بنات بموت من التقويم قولولي شسوي بسرعه

[mi corazon]

قوة بنات

الحين اكتب لكم ومو حاسه بفكي

آنا مركبه تقويم من شهر 2 .. ومن بعد ماركبته بشهر قمت ما اقدر آكل لأني احس الحلقات الخلفية لمن آكل شي تنغرس باللثه واموت من العوار جنه عوار ضروس

رحت للدكتور قال اكو تسوس رحت ونظفت وحشيت وستل العوار موجووووووود يذبح يذبح

اليوم رحت مره ثانيه وسولي الضرس الثاني تنظيف وحشوه .. بس بنات امبيه ابي اشيل التقويم

بس المشكله ستل اكو فراغات بين اسناني

وحسب كلام معظم البنات .. نصحوني اوخر عن التلبيسات .. بس لو شلت التقويم راح احتاج تلبيس اسناني بالفينير او اللومنير او اي تقنيه زينه ثانيه

ولا بكون جني ماسويت شي

الحين شسوي بنات الله يخليكم نصحوني حدي متألمه ماعرف أتفطر زلا اتسحر حالتي كسيفه بروحي اكلي شوي من سويت عملية التكميم """"

ابي الحين اشيل التقويم عادي؟ واركب عقب تلبيس عادي؟؟

 

[cup-cacke]

رد : بنات بموت من التقويم قولولي شسوي بسرعه

اممممممم..والله ما ادري ياقلبي

اهو اساسا قبل لا تركبين التقويم اهم لازم يضبطون اسنانج بالنسبه للتسوس وجذي

انا ما بقى شي واشيل تقويمي..وصار لي جم يوم لما آكل احس مثل الضغط على السن اللي مثبت عليه التقويم..ويوم شفت اليوم الا اللثه شوي مفتووحه واثاري الاكل داخلها

بنطر دكتوري يداوم واروووح له

انتي اذا مو مرتاحه ف العياده نفسها روحي استشيري عياده ثانيه..او دخلي قرووبنا مال التقويم البنات اكيد راح يفيدونج

 

[mi corazon]

رد : بنات بموت من التقويم قولولي شسوي بسرعه

اي حبيبتي كب كيك نفس عالشعور .. اللثة مالت الضرس اللي عليه الحلقة احسها مفتوحه ووايد اشيل منها الاكل يدش فيها وتعورنيييييييييي لمن اشيله """

قلت للدكتور احسه مايدري شالطبخه

عالعموم آنا بشيله لأن اضراره وايد .. وعرسي جريب ان شالله

واحس لثتي نزلت وايد بعد التقويم (((

حاولت ادش القروب التقويم بس الصفحه تطلعلي ايرور لييييييييييييييييش ؟؟

 

[يا ليل مطولك]

رد : بنات بموت من التقويم قولولي شسوي بسرعه



حبيبتي مي كارزون

شوفي انا من رايي غيرررررررري العياده الي تراجعين فيها احسن ..

وعليج بمضمه الماي والملح تقوب اللثه ..

وبالنسبه لعرسج >>مبروووووووك

انا اقووووول اذا التقويم مو مخرب على شكلج خسااره تشييلينه اما التلبيس نفسج انا سامعه ان يسبب روايح كريهه


شوفي راي دكتووووووور ثاني احسن ..

 

[يا ليل مطولك]

رد : بنات بموت من التقويم قولولي شسوي بسرعه



كب كيك يا الخااينه وينج عن تجمعنا

وحياااااج مي كارزن انتي وحده منا وفينا اصحاب الابتسامه الحديديه

 

[ابله رورو]

حبيبتي لازم تتحملين عشان جمال اسانج ماكو شي اي بالساهل انتي توج ماصارلج شهر والي يقولج نزل عشر كيلو بسبب التقويم واول ثلاث اشهر راح يكون العوار غير طبيعي الى درجة البجي وانج تفكرين تشيلينه لان مريت بالهشي بس الحمدالله ان امي وقفت معاي ومنعتني وحتى الدكتور ماقصر قالي حرام يضيع هالتعب بلاش طبعا الحين لازم يعورج خاصه من ورى والفج صعب تبطلينه ووقت الاكل بتحسين بصعوبه وحتى بالكلام كل الاحرف راح تكون غلط
بس تحملي 3 اشهر وعقبها راح يرد الوضع طبيعي لان الحين في شي غريب بحلجج يبليه مده يالله تتعودين
ما انصحج تشيليه وكملي الي بديتيه لاتضعف ايرادتج
وطبعا الاكل انصحج تكثيرن من المشروبات والسوائل والشوربات
الله وكيلج ان عشت على السوائل والشوربات مدة 3 اشهر كنت وقتها طالبه بالمتوسط وحتى بالمددرسه كنت اخذ معاي شوربه بالقلاص مال الكوفي عشان ما ادوخ
تحملي حبيبتي ولاتشيلين التقويم انشاءالله راح تتعودين عليه

 

[MiṦs ♥ fĩẍ]

رد: رد : بنات بموت من التقويم قولولي شسوي بسرعه

الله يعينج

اهو اساسا التقوين يخرب اللثة انا لثتي اختربت حييل كله تلتهب و متفوخة و حالتي حاله شلت التقوين قبل 6 شهور و ليما اللحين الالتهاب و الانتفاخ و الالم الله يعين

بالنسبه لحالتج والله مادري بس اعتقد عيادتج مو زينه غيريها اذا تقدرين

 

[غرور وايل]

حبيبتي الظااااااااااااااااهر عياااااااادتج موو شيء

ف نصيحه غيريهاااااااا

حررررررررام تشلينهااا والله حرررررررام

وموووووووووووووفقه خير ياااااااااااارب

:bye22:

 

[Rosa Nina]

رد : رد: بنات بموت من التقويم قولولي شسوي بسرعه

وي شكله دكتورج مايدري وين الله حاطه .... عاد كل شي ولا ألم الاسنان منو هالدكتور ؟؟

وانتي حاطته باي عيادة ؟؟

ماقول الا الله يفكنا من بلاوي دكاترة الأسنان <<<< تعقدت منهم كلهم عقب أسنان كلينيك حسبي الله ونعم الوكيل

 

[cup-cacke]

رد: رد : رد: بنات بموت من التقويم قولولي شسوي بسرعه

ياليل مطولك

ههههههههههههه...شسوي كل ما دخلت ع الصفحه تطلع لي ايرور

وبالنسبه للثه النازله همن انا نزلت..ان شاءالله بس اشيله بسوي قص لثه <<ان شاءالله يكون اسمه عدل

 

[mi corazon]

بنوتات آنا حطيتها بعيادة الاسنان التخصصية مالت العدان لأن اختي قبل جذي سوت اسنانها بخاص وخربلها اياها وراجعت عقب بالعدان والحين شالته شزينه .. قلت خن اجرب .. بس الظاهر ماضبطت معاي

بس بنوتات آنا صارلي 7 شهور الحين تقريبا لو مو اكثر لأني من اول شهر فبراير ركبته :$

معقوله كل هالمده الألم ماراح؟؟

ياليل مطولك ابلة رورو تسلمين :*

تسلمون بنوتات ماتقصرون .. بستخير واروح للدكتور باجر باذن الله

 

[@@روح الورد@@]

لا تخرعين انا عندي جراحة بالعدان امبيييييييييييييييييه خوفتيني حيل

 

[mi corazon]

روح الورد

لا تخترعين ولا شي اهم شي استخيري

 

[CAT]

والله ماأدري
بس أنا مركبة تقويم صارلي شهرين
وماصار فيني جذي
الله يعينج

 

[Loutes]

رد : رد: بنات بموت من التقويم قولولي شسوي بسرعه

التقويم يسوي غرس باللثة لما تكون الحلقة وسيعه وتتحرك
انصحك غيري العيادة
كل شوي حشي ما صارت

 

[mi corazon]

اي لوتس شكلها وسيعه الحلقه لوعت جبدي