بنات بليز الي راحت المانيا والنمسا تدخل ضروري

[صفحه بيضه]

قوة بقيت اسال عن المانيا واحسن المناطق السياحيه الي فيها
والنمسا بليييييييييز انا اول مره اروحلها واعرف منطقه زلمسي يمدحونها حيل الي رايحه هالدولتين
بليز تفيدني وابي اتواصل معاها وهدولتين جم يبيلهم ميزانيه

 

[عواشه القرقاشه]

النمسا : زيلامسي - سالزبوغ - فيينا
المانيا بس رحت ميونخ ويقولون قارمش حلووه

التكلفه على عدد الاشخاص وعدد الايام
احنا كنا 3 اشخاص كبار كلفتنا 2500 حق 10 ايام شامل كل شي

 

[صفحه بيضه]

عواشه شنو الاماكن الحلوة الي فيها والفنادق بس انا وزوجي
امممم كلميني اكثر زين انا منقبه عادي عندهم النقاب ولا لا

 

[اخت خالتهم]

المانيا قارمش و انيسبورق
ترى مادري اذا انيسبورق بالمانيا او النمسا بس فيها المجمعات حلوه


و النمسا كلها حلوة افترو بالسياره

 

[اخت خالتهم]

ميونيخ طبعا

وفي ناس تمدح برلين !

 

[صفحه بيضه]

اب اب

 

[نياره]

اب اب

 

[درابيل كويتية]

أختي صفحة بيضة تونا رادين من المانيا والنمسا وسويسرا وايطاليا
زل ام سي كلها خليجيين،،، صايرة تلوع الجبد من زحمة الناس وخاصة السعوديين ماتلاقين مكان فاضي لا بمطعم ولا بمقهى
تحسين أهل الخليج كلهم هناك ,,,بس ان شاالله بعد رمضان يخفون !!!!!

 

[دآيم آلحب]

احنا بنروح يوم العيد فيينا واخر ويك اند بنقضيه في زيلامسي
وبالنسبه للنقاب عادي معانا وحده تلبس نقاب وعادي عندها لو يستنكرون
المهم وناستها

 

[صفحه بيضه]

مشكورين بنات زين شنو احسن فندق في زلامسي ورمانسي

 

[اخت خالتهم]

فندق قراند

وصح الخليجيين يخفون بعد رمضان
واحنا نروح عكس الناس الجهة الثانيه من البحيره اخلى

حلاته نشوف اهل الديرة

 

[رزمة اوجاع]

زلامسي كلها طبيعه ما فيها سوق بس كافي لها ٤ لي ٥ ايام
وأحسن فندق grand hotel

 

[حـلا و ذوق]

ألمانيا ,, (( ميونيخ )) عادية بس ميزتها ديرة نظيفة وجوها حلو ..
فيها المارين بلاتز فيه محلات مثل السي ان ايه وبمكي . وهالنوعيه من المحلات
وهم قريب منه شارع ماكسميلين شتراسا ينراح له مشي .. شارع كله محلات ماركات ..
سكنت بفندق الهوليداي ان ... وانصحج فيه
.
.

زل ام سي روووووووووووووووووووعة من أجمل البلدان الي زرتهم ..
تقريبا ساعتين او اقل بالقطار من ميونيخ
جو حلو . طبيعه . الناس طيبة . يعني صج فتررررة نقاهه بتقضينها اهناك
فيها برامج حلوة .. اهي عموما قرية صغيرة وتفرينها كلها مشي
فيه مساحة توقف الباصات وفيه كشك تشترين لج البرامج الي تبينها مثل منطقة الكابرون(ثلث ساعه بالباص من زل ام سي ) تروحين للتزلج + الزحلاقة الصيفيه تووووووووووونس وفيه برامج وايد غير تقدرين تستفسرين اهناك
وتقدرين تروحين سالزبورج بقطار من اهناك وتردين بنفس اليوم يمكن المسافة ساعه .. مدينة حلوة وراقية وصج لاقالو مدينة اوروبية

احسن فندق في زل ام سي فندق القراند لامنه بالضبط على البحيرة .. وعموما على حسب ميزانيتج بس اخذي الفنادق الي حولة مو الجهة الثانية من البحيرة !!
حتى الفنادق الي ف السيتي سنتر .. تراها قريبة كلها خطوات وكل شي حولج وقريب ويمج

رحلة موفقة

 

[اجمل احساس ..!]

تسلمون ومنكم نستفيد

حلا الذوق استفدت من برنامجج

انا عندي رحله سويسرا فينا المانيا ومو عارفه كوعي من بوعي

انا وزوجي

 

[صفحه بيضه]

مشكورين حبايبي

 

[beauty rose]

انا بعد ابي اروح و ابيكم تفيدوني

ابي فيننا