بنات بليز منو تعرف عن فيزا شفينغن جم يوم على ماتخلص

[زوجة الثويني]

بنات عفيه منو تعرف عن فيزا شفينغن جم يوم يبيلها على ماتخلص وأسويها بأي سفاره أحسن وشنو شروطهاا ..بنات بليز ساعدوني سفرتي الاسبوع الياي ومافي وقت كلش

 

[rawona]

رد

ما عندي فكره والله بس ما حبيت اقرا موضوعج وماارد ..

بس اللي اعرفه تقدرين اطلعينها من اي سفاره اوروبيه (الالمانيه، الفرنسيه،الاسبانيه) وفي مكاتب بعد يسونها لج ..

واعتقد اسعارها تتراوح على حسب المده المطلوبه بس اللي اعرفه بحدود 24 دينار..

موفقه ​

 

[زوجة الثويني]

مشكوره حبيبتي على مرورج

 

[Queen-q8]

شوفي بالصيف زحمة وخذت اسبوع اغلى 10 ايام والعادة ما تطول عن اسبوع

مري على مكاتب السفريات اللي بمجمع الدولية خلف مبنى الكويتية بالديرة وتلاقين كذا مكتب عندهم مناديب حق هالشغلة اذا نبين شيء سريع وبدون لويه بس جوازات السفر اخذيها معاج سألي عن المدة والكيفية ويسونها لج

وياخذون على النفر بحدود 30 دك مع التأمين عائلي هذا بالصيف وما ادري اذا الاسعار تغيرت

 

[طوق البنفسج]

عادي ترى يخلصونها لج بسرعه .. اذا قلتيلهم انج مستعيله .. احنا بالصيف طلعناها ب 4 ايام من السفاره الهولنديه قلنالهم انه مستعيلين ..

بس الافضل اطلعينها من سفاره الدوله الي بتروحين لها .. الانه اذا من ديره ثانيه لازم اتباتين فيها يوم

 

[tofy]

ريلي طلعها من السفاره الفرنسية وقلنا لهم مستعيلين خذت 10 ايام

 

[pele]

انا طلعتها من مكتب الرابية ب40 دينار بخمس ايام خلصوها لي