بنات بليزبليز ساعدوني توهقـــــــت :(

[fara7 89]

السلام بنات اشلونكم ...
والله انا كلش ماني زينه .. توهقت وماني عارفة شسوي ....
بقولكم السالفه ..
بنات انا طالبه في كلية التربيه وهاذي السنه الرابعه لي انشالله ,, وانا متعوده من اول مادش الجامعه اذا بدا
وقت التسجيل يدزولي مسج على تلفون امي وامي ادزه لي على طول ..
هالسنه كان التسجيل شهر 7 وامي كانت مسافره والظاهر ان ما وصلها المسج .. ومر الشهر وطاف علي التسجيل
وقالو ان في تسجيل متأخر وكان11-9 .. وانا من امس ادور مواد والشعب كللها مصكره ..مافي ولاااااا ماده فاتحه
مادري شسوي توهقت .... ابي بس ماده وحده ماكو ... وفي البايفورس 21 الشهر .. بس انا تاريخ 14-9 مسافره وراجعه 26 الشهر .. يعني شوفوا الصدف ... مادري شسوي بليز ساعدوني بنات ابي حل ..تعرفون احد بالارشاد يساعدني او اي احد بالجامعه .. مابي اوقف قيدي انا ابي اكمل واخلص .. بليز اللي تقدر اتساعدني هذا رقمي 99489098
وراح ادعيلها طول عمري لانها طلعتني من مأزق كبير ..

 

[@@روح الورد@@]

روحي العمادة اول ما يداومون وبلغيهم باللي صار احسن لج لان التسجيل الاول اخر شهر 7 و الثاني كان بداية 29-8

وانا كذا مرة ما يطرشولي مسج وادش والا القي موعد تسجيلي

 

[fara7 89]

بنات بليز ليش مطنشيني والله ابي احد يشوفلي حل ... بليز قاعده اترجاكم

 

[my world]

عاااااااااااادي سهله
خلي احد من اهلج يسجل لج
انا سجلت حق بنت خالي وبيني وبينها تلفون وبسسسسسسس

 

[ĆŭŧΣ Ḟầсe ㋡]

حبوبه سوي نفس ما قالت لج ماي ورلد وطرشي احد من اهلج للباي فورس

وعطيها رقم الطالب والباسورد والمجرشيت ما لج عشان تسجل لج موادج ..

 

[مشاعر خجوله]

ماكو الا انج تروحين العماده بالشويخ .. وان شاءالله يقدرون ظروفج ويساعدونج

 

[jen2n]

رد : بنات بليزبليز ساعدوني توهقـــــــت

حجزي موعد حق تسجيل الخريجين وشرحي لهم اللي صار وان شاء الله يسجلونج او روحي عماده وشويخ

وان شاء الله يارب تسجلين اللي تبينه

 

[&&.. فزاعه ..&&]

مثل ماقالولج البنات خلي احد من اهلج او رفيقاتج يسجلولج .. وتنتهي المشكله ان شالله

 

[ღa7La TeaCHeRღ]

مو شرط انتي تروحين باي فورس
خلي احد يروح بدالج