بنات بسوي ليزر لجسمي كله ومتردده .. شرايكم اسوي ولا لا ؟؟ وجزاكم الله خير

[آنهار]

السلام عليكم ورحمة الله وبركاته​

بنات مترررررررردده وايد ​

بسووي ليزر ومحتارة خواتي وبنات الدوام يقولون سوووي وانا خايفة​

اقعد افكر اقول اكيد ربي له حكمه من الشعر اللي بجسمنا وامي تقول ماكو احلى من الشيرة سنين وبنين عليها ​

ودي اسوي جسمي كله والمناطق الحساسه عرسي بعد 10 شهور ان شاءالله​

شرايكم بنات تنصحوني اسوووي ولا لا ؟؟ وعند منو اي عيادة ؟؟​

واللي سوووا لـيـزر هل له آثااار سلبيه ؟؟

بصراحه حدي خايفة فيدوني جزاكم الله خير ​

 

[آنهار]

!!!!!!!!!!

 

[nolaty]

اهليييين اختي ..

الصراحه انا ااييد حييييل الليزر لان الصراحه متعب لما تتزوجين اكيد كل شوووي بتروحين الصالون تشيلين شيره ..
انا رفيجتي مسويه عند ياكو ابوولو .. تمدحه حييييل ...

واتمني اني افدتج

 

[غلا-زوجي]

انا ضد الليزر
1- المنطقه الحساسه .... حرام احد يشوفها شنو يعني فلبينيه تشوفها وتلمسها قطيعه ..
2- انا كنت اسوي ليزر ووقفته لأني حملت وطلعت النتيجه عكسيه علي تخيلي يشيلون الشعر بالموس يعني مرات تحدد ويهج بالموس وتسوي ليزر ثاني جلسه تحدد بس مو نفس اول مرة ف المكان اللي كانت شايلتة بالموس يصير خشن وهذي حالتي معاهم لوعو جبدي مع اني دقيقه معاهم حيل.
3- ليزر يعني لاتحملين لان مايصير ليزر وجنين
4- الحمل احلى من الليزر
5- بتقطين فلوسج عالفاضي خاصتا اذا كنتي مشعرة
6- يااااحلو الشيرة انظف
7- كنت اسوي اباطي اول جلسه الدكتورة قالتلي اباطج ابيض تخيلي لما وقفت الليزر صار فحممممممه حتى زوجي قالي ماكان جذي جسمج.
8- بالتوفيق حياتي.

 

[LuLiTa]

عااد اليوم كنت اسوولف مع اختي عن الليزر ,,,, انا لو علي اسوي ليزر من راسي لي ريووولي ,, انا مجربته للاندر ارم و الويه ,, اوووف حده راحه ,, لا عوار الشيرة و لا لوية الصالونات ,,, و احساس النظافة اهوو اروع شي ,,,


توكلي على الله و سويه ,, و احسن العيادات بوشهري (حق ليزر الويه) و مال الله كلينك (حق الريول و الايدين )

 

[آنهار]

مشكورة اختي وجزاج الله خير ع الرد

اي ياكو ابوللو اللي بالسالميه حتى بنات الدوام يمدحونه لي ويقولون شغلهم واسعارهم تمام

ومازلت متردده !!

 

[آنهار]

غلا زوجي & لاليتا

والله احترت في يمدحونه وفي يذمونه عشان جذي انا خايفه ومتردده

اخاف يصير عكس علي وانا الحمدلله اباطي ابيض اخاف يصير مثلج

بس هو اريح لمنطقة البكيني ارررريح ووواااايد

غلا زوجي : انا مو متزوجه عشان يأثر ع الجنين !!! يمكن قصدج للحامل مو زين هذا اكيد

ولا قصدج يأثر بالمستقبل ؟؟؟

بنات في وحدده سوت ليزر وما جابت عياااال ؟؟؟

وفي ناس يقولون اذا سويتي اباطج عقب فترة يطلع منج ريحه كريهه !!

المشكلة في ناس ارتاحوا عليه وفي ناس لا

مشكوين خواتي ع الرد ويعطيكم العافية :eh_s(17):

 

[لاتكابر غلطتي]

غلا-زوجي


تقصدين يأثر عالمستقبل ؟؟
من ناحية الحمال وغيره ؟؟؟؟؟؟؟؟؟؟؟؟؟؟؟؟؟

 

[غلا-زوجي]

لا انا كنت مومتزوجه واسوي ليزر وتزوجت وحملت وقالتلي الدكتورة احنا مانسوي حق الحامل لان يسبب تشوهات للجنين ..
يعني انتي بتسوين ليزر وبتمين عزوبيه؟؟؟ اكيد راح تتزوجين وتحملين وتردين حق الشيرة
انا ويهي اسويه كنت اقولج كان الشعر وايد فبسبب لموس الحين رجعت للشمع والحف لي اليوم الملمس خشن يقزز لا كان ينشال بموس خدي خشن ويييييع لازم كل اسبوع احف بدون مبالغه نهائيا ما انصح فالليزر .. وفخذي في اماكن صار لونه اسود ماكان جذي

 

[عـسـلا]

أنا أنصحج بـ الليزر

راااحـه

ودام باقي على عرسج 10 شهور يمديج تسوين
أريح من روحه الصالونات كل شهر ..

انصحج بـ رويال حياة



وموفقه إن شاء الله​

 

[بنت الاحلام]

والله انا بعد نفسي ودي وما ودي اشوف الي يمدحون صير ودي
اشوف وحده تذم
اهون ولحد الحين ما سويت

 

[dla3_princess]

اووول شي استخيرري اذا محتاارة

انا انشالله نااويه اسووي ايدي و ريوولي

لآني مسوويه الاندر ارم وااااي اينن صارر و مسوويه البكيني

رووحي عيادات يخلوونج تسوووين حق نفسج انا ررحت الغرشووب ..

و انشالله ناوويه ايدي و ريلي يمكن عند ياكو ابولو

 

[آنهار]

مشكورين خواتي

ونبي تجارب أكثر للبنات مع الليزر

غلا زوجي : مسويته عند أي عياده ؟؟؟

 

[قطوة@@]

انصح فيه و بقوة

مسويه كل جسمي ما عدا البكيني ناويه اسويه قريب

مرتااحه من الشيرة و اي مناسبه اكوون جاهزة

 

[@الياسمين@]

انا انصحج بالليزر
راحه من الشعر ومن الصالونات
وانصحج بعيادة بوشهري كلينك جهازهم روووعه

ياكو ابولو موشي .. انا جربت عندهم مره وكلش ما حسيت بفرق

 

[LuLiTa]

اخاف يصير عكس علي وانا الحمدلله اباطي ابيض اخاف يصير مثلج
شووفي بالنسبة للاندر ارم ف يفرق من جسم لي جسم ,,, في ناس اذا كانو حافين يعرقون واايد و في ناس اذا ما كانو حافين يعرقون واايد ,, انا اساسا اعرق واايد فـ لما شلت بالليزر عقب اول جلسة قمت اصب مااااي صب (العفو) بس عـ الجلسة الثانية و الثالثة الحمدلله كل شي رد طبيعي و احسن ,,, و بـ النسبة لـ اللون فرررررررررررق وين اول و وين الحين :rerrerek:,,, خصوصا اني كنت كله اشيل بـ شيرة من اول ما بلغت و لا عمري جربت الموس و لا المكينة و لا النير ,,, انا ان شالله مخططة اذا تزوجت و يبت بنات على طووول اعلمهم عـ الليزر :d

بنات في وحدده سوت ليزر وما جابت عياااال ؟؟؟

الليزر ماله علاقة بـ الخصوبة و الانجاب ,,, اعرف وحده اتصير لنا كله اتسوي ليزر للبكيني من قبل ما تتزوج و ما شالله عقب عرسها حملت على طول و ولدت و ما فيها الا العافيه ,,, و الحين ما شالله عندها 4 عيال ,,

 

[آنهار]

الله يريحج طمنتيني واشكر كل من رد

زين اللي تقول جهاز بو شهري احلى هو مو جهاز واحد ونفس الشيء وموزع على كل العيادات والمستشفيات ؟؟؟

 

[غلا-زوجي]

انا كنت بالفيصل

 

[بنت الاحلام]

بو شهري وين صاير مكانهم بالضبط.؟

 

[آنهار]

اب اب