بنات بليز اللي راحت باريس تدخل

[glow_75]

شلونكم بنات انا اول مره اشارك بليز لا تخلون:wqedqw:
انشالله بسافر باريس وابي اعرف شنو احسن الاماكن اللي تستاهل و المحلات
التجارية الحلوة والاشياء الغريبة اللي لازم اشتريها
و مشكووووووووووووورين على المرور :ggdw:

 

[glow_75]

بناااااااااااااااات وينكم ابي مساعدتكم

 

[عروسة]

انا رحت لها
سكنت بالماريوت(بالشانزليزيه)
احلى مطعم (نوره) مطعم لبناني روعه
والقهوه عندج بالشانز كلها قهاوي وانا ابصراحه يوميا امر على الفوكيت
بالنسبه للأسواق في محلات للماركات ال في + جوتشي +............. محلات وايد للجدليات
بس اسواق ومجمعات كبيره مارحت للأسف كنت بس ادور بمحلات الشانز
وفي تحت الماريوت محل (سيفورا)للمكياج والعطورات وهالخرابيط
اتمنى افددتج بشيء بسيط...

 

[شمايخ]

انا رحت فرنسا السنه اللي طافت وسكنت في كونكورد لافاييت والفندق تحت فيه سوق واااايد حلو

انصحج تروحين مجمع لا دووم ومجمع غاليريا لافاييت ويم المجمع في محل سي اند اي وايد حلو ورخيييص

طبعا اكبد لازم تروحين ديزني وحجزي التذاكر من الفندق نفسه احسن او من محل دزني اللي في الشانز

وكل كوفيهات ومطاعم الشانز حلوووووووووه

 

[shakshak]

عزيزتي انا كنت ادرس في فرنسا وان شاء الله اقدر افيدج
شوفي روحي متحف اللوفر وايييييييد حلو وبرج ايفيل طبعا وقوس النصر و عندج ممكن تزورين كنسيه نوتر دام دو باريس هذي من اشهر الاماكن ( ما ادري اذا تحبين جذيه ولا لأ) وفي متحف الشمع نفس اللي بلندن. في بعد تقدرين تاخذين هذولا السفن اللي تمشي عالنهر تفتر فيج وتوريج اشيا وايد وعندج بعد ديزني لاند وايد حلوة وفي الباصات اللي من فوق مبطلين تركبيت وتقتر فيج وتوديج اماكن وايد . طبعا في وايد متاحف هناك اذا تحبين في متحف الدايناصورات اذا ماني غلطانه حلو.
بالنسبة للسوق عند شارع اسمه avenue montaigne هذا تلقينه اخر الشانز كللللللللللللللللله ماركات كل شي ممكن يطري على بالج . وعندج محل كبيييييييييييييير اسمه galerie lafayette هذا فيه يمكن 5 طوابق وكل شي فيه كم جناط ولبس ومكياج وجواتي وهم ماركات وعادي وفي يمه نفس طريقته محل اسمه le printemps هذا هم فيه كل شي وهالمحلين اب شارع اسمه hausman وتلقين يمهم بعد محلات وايد وعندج مكان اسمه chatle هذا شارع فيه محلات وايد . وطبعا وايد شواررع فيها محلات هذول اللي الحين ابالي سوري .
بالنسبة للمطاعم عندج مطعم نورة والديوان والعجمي هذول اكل لبناني حيلوين صوب الشانز وفي مطعم budda bar اكله لذيذ سوالف شرق اسيا وسوري والله ناسية المطاعم هناك اذا ذكرت شي اقولج .
ان شاء الله اكون فدتج بشي وسوري طولت

 

[shakshak]

ايييه نسيت اقولج في محل عووووووووووود نفس outlet يعني سوالف ماركات نازله من جم شهر وما انباعت وايد يحطونه هناك روحي شوفيه حلو تحصلين اشياء ماركات وبسعر ارخص بس اصلي ترا مو تقليد وهذا تلقينه الله يسلمج صوب ديزني سألي الفندق ويعطيج العنوان بالضبط

 

[bambena]

عندج بعد سان جيرمان وسان ميشيل يسمونه الحي اللاتيني يهبل مطاعم وبوتيكات

 

[glow_75]

مشكوووورييييييييييييييييييييين حبايبي على ردووودكم والله فدتوني وانشالله الله يتمم و اروح حق الاماكن اللي ذكرتوها لي
ومشكورين مرة ثانية على مروركم

 

[Shiny Star]

up

up

 

[فديتنـي]

ترى الشانزليزيه مو ذاااك الزود ابيه كله عرب اصلن و كلهم هيلق و انا اتمشي ولا شباب خليجين مسوين عرضه انا منيه لالالالا وين قاعدين شارع الخليج ؟؟ بس انتي اي شهر بتروحين ؟؟

 

[فديتنـي]

و تبين تعوريين قلبج روحيييي غيلاريز لافييت بمممممه انا قلبي ساح من هالمركات شريت جنطة بلنسياغا تهبببببببل و على فكرة حبيبتي الأسعار مو غاليه وايد انا اقولج بعض الماركات اللي تقدرين تلاقينها بهالمجمع طبعا غير الجمعيع اللي تحت
الماركات:

ببنسياغا
لوي فيتون
رالف لورين
ديور
بوتيغا فينتا
مارك باي مارك جكوبس
ميو ميو
فكتوريا بيكهام >>بس بوتيك صغير
فندي
كورس باي ماكيل كورس
بربري
و اي سؤال انا حاضرة حبيبتي
و بس مشكورة

 

[glow_75]

مشكوووووووووووورة حبيبتي فديتني على هالمعلومه انا انشالله رايحه على شهر 6 اتوقع مايكون فيه خليجييييييييين وايد
وتسلمين على مرورج

 

[فديتنـي]

اي شهر 6 مايكون فيه خليجين واايد اهما ايون على اخر او نص 7 و اي شي انا حاضرة و على فكرة في اسوقه واابد بس اي فندق اب تسكنيين ؟؟

 

[فديتنـي]

و حبيبتي انتي اكييد بتروحين ديزني لاند
عييل لا تشترين التذاكر من شباك دزني لأنها غاليه شوي فأنصحج تشترينها من الشانزليزيه اهما يحطون عرووض و حيل رخاص والله اذا ما كنت غلطانه جنه اب 25 يورو

 

[q8tiya--lol]

والله لازم تروحين الشانزلزيه

 

[ice_cream]

دزني اذا عندج عيال

برج ايفيل

اللوفر

القهاوي تونس

 

[dandoosh]

دزني .. و في مدينه العااب اسمهاا astrecs >> مو متأكده من الspelling .. انا عجبتني .. وفيهاا عرض دلافين و فيهاا كل انوااع الالعااب ..
واللي قالووا خواتي ..

 

[فديتنـي]

اي استركس تهبل بس ان كلها دواعيس احنا يوم رحنا دخلنا اب دواعيس بس تهبل تينن بس اعتقد دزني احلى اب واايد
:eh_s(6):

 

[أم عزيـز]

انا ما عجبني في فرنسا الا يورو ديزني

صراحه رحت لها وتحسفت مع اني قعدت في الماريديان بس الجو كان حار وتعاملهم جلف
تكلمينهم انجليزي يردون عليج فرنسي مع ان في بعضهم عرب ؟؟ بس يستعبطون

ورحت متحف اللوفر وشفت الموناليزا عبالي بشوفها لوحه عوده طلع حجمها عادي وحتى مو واضحه مغطينها بزجاج غامج وحتى اذا صورتيها الفلاش يعكس عليها وما تبين !!!

والشانزيليزيه شارع طويل كله محلات وكافيهات بالنسبه لي اقل من عادي مقارنه بشوارع هولندا وجوها وطبيعتها

وهم رحت برج ايفل وطق مطاقق وزحمه وحر بس لما تصعدين اعلى قمه يصير برد
واذا تبين تزورينه وما تبين تدخلين داخله روحيله باليل يصير لونه وشكله وايد حلو من الليتات
بس الصبح شكله اقل من عادي

 

[الثريا]

انا بروح انشاءالله نص 6 وبنسكن في فندق الوورويك في باريس وفندق نيويورك في ديزني
وانا بعد أول مره أروح وماني عارفه شي