بنات بغيت اسئلكم عن البلازما

[moors]

السلام عليكم اشلونكم شخباركم


بنات عفية طلبتكم شنو احسن تلفزيون بلازما lcd فيدوني اغلب الناس الحين هابين فيه شنو النوع اللي عندكم وشنو

الاحسن و الاسعار ابي اشتري واحد بغيت رايكم

 

[muchacha Bonita]

حبيبتي ترى البلازما غير عن الال سي دي
البلازما يكون عن طريق لمبة اضائه ولها عمر افتراضي اغلبهم مليون ساعه او عشر آلاف ساعه او شي جذي ما اذكر
وال LCD اختصار حق Lequid Crystal Display
بالعربي يعني شاشة الكرستال السائل
وطبعا الال سي دي سعرها اغلى لانه درجة نقاوة الصوره اكبر وعمر الإفتراضي للشاشه اطول
اذا تدورين شي حلو ورخيص عندج ال جي مسوين تنزيلات واسعارهم حلوه

 

[supermarket]

عدل البلازما غير الال سي دي

والال سيدي واااضح جنج قاعدة يمهم

روحي يوريكا تلقين كل الماركات هناك

 

[هدوووي]

انا عندي ال جي شاريته ب 300 وشوي الوان صافية وحجمه مناسب

 

[pretty sarona]

انا عندي ال سي دي توشيبا ماخذته ب 180 تقريبا حاطته بغرفة النوم حجمه يمكن 26 بوصه بس إذا تبينه حق الصالة اخذي كبير وكل ما زاد الحجم زاد السعر

 

[moors]

مشكوووووورين حبااااايبي ع الردود الحلوة ما قصرتوا

 

[7abebat elq8]

انا انصحج بالبلازما Panasonic يهبل عندي لي كبير 52 بوصة لانه بالصاله و لا تنسين ال home theatre بعد

 

[hmama]

انا عندي ال سي دي شاريته 500 واهو 42 بوصه..توشيبا

 

[زنوبة الحلوة]

والله يا اختي انا ماعنددي اي خبرة بهالسوالف

بس انا اللي قاعدة اشوفة وايد ناس قاعدين ياخذون باناسونيك

ومادري سألي ناس عندهم خبرة قبل لا تشترين

وعليج بالعافية مقدما

 

[اوراد وبس]

انا انصحج بالبلازما Panasonic يهبل عندي لي كبير 52 بوصة لانه بالصاله و لا تنسين ال home theatre بعد

شنو يعني ال home theatre وضحي لنا

 

[manar226]

افضل شي السوني

 

[النبع الصافي]

سوني وبانا سونيك احسن شي

وال اعرفه ان البلازما هو الصافي والنقي

 

[mimo_o84]

انا ماخذه دايوو قبل شهر 42 بوصه ووايد مواصفاته حتى الكمبيوتر يركب عليه يصير تلعبين مثلا جيم وتطالعين بالشاشه نفسها تصير نصين وسعره يمكن 350 او 400 جذي مو ذاكرة بالضبط لان خذيت معاه سستم ,, ومانصحج بالبلازما لان له مده ساعات تشغيل معينه يعني تخلص هالساعات وماراح تستخدمينه مره 2 لان هو عبارة عن غاز واذا خلص وبتعبينه يتعبى بسعر تلفزيون 2.فمالج الا ال ال سي دي