بنات بليز بسرعه دشو ابي رد او حل ضروري تكفووون

[شقره كيوت]

السلام عليكم ..
شلونكم ؟؟ شخباركم ؟؟

خواتي بقولكم سالفة رفيجتي واهيا تعز علي واااايد وااايد واحنا من عمر مع بعض واحنا اكثر من خوات فبليز اللي بترد علي لازم تكون متأكده من ردها او حلها عشان مابي اضر البنت وتالي انا اكون السبب !! وانا استأذنتها اني بحط موضوعها بالمنتدى لاني ما اعرف شقولها او شنصحها لاني مو متزوجه !!


الله يسلمكم .. رفيجتي تقول تاخرت عليها الدوره يوم مادري يومين المهم .. وتحس بعوار ببطنها ودوخه وراسها كله يعورها وفوق هذا ويها انترس حبوب (نفر) وتقول اخت ريلها مسكينه على نياتها واهي تدري انها ما كانت تقصد او شي لان اخت ريلها على كلامها حبوبه وطيبه معاها
قامت قالت لها شربي (اسبرين الفوار) اي اتوقع جذي اسمه !! عشان ينزل الدوره واهيا تاخذه وتمدحه 1 قامت شربته يومين وما نزل عليها شي .. وطافت عليها السالفه وقالو لها ناس شربي دارسين او جاي زعتر او اناناس عشان هالاشياء تنزل الدوره والحبيبه قامت تشرب وتنوع بهالاشياء وتقول بدت تحس بعوار استانست عبالها الدوره بتنزل .. ولا تتفاجئ ةاهيا قاعده الصبح ان ماكو دم ولا شي !! قامت دقت على مها وخالتها وقالت لهم السالفه ..فبحكم خبرتهم طمنوها وقالو عادي يمكن نفسيا او هرمونات او متلخبطه الدوره عندج في ناس اتأخر عندهم جم يوم او عشر ايام او شهر عااادي !! اهني تطمنت .. وردت عليها الألام وقالو لها شربي شي دافي اظاهر خلاص بتتيج .. المهم ريلها شافها هالجم يوم مو على بعضها وقالت له فقال يمكن انتي حامل؟؟ قالت لا شكو ؟؟ (لان يستخدمون اشياء) المهم ريلها قام وياب مال التحليل عزكم الله مال اللي تحت ولا يا بنات سوته التحليل وتطلع (حااااااااااااااااااامل) ريلها استانس واهيا انهاااااااااااااااااااااارت قااااااااااااااااااااااامت تبجي بجي واتصرخ واهو مو فاهم شسالفه ودقت على اهلها وقالت لهم انا حامل واهلها كبرو السالفه ولا تقول حق ريلها انا خذيت اسبرين فوار اللي ينزل الدوره واناناس ودارسين ومسكينه اتقول اكيد هريت البيبي واكيد الحين تشوه واكيد بيطيح !! والله عورت قلبي يا بنات ! قامت توسوس كانت جم يوم نايمه ابيت اهلها الحين ردها ريلها الحمدلله بس واااااااااااااااااااايد تبجي اتقول انا بسبتي الحين الياهل بيموت و و و بيتشوه او يمكن يطيح بسبتي يمكن بعدين ما اييب يهال او اخاف ينولد معاق بسبتي !! وكل اهلها قاعدين يقولون لها تعوذي من ابليس وريلها يحاول يهديها !! بس ماكو فايده !! الحين حجزوا موعد مع دكتورهم عشان بتراجعه بس بنات طموني
تهقون البيبي راح يصير فيه شي ؟؟ وهل هالاشياء اللي شربتها بتضر الياهل ؟؟
تهقون صج احتمال تييبه مشوه او معاق ؟؟ بليز بنات شتسوي؟؟ قولو لي ؟؟
وتقول ما نزل دم منها !! صج يمكن ما تحمل بعدها ؟؟ وخايفه تروح الدكتور عشان ما تبي تسمع خبر مو زين تكفون طمنوني عشان اطمنها ...
وشكرا​

 

[تبطي عظم!]

ماعندي خبر بس. هي المفروض ماتاخذ هالسوالف الله يهداها بس

ان شاء الله مايصير شيء دام ماكو دم لان لو ضرته هالسوالف جان نزل البيبي

انا خالتي لما كانت حامل وتبي اطيح البيبي ماتبيه خذت كل السوالف لا بعد حذفت روحها من الدرج

لانها مره كبيره وماكانت تبي تحمل عاد ربج ثبتهم وطلعو توائم ولد وبنت لوووووول ومافيهم الا العافيه الحين اعمارهم ١٩ سنه

 

[زين ودلال]

والله مادري بس الدراسين وهالسوالف ماتضر البيبي

بس الفوار مادري والله بس حبيبتي مدام الحمل ماصارله 40 يوم ربي سبحانه يحفظه لان في حريم مايبين عندهم الحمل الا عقب 40 يوم

اهي لاتوسوس وان شاءالله مافيه الا العافيه يارب

 

[$حبيبة عبودي$]

تروح لدكتوره تعطيها مالت التشوهات لازم ياربي نسيت اسمهم كل حامل تاخذها باول الشهور
وان شاء الله ماكو الا كل خير

 

[الحرير]

خليها تدعي ربها
وان شاء الله ماكو الا العافية

 

[عاشقه الاسمرانى27]

حبيبتى طمنيها منى اناااااااا سويت كل شىء وجان قصدى انزل ولدى الحمد لله والشكر لانى كنت تونى والده​

والله العظيم شربت زنجبيل ودراسين وكليت اناناس وشربت خروع ومشيت يمكن 10 كيلو والحمد لله الله كاتبلى اجيب عبدالله​

وحملت وتعبت لانى ما كنت ائبيه ..طمنيها وقوليلها لاتحاتى وان شاء الله الله يرزقها بالولد الصالح يارب ويجعله من الذريه الصالحه ان شاء الله​

 

[الأميرة جوري]

ان شاء ماكو الا العافيه ....خل تاخذ حمض الفوليك من الحين يمنع التشوهات خل توصف وتستشير الدكتوره وتبلغها بكل شي والله يطمن قلبها

 

[وتين قلبـي]

لاتحاتي انشالله ماراح ياثر عليها بشي
اكثر البنات سوالفهم جذي عبالهم الدوره بتنزل ويشربوون مل شي وعقب يكتشفوون انهم حوامل ويتمم ربج على حملهم بخير وعاافيه ويولدون ماشالله اطفال سليميين
دامه توه مااكتمل شهرين عاااادي لاتحاااتي شي

 

[توحه1]

خل تروح تطمن على البيبي بالسونار وتقول للدكتوره كل التفاصيل وهي ابخص ولا تسمع من هاذي وهذيك خل تاخذ الكلام من حلج دكتورتها والله يفعل الي فيه الخير

 

[marshmelo0o]

انشاء الله مافيها الا العافيه بس خل تروح تراجع الطبيب وتقولهم عشان تطمن وراح يعطونها فولكس اسيد مال تشوهات ضروري حق كل حامل تاخذه اول الاشهر

 

[كويتيه مذهله 87]

معقوله قالت لخالتها وامها وما ادري منو محد قالها يمكن حامل !!

الريال يعرف


لا تحاتي ان شالله ماعليه الا العافيه بس تاخذ مثبتات احسن وتروح للدكتوره تعطيها المثبت المناسب لها

 

[شنوووفه]

عادي حبيبتي لا تحاتي اختي بعدجذي وعادي الحمدلله ياابت عبودي اشحلالالاته

 

[yono]

ماكو الا العافية
ياااااااااااااااااااما بنات حملو بالغلط و اهما ياخذون مضادات حيوية اللي تعتبر أزيد من الاسبرين الفوار!!!!!
ما كو الا عافية و ربي ثبت اللي في رحمها

 

[worood82]

لا انشاءالله ما كو الا العافيه بس ختروح موعدها عند الدكتور احسن عشان يطمنها اكثر والله يعطيها على قد نيتها انشالله

 

[حنان1983]

حبيبتي عن تجربه لا تحاتي انا شربت دارسين وكنت اخذ اعشاب حق النفاس اللى تنظف الرحم وكنت حامل وما تيني الدوره لانى برضع والحمد لله يبت بنوته حلوه ورحت للطبيبه لما قلتلها على الادويه قالتلي تو الحمل ما صارله شهر لا تخافين وعطتني الفولك اسيد
وطبعا خل تتاكد وتروح الطبيب وعقبالك ان شاء الله بالزواج والامومه

 

[زينانه]

لا لا لا تحاتي
كل اللي شربتهم مايشوهون
شكوووووو
خل تاخذ فوليك اسيد كل يوم حبه
هذي اجباري كل حامل تاكلها
عشان لاينضر الجنين
وماعليها شر

 

[QYtiya.com]

ما اتوقع ان شاء الله ماكو الا العافيه
بس ضروري ضروري ترووح الحييين للصيدليه وتاكل فوليك اسيد لانه يمنع التشوهات بعد الله وهم الدكاتره ينصحون فيه قبل الحمل بعد

ومرت خالي كانت مااكله حبوب تنزل الدوره واعشاااب وحالله لانه الحمل ما كان واااضح وبين بعد شهر ونص من تاخر الدوره والحين بنتها عمرها 10 سنواااات

وهم اعرف وحده ماتدري انها حامل وسوت اشعه وهي حامل والحمدلله جابت بنوووته سليمه




بسسسسس غريييبه يعني معقووله ماافطنوا امها وخواتها انه ممكن تكووون حامل !!!!!!

 

[شقره كيوت]

مشكورين بنات ما قصرتو ... يعطيكم الف عافيه
واللي سألو (ليش اهلها ما فطنوا انها حامل ؟؟) طبعا اكيد ما يحطون ببالهم انها حامل لانها تاخذ مانع ! فشي طبيعي يدرون انها ما تبي تحمل ولا يحطون ببالهم سالفة الحمل !
وحنان جزاج الله خير وانشالله الله يسمع منج ..