##بنات بليزز رفيجتي محتاجه مساعدتكم ضروري##

[ضي]

السلاااااااام


شلونكم بنات؟؟


حبايبي بغيت منكم خدمه صغيره

رفيجتي توها سوت عملية تنظيفات ،، الجنين وقف نموه بالاسبوع السادس

ونطرت اسبوعين تقريبا عشان ينزل بروحه،، عقبها حاشها نزيف وسوولها التنظيفات

وبعدعمري ربي رزقها عقب فترره من المحاولات يعني طولت علي ما حملت ،، واهيا اساسا عندها انبوب واحد

الحين نيي حق الاسئله

١) متي تتوقعون تنظف عقب التنظيفات؟

٢) متي تقدر تحاول تحمل؟ الحين عادي؟

٣) هل اذا حاولت الحين موزين عليها؟

٤) تقدر تستخدم اعشاب تنظفها واللا ماله داعي؟

٥) نفس الوالده لازم ٤٠ يوم واللا عادي بمجرد ماتنظف يصير جماع؟

٦) صج عقب التنظيفات تكون المبايض نشطه واللا خرابيط؟

٧) واللا الاجهاض ياخر الحمل؟

حبايبي يارررريت تجاووني لانها جدد محتاجه الرد ومحتاجه دعاؤكم
لانه دكتورها ماعطاهاااا مجال تسال كلش فمتوهقه

 

[ابدا يالغالي مانساك]

حبيبتي ربي يعوضها ويعوضني ان شالله انا مسقطه ونزل من نفسه ونزيف وصارلي اسبوع وشي والاجهاض مدته اسبوعين تحسب من ينزل الجنين وتنفس عدل لانها نفس النفسا بحكم الشرع ماتصلي ولاتصوم ولايقرب منها زوجها اقصد الجماع وخل تهتم بروحها عدل وفرصة الحمل بعد الإجهاض كبيره يقولون كل الاطبا وهذا بعد إرادة الله تعالي وربي يرزقها ان شالله

 

[هذا مزاجي]

اااااااااااب

 

[tbola]

معوووضه خير ياربي

 

[جديده 1]

١) متي تتوقعون تنظف عقب التنظيفات؟

على حسب بس تقريبا من اسبوع الى اسبوعين


٢) متي تقدر تحاول تحمل؟ الحين عادي؟

هم على حسب اكو ناس ماتشوف الدوره من بعد الاجهاض و لكن علمياً لازم ترتاح 5 شهور و لكن بنظري اشوف شهرين زين و مثل ما قلت على حسب الرحم

٣) هل اذا حاولت الحين موزين عليها؟

ممكن مايتحمل الرحم .. و ممكن عادي

٤) تقدر تستخدم اعشاب تنظفها واللا ماله داعي؟

خليها تستخدم ادويه نفاس لانها تعتبر نفاس و خلي تجرب عشبه القشعه او المدينه تلقاها عند العطار و تسأله شلون طريقتها عشان تنظف الرحم عدل و خليها تستخدم حبوب حديد لانها نزفت

٥) نفس الوالده لازم ٤٠ يوم واللا عادي بمجرد ماتنظف يصير جماع؟

مجرد ماتنظف عادي

٦) صج عقب التنظيفات تكون المبايض نشطه واللا خرابيط؟

صحيح تكون نشطه بس المشكله ان التنظيفات تسبب سدد بقنوات فالوب مرات و المشكله الثانيه ان التنظيفات تسوي كشط لبطانه الرحم فيتأخر الحمل عند الاغلب و نسيت مدام انها مسويه تنظيفات مو اجهاض بروحه انصحها ماتحمل عالاقل 3 شهور و لكن اكيد الدكتور اكثر خبره مني

٧) واللا الاجهاض ياخر الحمل؟

الاجهاض العادي لأ و لكن التنظيفات اي .. بس من ناحيه المبيض فيكون نشط عادي بالحالتين ... موفقه اختي ولا تنسى رفيجتج تجيك على هرمون الحمل لانه يكون مرتفع بعد الاجهاض فلازم تنزله .

 

[وتين قلبـي]

الله يرزقها ويعووضها بالحمل السليم المتعافي
وماتسووف شر ان شاءالله

بحاول حسب معرفتي وتجربتي بالاجهاض بجاوب على اسئلتج


١) متي تتوقعون تنظف عقب التنظيفات؟
تنظف مابين ١٠//١٤يوووم

٢) متي تقدر تحاول تحمل؟ الحين عادي؟
تقدر تحمل على طول لان صغير ٦اسابيع يعتبر كالدوره
٣) هل اذا حاولت الحين موزين عليها؟
لاااااا عاادي والله يرزقها
٤) تقدر تستخدم اعشاب تنظفها واللا ماله داعي؟

٥) نفس الوالده لازم ٤٠ يوم واللا عادي بمجرد ماتنظف يصير جماع؟
اكيد تهتم بنفسها واكلها حالها حال الدوره
والاعشاب لازم تنظف بطنها //اي مجرد ماتنظف يوجب لها الصلاة وتباشر حياتها الزوجيه من الجماع
٦) صج عقب التنظيفات تكون المبايض نشطه واللا خرابيط؟
اكيد عقب كل دوره تنشط المبايض والاجهاض يعتبر دوره
٧) واللا الاجهاض ياخر الحمل؟
الاجهاض لا ياخر ولاشي عاادي في حربم تلقط وراه بسرعه وفي حريم تتاخر على ماتحمل عقبه
على حسب حالة المره
حبايبي يارررريت تجاووني لانها جدد محتاجه الرد ومحتاجه دعاؤكم

 

[أعشقه]

في وحده سقطت سوو لها تنظيفات بس قال لها الدكتوره نصيحه لاتحاولين تحملين
الا بعد 3 شهور افضل .. لان بعضهم يصير لهم تشوهات اذا حصل قبل 3 الاشهر
عاد خل تسال لها دكتور اخصائي ويفيدها اكثر .. مهما يقولون لها البنات محد بيفيدها الا الدكتور

 

[عضـــــوه]

الله يعوضها يارب

الاخوات كفو ووفوا

بس بما انه وقف نموه يعني فيها اجسام مضاده ولازم تسال دكتورها بعد سبب هالاجهاض شنو ؟؟؟؟!!؟!!

وربي يرزقها يارب

واذا ربي رزقها اول ما تحلل تروح للدكتور وتبلغه انه اجهضت قبل

ويارب يوفقها ويرزقها بالي تتمنى ويتمم عليها يارب*

 

[شاي اخضر]

الله يعوضها ان شاءالله وأزيد شغله مهمه ترى التسقيط بست اسابيع واذا كان عمر الجنين اقل من٨٠ يوم تصلي وتصووووم يابنات اللـي تسقط بست اسابيع ولا سبع تصلي ماتجوز تترك الصلاة انا أجهضت علي ١٠ اسابيع كنت اصلي من يوم عملية التنظيف