بنات بليز موضوع عن الكشخه برمضان

[ftana]

اشلونكم بنات
انا بتكلم افموضوع مهم جدا
ووايد شفت بنات بغو يبجون وينتحرون
لمن درو ان انا احط ميك اب برمضان
انا بفهم شغله وحده
ارمضان صح تزورين اهلج وحمولتج وبعد رفيجاتج
ويمعات واهل وغبقات وحته بالمعارض شوفو البنات اشزينهم وشحلاتهم كاشخين واكشخ ناس واستقبالات ووووو
شلون تروحولهم تغسلون ويهكم بماي وصابون وتلبسين عبايتج وتروحين ويهج اصفر؟
خصوصا ان ريلج معاج ويشوف البنات كاشخين وهالدراريع والبدل العدله والفنكيه والميك اب والبخور
والزين كله
وانتي غير عنهم؟
طبعا في عوايل مايدور عندهم الميك اب كلش
بس في عوايل لا
الكل كاشخ وساكب
طبعا انا ماقلت مكياج عروس ورموش وشدو اسود وحمره عنابيه
لا انا اغصد على الاقل فاوديشن وشدو فاتح وحمرا ماتبين
في بنات قالو يويلج من الله احترمي رمضان وحجي واايد كل حجي اكبر من الثاني اشويه ويبجون
في الموضوع الي كتبته امس عن حماي تقدرون تدشون وتشوفونه
ترا انا ماقلت قتلت واحد ولا بقت
بس بصراحه سووني مجرمه
شوفو يا بنات
في حريم مايهمهم شكلهم عادي تقعد مع زوجها بدون ميك اب عادي تزور ناس بدون ميك اب
سوائن برمضان وغير ارمضان اهما جذي نوعهم ومتعودين على جذي
طبعا كيفهم كل واحد وطبعه يمكن ريلها يحبها جذي

بس في بنات احم احم مثلي ومثل وايد بنات
لاء
مايشوفها زوجها الا كاشخه وميك اب حلو وناعم ماخذ منها حته
وحمولتها دايما يشوفونها كاشخه وينطرونها تيي عشان يشوفون شكلها
وماتروح حق اهلها او زواره الا على الاقل حاطه كحله او ايلاينر


يله بليز علقو عالموضوع كلكم ​

 

[انا مو هني]

رد : بنات بليز موضوع عن الكشخه برمضان

اي طبعا
هذا ارمضان كله تسايير ويمعات واكيد احط مكياج
شنو بكيفهم يحللون ويحرمون البنات
كل شخص يسوي الي يحبه
شكو يفرضون عليج
بس اذا وحده ماتحط ميك اب ليش تسوي سوالف شي راجعلها
محد له شغل فيج تكشخي
احنه بالكويت
شحلاتنه كشيخين
انا ما اطلع الا كاشخه
حته حمولتي ما اطلع الا ميك اب برمضان بعيد بيمعات نفس الشي
اهم شي مايكون اشكل مبالغ فيه
وكل وحده ربها فوقها يحاسبها
اهما شكو اهم شي ماكفرتي​

 

[ام منوره]

حبيبتي المكياج سواء رمضان او غيره مايجوز يلفت النظر ومالج شغل بالي يكشخون بره اهم شي رضا ربج اذا رديتي البيت اكشخي والبسي الي تبين واذا زيارات اي اكيد نحط مكياج بين حريم ومايكون في رياييل وانا حلوه بدون مكياج واذا حطيت خفيف الفت النظر حيييل ليش اخذ اثم بس كحله احط لانها سنه وبس وارطب شفايفي واطلع حق السوق والمطاعم وجذي واذا زيارات احط مكياج كامل

 

[sweet dashttya]

رد : بنات بليز موضوع عن الكشخه برمضان

اي طبعا
هذا ارمضان كله تسايير ويمعات واكيد احط مكياج
شنو بكيفهم يحللون ويحرمون البنات
كل شخص يسوي الي يحبه
شكو يفرضون عليج
بس اذا وحده ماتحط ميك اب ليش تسوي سوالف شي راجعلها
محد له شغل فيج تكشخي
احنه بالكويت
شحلاتنه كشيخين
انا ما اطلع الا كاشخه
حته حمولتي ما اطلع الا ميك اب برمضان بعيد بيمعات نفس الشي
اهم شي مايكون اشكل مبالغ فيه
وكل وحده ربها فوقها يحاسبها
اهما شكو اهم شي ماكفرتي​

اي كلامج عين العقل

ولا تزعلين يا صاحبه الموضوع والله انتي ما قلتي شي غلط مالج شغل فيهم

 

[يمة يادلبي]

حبيبتي انتي فاهمة الانوثىة غلط
حسبالج البنت ماتصير انثى الا لا حطتلها مكياج
ترا في بنات ماشالله مايحتاجون الويه بدون شي ينور والبشررة صافية
بعدين شماله احط مكياج بالروحة والردة ريحوا بشرتكم شوووي

 

[*غرور انثى*]

برمضان تهدي النفوس وتصفي لباريها الكل يدور المغفره والرحمه لين متى ندور رضا الناس علينا
وبعدين شدعوا الريايل يشوفون حريمهم بالبيت بدون مكياج اشدعوا 24 ساعه متمكيجه
ويمكن طالعين من التراويح ورايحين يتقضون اشغالهم يعني لازم جنطة المكياج معاها والا ماكو ثقه بالنفس
كلن ينام بالجنب اللي يريحه بس اشوف رمضان له اجواء ايمانيه حلوه وله حرمه غير عن باجي الشهور