بنات بغيت رايكم بموضوعي

[آآهات الزمن]

باستشيركم بنات ابى رايكم مادري متردده بالحمل اسماالله عليهم عندى خمس اولاد وبنوته والبنت ماغير تحن علي بخاطرها اخت تشوف بنات عمها ورفيجاتها بالمدرسه وللعلم عمرها سبع سنين وتحتها اسمالله عليهم اثنين وانا متردده حيل بالحمل تعرفون حمال المره بالعشرينات مومثل حمالها باخر الثلاثينات وبعد تعرفون المسؤوليات اللى اكثرت معاهم من مشاكل المراهقين وهم تدريسهم ومتابعتهم وطبعا من غير الزوج الى ماغير يبى المره فاضيتله وكاشختله وطبعا من غير الدوام الى ياخذ وقتج عفيه بنات ردو على انا بالنسبه لى خير وبركه عسانا نلحق على مشاكلهم وغثاهم بس هالبنت ماغير تحن تبيلها اخت اونا لايعه جبدي من المسؤوليه بس تكسر خاطرى ولا شرايكم بنات يعني اكشت فيها وما اغامر بالحمل وراح تتاقلم ولا راح ياثر عليها وتلومنى وهذا عطا رب العالمين بنات تكفون ابى اسمع رايكم شرايكم

 

[درة أهل الطولات]

استخيري ربج

 

[QYtiya.com]

ليش ماحملين عاادي الحمل كله اجر ان شاء الله
وحراام البنت تقعد بروحها يمكن تجيها اخت تسليها بالبيت

 

[ام الحلوااات]

ليـــش مـــا تحــمـــليـــن حـــمـــلي واللــــه يـــرزقـــج بـــنــيـــــه
لا لا لا تـــخـــليــن اختـــها وحـــيــدة
بــاجـــر لاكــــبـــرو تتـــمــنى يــكـــون لــها اخـــت
تســـولــف مــعــاهــا وتــشــكــي لــهــا ويــحــــتـاجـــون حــــق بــعــض
ويـــكــون لـــعـــيـالــهــا خـــالـــه
اعــقـليــهــا وتــوكــلــي عــلــى اللـــــه
والللـــه يـــرزقـــج ات شـــآء اللــــه​

 

[tmtmt]

اول شي هالشي مو احنا الي قررنا كللللش
مو عايشين الوضع ولا مجربين 6 يهال ماشاءالله تبارك الرحمن
ظروفج اهيا الي تحكم واحنا مو عايشينها هذا شي

الشي الاني اذا بنيتج 7 سنين يعني على ماتحملين وتولدين الا اهيا ان شاءالله 8 سنين ان شاءالله اذا مو اكثر
يعني بينهم وايد ماراح تنفعها الا اذا كبروا وصاروا حريم واهيا ماراح تستوعب هالشي

اشوف انها صعبه وتاخر الوقت حاليا
وانتي ادرى

 

[ELFAD3Ah]

صلي استخاره وانشالله خير

 

[كوكي العسل]

حبيبتي انتي ادرى بوضعج اكثر منا ..

بس انتي مو ظامنه اذا حملتي بتيبين بنوته يمكن ولد

فلازم بعد تحطين هالشي ببالج ,, وقبل كل شي صلي استخاره

ويارب الله يرزقج باللي في خير وصلاح الج

 

[M!sS_D!oR]

ياحياتي استخيري مثل ماقالوا البنات وحلو البنت تصير عندها اخت بس ماتدرين يمكن يجيج ولد كلهم خير وبركه المهم انتي اللي بتحملين وتتعبين شوفي نفسيتج وسوي اللي الله كاتبه

 

[آآهات الزمن]

اب اب اب اب اب اب اب

 

[يا عيون سمي]

والله البنت الوحيده اكيييد يبيلها اخت وانا انصحج تحملين واللي يجي من الله حيا الله وهذي نعمه من رب العالمين

 

[ام قدووور]

والله ردي ما يختلف عن البنات انتي عندج 6 الله يحفظهم

وبنتج ياهل ما تفهم بامور الحياه

وانتا ادري بحالج اكثر منا اذا تقدرين تتحملين ياهل يديد ومصرف وتربيه

وما تدرين اييج ولد ولا بنت ومو شرط تكون لها اختها عندها بنات خالاتها عماتها

استخيري افضل شي*

 

[noo7a]

استخيري
و اذا عزمتي روحي راجعي عند دكتوره تعطيج طرق تساعدج عالحمل ببنت
و بغيت اعلق على شغله قالتها وحده من الخوات ان اذا حملتي انشالله بيكون فرق بينهم ٨ سنوات
انا عندي اخت وحده وفرق بيني وبينها مشالله ١٨ سنه اهي اكبر يوم كنت صغيره كنت لعبتها و لمن كبرت و دخلت الثنويه الحمدلله صرت رفيجتها و صرنا قراب من بعض

 

[ام الحوراء زينب]

واذا الله ماكتب ويبتي ولد شنو راح تسوين ؟؟
راح تكملين تحملين لين تييبين بنت

استخيري حبيبتي احسن

 

[رقروقه]

ماشاء الله شنو تسوين ماحملتي 7 سنين <<أهم شي هع

وبعدين صح مانتي ضاامنه البنوته

ويااحلو الصغنونات وصراخهم << بلاج ما جربتي


جيبي وتوكلي على الله

 

[ابدا يالغالي مانساك]

الله يرزقج حبيبتي