بنات بنتي طلع معاها دم

[ياغفور اغفر لي]

مرحبا بنات


بنات انا والدة ماكملت اسبوع بنتي اليوم طلعت من تحت فيها دم شنو هذا انا حيل مخترعه

تكفون فيدوني

 

[ام كوثر2007]

حمدلله علي سلامتج حبيبتي ..


ولا تحاتين ترا هالشي طبيعي .. في بعض البنات لا ولديتهم يطلع منهم دم بسيط ..


انا قبل طلع مني دم اول ما انولدت .. وبنات وايد نفس الحاله لا تحاتين ان شاءالله ماكو الا العافيه .

 

[أإلع ـشق دلع ـهـأإ]

اي سمعت رفيجتي صآر معآهآ جذي لآ تحآتين

 

[الأميرة جوري]

عاااااادي هذا بسبب الهرمونات مخزنه بجسمها ويصير افراز معاه دم عاااااادي لاتحاتين

 

[واي بفضفض]

هههههه عادي بنتك عليها نطاره

انا يوم كنت صغيره امي تقول طلع منك دم و لا تخلين ريلك يدخل عليك الا بعد اذان الفجر خرااابيط طبعا

اسمونها نطاره يعني نطره

وانا تزوجت ولا نطرنا ولا شي خرابيط

 

[مشتطـه]

لوووول اي الشهر اللي فات اول مرة اسمع عن هالسالفة استغربت حتى

 

[كتالونيه]

عادي حبيبتي لاتحاتين

 

[بنتي نور عيني]

عادي حبيبتي انا نزل مع بنتي نفس بنتج
هذي هرمونات زايده بجسمها من امها
وسالفه ان مايجيها زوجها اول ليله اتوقع خرافه

 

["Om 3AzOoZ"]

انا سامعه بهالسالفه ان شاءالله مافيها الا العافيه.

 

[om 7sony]

ان شاء الله ما عليها الا العافيه
انا بعد صار فيني جذي لم انولدت

 

[ياغفور اغفر لي]

الحمدلله ريحتوني بنات

 

[خوووخه w]

عااادي حبيبتي انا صاار معاااي جذي ماكو الا العافيه وبنت اختي بعد طاالعه علي

 

[المها الابيض]

ان شاالله مافيها الا العافيه
وايد اسمع فيهم جذي
على قولتهم عليها انطاره
بس وديها الطبيب عشان تتطمنين

 

[tbola]

ان شاء الله خير لا تحاتين واذا تبين تطمنين اكثر وديها الطبيب

 

[ام الحلوااات]

ما تشوف شر ان شآء الله

 

[lolo77]

انا توني والدة وصار حق بنتي جذيه
وصادف انه عندها مراجعه
وسالت الدكتور قال هذي هرمونات تكون ماخذتها من الام
والحين وقفت فينزل علي هيئه دم
وطمني

 

[Ms.electric]

انا بنات اختي ثنتين نزل منهم دم و على قولت امي عليهم حراسة

معتقدات ايام قبل لووووووووووووول

لا تحاتين عادي انا بنات اختي حتى حليب طلع من صدرهم هذا كله عادي

 

[الحــــــلا كله]

طبيعي

 

[المسكـ]

عليها نطاره
انا هم طلع مني دم وماخليت ريلي يدخل الا بعد صلاة الفير طبعا حددددددددي كنت مستانسه لوول على ما اخذ عالوضع والبس على كيفي طبعا اهو يدري
بس ليش ينطرون مادري