بنات بلييز ساعدوني

[Unknown :P]

شلونكم بنات .. شخباركم .. بنات عفيه بغيت كتاب هاري بوتر بس ما ادري وين ابيعونه .. بلييز الي عنده اي فكرة عن الكتاب و مكان البيع تقولي .. : ):eh_s(8):

 

[عادت ذكرياتي]

إذا تبينها بالانقلش روحي مكتبة جرير بحولي أو عندج أكو مكتبة بالفحيحيل اسمها ( الإشراف) يم مطعم ماكدونالدز زسنتر بوينت ....

اتمنى أكون أفدتج

 

[Tom ♥ Jerry]

,


شفتهم مره بجرير

 

[رحيل المرافيء]

اذا تبين الانقلش اكو بمركز سلطان مدري اذا عندهم عربي بعد ولاا لاا

 

[م.بابونج]

مكتبة جرير موجودة

 

[Unknown :P]

إذا تبينها بالانقلش روحي مكتبة جرير بحولي أو عندج أكو مكتبة بالفحيحيل اسمها ( الإشراف) يم مطعم ماكدونالدز زسنتر بوينت ....

اتمنى أكون أفدتج

مشكووورة قلبيــــ .. بســ انا رحت مكتبه جرير الي داخل حولي باركــ بس ما لقيت

 

[هوية غريب]

أغلب المكتبات اللي تبيع روايات بالإنجليزي فيها هاري بوتر
انا شفتها بجرير .. وشفتها اذا ما خانتني الذاكرة بفيرجن

 

[Unknown :P]

أغلب المكتبات اللي تبيع روايات بالإنجليزي فيها هاري بوتر
انا شفتها بجرير .. وشفتها اذا ما خانتني الذاكرة بفيرجن

تسلمينــ حبيبتيــ ما قصرتيــ .. انشالله باجر بروح جرير و أشووفــ .. يعطيجــ العافيهــ :eh_s(17):

 

[LUXURY]

انا شايفتها بجرير
اذا تقدرين تنطرين قوليلهم يطلبونلج اياها
انا طلبت منهم سلسلة كتب اقل من اسبوعين ووصلت ونفس السعر مازادوه
واعتقد فيرجن بالمارينا فيها

 

[هوية غريب]

شوفي حبيبتي بدال ما تتعنين جرير وما تلقينها اتصلي عليهم وسألي أحسن

رقم جرير: 22610111 .. لأن مرات الكتاب يكون خالص من عندهم

 

[Unknown :P]

شوفي حبيبتي بدال ما تتعنين جرير وما تلقينها اتصلي عليهم وسألي أحسن

رقم جرير: 22610111 .. لأن مرات الكتاب يكون خالص من عندهم

تسلمينــ حياتي .. والله ما قصرتيــ .. وفرتيــ علي التعبــ ..
:hjy5jewf:

 

[ملكةجمال]

شركة المكتبات اللي بمجمع المثنى ... ما يطوفهم شي ... و أنا زبونة معروفة عندهم نسلم على بعض بالاسامي
صاير تحت جنب باسكن روبنز ... الللللللله شوقتينا نروح نشتري مجلة و نشرب ملكشيك نعناع بالككاو اممممممممممم ... بس حسافة باجر صيام هاهاهاهاها ... و مبارك عليكم الشهر الفضيل و بوسات كبيرة لأحلى بنات بالكويت.

 

[هوية غريب]

شركة المكتبات اللي بمجمع المثنى ... ما يطوفهم شي ... و أنا زبونة معروفة عندهم نسلم على بعض بالاسامي
صاير تحت جنب باسكن روبنز ... الللللللله شوقتينا نروح نشتري مجلة و نشرب ملكشيك نعناع بالككاو اممممممممممم ... بس حسافة باجر صيام هاهاهاهاها ... و مبارك عليكم الشهر الفضيل و بوسات كبيرة لأحلى بنات بالكويت.

هلا حبيبتي مبارك عليكم الشهر
من قال ما يطوفهم شي .. ألا يطوفهم
ذاك اليوم سألتهم عن مؤلفات دان براون سواء بالعربي او بالانجليزي مالقيت عندهم الا رواية وحدة
صراحة على فخامتها انصدمت

 

[ملكةجمال]

هلا فيج حياتي ... عجيييييييب! أفا و الله أفا .. عاد أبوهم ما يرضى بهالشي إدا سمع. و كل سنة مكانهم معروف بأرض المعارض لشهرتهم! و ترى على فكرة هم يرحبون بطلبات الزبائن يعني إدا في خاطرج شي يجيبونه لج و السعر نفسه ما يتغير. أخوي تعب مرة و هو يدور كتاب علمي للجامعة ما خلا مكان ما دور فيه و يوم راح للمثنى طلعوله واحد نفس التخصص المطلوب بس مو شامل فسألهم شلون يحصل الكتاب المطلوب؟ شوية طقطقة عازرارات كيبورد الكومبيوتر و تم الشراء و حفظ نسخة لأخوي و عطوه موعد للمراجعة لاستلامه. أنا كنت أحب أقرأ و أجمع مؤلفات الكاتب الروائي لوي لامور كان يكتب قصص عن أبطال الريف الغربي و تفاجأت إن مو كل مؤلفاته متوفرة فقالوا إحنا نحب نوفر كل شي و لكن نخشى تراكم التراب على بعض الكتب التي لا يلتفت لها أحد فنخسر و سألوني اطلبي ما تشائين و إحنا حاضرين.