالسونار

الخطوة الثانيه لازم الدوره اذا نزلت بعد ماتخلصين من حبوب الدافستون
تروحين ثاني يوم الدوره تسوين تحليل هرمونات

الحليب و lh ,fsh,tsh
هذول الاربع هرمونات


طبعا بيكون بالتحليل انهم ملخبطين بس اهم شي مايكون مرتفع هرمون الحليب

اذا ارتفع يعطونج حبوب تنشفه


علاجج بيكون حسب التحاليل اللي بثاني يوم الدوره

اما يعطيج كولوفاج مع حبوب تنظيم الدوره وان كان مرتفع هرمون الحليب حبوب تنزله

او انه الدكتوره سيدا تبدي معاج كلوميد وابر


نصيحتي لا تبدين بالتنشيط المبايض وكلوميد وابر

اطلبي من الدكتوره حبوب تنظيم الدوره اللي ماتمنع الحمل (البروجليتون)

وانها تسوي لج الاشعه الزيتيه ( اشعة الصبغه ) على قناة فالوب والانابيب

لان حرام تبدي معاج تنشيط والانابيب ماندري عنها مفتوحه والا فيها انسداد

واصلا اشعة الصبغه تساعد على الحمل اذا كانت الانابيب منسده تفتحها

 

[iLLuMinaTion]

الله يهدي الجميع

 

[ربيع_الروح]

حبيبتي التكيس علاجه سهل بشرط انج تلتزمين بعلاج دكتورتج وتمشين عليه بالحرف

مو تسمعين كلام البنات الي تقولج اخذي جذي وليش ما عطتج جذي

لأن التكيس أحجام ويفرق من بنت لي بنت ومن مكان لي مكان

ناس بالرحم وناس على المبيض


وكل نوع وله علاج مختلف


فنصيحتي لج امشي على كلام دكتورتج وابدي علاجج
وعلى الله شفاج ان شاء الله

 

[زوجة عزيز]

الله يشفيج انا صار لي وشلته بعمليه لان الحبوب يطول على مايختفي وترا يرد اذا بالحبوب ناس وايد تموا على الحبوب ورجع لهم سوي عمليه وافتكي الله يرزقج بالذرية الصالحه ويفرح قلبج

 

[الهما]

اللهم آمين
يرزقك ربي باللي تتمنين و كل المسلمين عاجلا غير اجل
​

 

[قاهره عذالي]

حبيبتي التكيس علاجه سهل بشرط انج تلتزمين بعلاج دكتورتج وتمشين عليه بالحرف

مو تسمعين كلام البنات الي تقولج اخذي جذي وليش ما عطتج جذي

لأن التكيس أحجام ويفرق من بنت لي بنت ومن مكان لي مكان

ناس بالرحم وناس على المبيض


وكل نوع وله علاج مختلف


فنصيحتي لج امشي على كلام دكتورتج وابدي علاجج
وعلى الله شفاج ان شاء الله

مافي شي اسمه تكيس بالرحم

في شي اسمه كيس بالرحم يكون اما مائي او دهن

اما التكيس فهو تكيس المبايض يصير على جدار المبيض ويخليه سميك وياثر على التبويض ويضعفه

وهو اللي يكون ظاهر بالسونار العادي او الداخلي

والحبوب والعلاجات حسن وزن المريضة ودرجه التكيس والصحه العامه للمريضه ونتايج تحاليل الهرمونات


المشكله الناس تخلط بين التكيس والكيس


الكيس لازم عمليه وينشال لان مرات اذا كبير ممكن ينفجر ويخلي المراه تخسر احد مبايضها وممكن ان كان صغير ينزل مع الدوره وتساعد على نزوله حبوب المانع

اما التكيس متلازمه ومرض مزمن مثل السكر

ما يروح

وان انشال يرجع

لان سببه خلل هرموني

 

[قاهره عذالي]

الله يشفيج انا صار لي وشلته بعمليه لان الحبوب يطول على مايختفي وترا يرد اذا بالحبوب ناس وايد تموا على الحبوب ورجع لهم سوي عمليه وافتكي الله يرزقج بالذرية الصالحه ويفرح قلبج

اللي اعرفه العمليه اللي تشيل التكيس بالمبايض تشيل معاه 20% من المبيض

+ بعد 6 شهور يرجع يصير

بسبب خلل الهرمونات

يعني اخسر 20% من المبيض ويرجع يتكون التكيس !!!!!!!!!!!

 

[سمر20]

الله يشافيك
ملااااااااحظة :
انتبهي الدوفاستون هذا مثبت حمل ومااعرف اذا انه للتكيس وابحثي عنه بالنت واسالي الصيدلاني

 

[mnor]

مشكورين حبايبي ماقصرتو وانا ببتدي اكل العلاج بعد خمس ايام الدكتورة قالتلي

وقالتلي اول ماتنزل الدورة اول يوم او ثاني يوم تعالي

وهي شافت التكيس بالسونار سبحان الله جنهم فقاعات بيمين ويسار المبيض

طيب تتوقعون يطول العلاج ؟؟؟؟؟؟؟؟

 

[ام الدرر]

حبوبة
البنات هني كل وحده تعطيج حجوه
لان كل وحده حالة خاصة
وكلي امرج لرب العالمين واتبعي كلام الدكتورة
عسى الله يشافيج ويرفع عنج ويرزقج الحمل بالذريه الصالحه​

 

[قاهره عذالي]

الله يشافيك
ملااااااااحظة :
انتبهي الدوفاستون هذا مثبت حمل ومااعرف اذا انه للتكيس وابحثي عنه بالنت واسالي الصيدلاني

الدافستون له كذا استعمال

حبتين منه مرتين لمدة 10 ايام تنزل الدوره واذا في حمل تثبته

وممكن يستعمل هم بهالمقدار حق رفع الدوره ...

اما اذا وصفه الدكتور 3 مرات باليوم فبهالحاله يكون لتثبيت الحمل فقط

 

[قاهره عذالي]

مشكورين حبايبي ماقصرتو وانا ببتدي اكل العلاج بعد خمس ايام الدكتورة قالتلي

وقالتلي اول ماتنزل الدورة اول يوم او ثاني يوم تعالي

وهي شافت التكيس بالسونار سبحان الله جنهم فقاعات بيمين ويسار المبيض

طيب تتوقعون يطول العلاج ؟؟؟؟؟؟؟؟

ايه هي تبيج تجين ثاني يوم الدوره عشان تسوين تحاليل الهرمونات

وهم عشان تسوي لج سونار لان ثاني يوم هو اليوم اللي يبين بالسونار اذا الرحم فيه ورم او لحميه او سليم ان شاء الله

وبعد ماتطلع نتيجة التحليل تكتب لج على دوا تبدين فيه من خامس يوم الدوره

يا كلوميد حق تنشيط المبايض

او حبوب تنظيم الدوره


بس نصيحه اطلبي منها اشعة الصبغه للكشف على الانابيب

 

[M!SS.LOBY]

الله يرزقج بالذرية الصالحة

 

[PuPa^^SWeeT]

الدكتوووورة اخبر يا قلبي



توكلي على الله

 

[أحلى قصة]

ااب الله يعطيج الصحه والعافيه

 

[mnor]

ياااارب توفق وتسعد كل من رد على موضوعي واللي ماردو بعد هههههه

انا ابي اعرف يطول العلاج ولالا

انا مابي اخذ منشطات تو الناس بس ابي التكيس يروح