بنات بليز ساعدوني والله على الله ثم عليكم

[mrmr zmany]

راح اكتب بموضوع باكبر خط لاني زهقانه وانا اراكض وادور ومحد راضي يرد علي ولا يساعدني يمكن وحده فيكم تقدر تساعدني


انا طالبه عمري 21 سنه ادرس بمصر بس دوامي بمصر بس امتحن وارد بجامعه القاهره يعني اروح هناك شهر بس وارد يعني انا طول السنه اداوم شهرين بس وباجي الاشهر انا قاعده بالبيت (((((((((

حاولت اني ادور وظيفه واسال بس اهلي كبار مالهم بهالسوالف ولا يعرفون

قالتلي وحده من بنات خالاتي انه زين يبون موظفين بشهاده ثانويه تخيلو صارلي 10 اشهر ادق عليها اقولها شصار وشسوي تقولي مشغوله وتسكره وتكشت فيني:eh_s(10): بليز والله حدي متضايقه ابي اتوظف مقزره يومي نوم:ch12: والاعانه مالت الجامعه شهر يعطوني و4 اشهر مايعطوني والحين وقفوها بعد عشان يبون ورقه مصدقه وانا نسيت اصدقها هناك وماقدر اروح مصر عشان اصدق الورقه


ادري قرقت عليكم وايد بس اللي ابيه وظيفه اقدر اخذ فيها اجازه بدون راتب حق دراستي برا اللي مدتها شهر بس :bbbiu:

قالولي زين والوطنيه وربعهم يقدرون يوظفوني بس يبون واسطات وانا الصراحه ماعندي واسطه ومحد راضي يساعدني والكل يقولي بروحج دبري حق روحج وانا مااااعرف ولا شي بليييييييييييييييييييييز ساعدووووني :eh_s(11)::eh_s(16):

 

[السمبتيك]

اختي انا حماي كان يدرس بمصر بنفس طريقتج
وكان يشتغل بالمطار على الكاونترات

وانا قبل جم يوم كنت كاتبه موضوع ان شركة ناس الي بالمطار تبي موظفين شهادتهم تبلش من الثانويه
روحيلهم قدمي منتي خسرانه

وبعدين عندج حل ثاني عندج دعم العماله
شوفي اي شغله حتى لو راتبها 100 واخذي دعم عماله فوقها
في بالوسيط يطلبون موظفات استقبال وغيره شوفيلج صج شوية كراف بس شتسوين
على ماتخلصين دراستج

 

[mrmr zmany]

اختي اول شي يعطيج العافيه على ردج اللي كلا تفاؤل وامل حقي
وثاني شي انا دورت بكل مكان مايبون كويتيات والمشكله اني ماعرف كلش شودي وياي اوراق وشسوي ووين ولا شي اعرف

 

[mrmr zmany]

بنااات لاتقرون وماتردون اموت قهر هههههههه ساعدوووووني بليييييييييز

 

[بنت حبوبة]

موفقة حبيبتي يااارب الله يكون معك !!!

 

[mrmr zmany]

مشكوره حبيبتي يوفق الجميع

 

[mrmr zmany]

شدعوه بنات 51 وحده طالعة ولا وحده فادتني

 

[عــاشــقــه]

حبيبتي روحي قدمي على بنك من البنوك
لأن أعرف وحده كانت معاي متوظفه على الثانويه في التجاري وتكمل دورات خاصه أو مثل ما قلتي شركات الاتصال قدمي منتي خسرانه شوفي شنو يقولون لج

وإذا كلش قدمي على الديوان شهر 11 يتبطل التسجيل ترى بسرعه يتوظفون إلي معاهم شهادة ثانويه وسألي الديوان عن الاحتياجات أو الشهادات إلي طالبينها

والله يوفقج إنشالله حبيبتي

 

[زهره الجلنار]

اب اب

 

[mrmr zmany]

حبيبتي عاشقه مشكوره وايد الله يعطيج على قد نيتج

 

[قرنبيطوو]

حبيبتي انا مثلج كنت ادرس بمصر ما يصير تدرسين وتتوظفييين طبعا الا اذا عندج واسطه بمكااان

وبعدين الاعانه عاادي ينزلوونهاا طول الاشهر بس الشرط ان ما تكونين مسجله بالتامينات لان الاعانه عمومها لكل الطلبه وثااني شغله

لما تخلصين سنه ثانيه روحي الديوان الاميري سوي كتاب انج تدرسين على حساب الحكومه منها يعطونج تذكره تو واي بالسنه ويدفعون مصاريف جامعتج وبالشهر اللي تكونين فيه بمصر تاخذين مصروف شهري تقريبا 350 دولار )))

ان شاءالله اكون فدتج واي سؤال انا موجوده )))

 

[mrmr zmany]

اختي قرنبيطو مشكوره اول شي على الرد
ثاني شي الاعانه ينزلولي اياها شهر وعشره لا ويقولولي اثر رجعي واقعد انطر بعدين يقولولي راحت عليج لانه في ضعف بميزانيه الدوله :/ على اميه دينار ضعف بمزانيه الدوله

وثاني شي انا قالولي انه مايصير الحكومه تتكفل بمصاريفي الى اذا يبت امتياز ؟؟ اول مره اسمع اللي انتي تقولينه تقدرين تفيديني اكثر ؟

 

[السمبتيك]

انزين حاولي تفتحين لج مشروع

صالون مشغل
او سوي اشياء ودشي فيهم بالمعارض

 

[قرنبيطوو]

لا حبيبتي عااادي لازم معدلج اقل شي جيد بس شوفي لما تدخلين سنه ثالثه على طووول تروحين الديوان الاميري وتسوين كتاب لهم وترا لهم فتره محدده يبطولووون فيهااا عاد انتي على طوول سئلي

وعلى الاعانه منوووو قالج مالج حق فيهااا روحي التعليم العالي شخليهم

اذا انتي مسجله طالبه ولج ملف عندهم ومو موظفه خلااااص لازم طل شهر تنزل لج لا اثر رجعي ولا لا

روحي التعليم العالي وشووفي شالسالفه!!!! ولا جددي اوراقد وقدمي من يديد

انا كنت اروح مصر شهرين ونص والباجي بالكويت وهم تنزلي حتى بعد ما تخرجت نزلت لي تقريبا 6 شهووور لما طلعت شهادتي واوديها عندهم بعدين يوقفونهاا ولا طالبووا فيها )))

والله حاسه فيج مصاااريف ولوووويه بس روحي التعليم العالي ولا يقصوون عليج انت اصلا تستحقين الاعانه

او دشي موقعهم وتاكدي من الشروط ولا تقوولين لهم انا اروح شهر والباجي بالكويت قولي انا طالبه ادرس في مصر الاعانه لي ما تنزلي؟؟؟

واي سؤال لا يردج الا لسانج ))

 

[mrmr zmany]

سمبتيك والله خوش فكره يبيله احاول ادرس بهالموضوع
واختي قرنبيطو مو بس انا وايد طلبه قالولهم نفس كلامي لانه مانزلولنا الاثر رجعي قالو راحت عليكم