بنات بليز اللي راحت باريس تدخل

[كريستال]

مشكووووووووووورين بنات

ماقصرتوا

الشانزلزيه حلاته فالليل

 

[~ عز ~]

البنات كفو ووفو

 

[toto.q8]

شوفى حبيبتي
بالشانز تلقين بيبان صغاااار
تدخلينها تنصدمين ادخلج علا مجمعات كبيره
مجمعاتهم كلها بطووووووول وبيبانهم صغيره في مطعم ايراني عجيب ماذكر اسمه بس تصعدين له درج بدووور الثانى اكله رهيب

 

[فديتنـي]

--------------------------------------------------------------------------------

انا ما عجبني في فرنسا الا يورو ديزني

صراحه رحت لها وتحسفت مع اني قعدت في الماريديان بس الجو كان حار وتعاملهم جلف
تكلمينهم انجليزي يردون عليج فرنسي مع ان في بعضهم عرب ؟؟ بس يستعبطون

ورحت متحف اللوفر وشفت الموناليزا عبالي بشوفها لوحه عوده طلع حجمها عادي وحتى مو واضحه مغطينها بزجاج غامج وحتى اذا صورتيها الفلاش يعكس عليها وما تبين !!!

والشانزيليزيه شارع طويل كله محلات وكافيهات بالنسبه لي اقل من عادي مقارنه بشوارع هولندا وجوها وطبيعتها

وهم رحت برج ايفل وطق مطاقق وزحمه وحر بس لما تصعدين اعلى قمه يصير برد
واذا تبين تزورينه وما تبين تدخلين داخله روحيله باليل يصير لونه وشكله وايد حلو من الليتات
بس الصبح شكله اقل من عادي

واااااااااي من صجج اصلن باريس عوااااااار قلب و برج ايفل في مطعم فوق مو اينن يا ماألذ و ماطاب يعني بكل اختصااار باريس تهبل

 

[مطلع_الشمس]

والله احلى ديره عندي باريس لو اروح لها كل سنه ما اشبع
والبنات ماشاء الله كفوا و وفوا
الله يهنيج ان شاء الله بسفرتج
وبعد في مطعم حلو محد اذكره مطعم لبناني اسمه الشرق انا عندي الصراحه اكله احلى من الديوان مع ان الناس هبه على الديوان اوا تلقينه جدام فندق كلاريدج احنا نسميه الفندق الاحمر احلى وارخص
وبعد في سينما العربيه اهيا قديمه بس الافلام كله عربيه بس دواعيس شويه سألي عنها
وبعد اذا رحتي يورو دزني لما تشترين التذكره احسن لج اخذي التذكره fast اهيا اغلى بس اسرع ماتنطرين الدور على طول تدخلين بحدود 49 يورو
ومدام الموضوع عن باريس بسأل البنات اللي يعرفون
انا سمعت ان في شارع يصورونج فيه نفس صور البابارازي مصورين وبعدين يعرضون عليج الصور اذا تبين تشترينهم بس يقولون يطلعون الصور حلوه حيييل
منو سمع عن هالشارع ؟؟؟؟
لأن سألت كذا شخص محد يدله !!!
واللي يبي بعد خياط عندي عنوانه في باريس لأني توهقت بالتصليح هناك

 

[مشمشة رمانة]

عزيزتي انا كنت ادرس في فرنسا وان شاء الله اقدر افيدج
شوفي روحي متحف اللوفر وايييييييد حلو وبرج ايفيل طبعا وقوس النصر و عندج ممكن تزورين كنسيه نوتر دام دو باريس هذي من اشهر الاماكن ( ما ادري اذا تحبين جذيه ولا لأ) وفي متحف الشمع نفس اللي بلندن. في بعد تقدرين تاخذين هذولا السفن اللي تمشي عالنهر تفتر فيج وتوريج اشيا وايد وعندج بعد ديزني لاند وايد حلوة وفي الباصات اللي من فوق مبطلين تركبيت وتقتر فيج وتوديج اماكن وايد . طبعا في وايد متاحف هناك اذا تحبين في متحف الدايناصورات اذا ماني غلطانه حلو.
بالنسبة للسوق عند شارع اسمه avenue montaigne هذا تلقينه اخر الشانز كللللللللللللللللله ماركات كل شي ممكن يطري على بالج . وعندج محل كبيييييييييييييير اسمه galerie lafayette هذا فيه يمكن 5 طوابق وكل شي فيه كم جناط ولبس ومكياج وجواتي وهم ماركات وعادي وفي يمه نفس طريقته محل اسمه le printemps هذا هم فيه كل شي وهالمحلين اب شارع اسمه hausman وتلقين يمهم بعد محلات وايد وعندج مكان اسمه chatle هذا شارع فيه محلات وايد . وطبعا وايد شواررع فيها محلات هذول اللي الحين ابالي سوري .
بالنسبة للمطاعم عندج مطعم نورة والديوان والعجمي هذول اكل لبناني حيلوين صوب الشانز وفي مطعم budda bar اكله لذيذ سوالف شرق اسيا وسوري والله ناسية المطاعم هناك اذا ذكرت شي اقولج .
ان شاء الله اكون فدتج بشي وسوري طولت

حبيبتي كفيتي ووفيتي .. بس احب اضييف على مشاركة اختي شكشك قصر فرساي لااااااااازم تروحينلة ولا راح يزوغ قلبج علية ودخلي الحديقة مالتة وعبر الحديقة روحي قصر الريفي مال الملكة ماري انطوانيت وناااسة حدة عجييب

روحي وادعيلي .. :eh_s(6):

 

[شوكلاتة سويسرية]

نصيحتي لك اذا رحتي دزني لاتروحين يوم الاحد لانة يصير زحمة
وروحي من الصبح بدري عشان يمديكم تستانسون
ولاتفوتك القرية اللي قبل دزني بالضبط لان فيها مجمع حلو ووراة اوت لت لايفوتك
وبالنسبة للمطاعم ترى نورة والديوان مهنا زود عادييييييين كنة اي مطعم مشاوي عادي
اللهم ان اسعارة 4 اضعاف ومرة غالي
يعني اذا بتروحين عن قولت مارحنا ولا اكلة جدا جدا جدا عادي والديوان قعدتة تفشل بصراحة.
باريس حلوة >>احبها
الله يهنيك وتستانسين ان شالله وننتظر تقريرك اذا رديتي