بنات تجاري ولا معهد سكرتاريه بليز ساعدوني

[نونو^الدلوعه]

قوه بنات انا كنت مسجله السنه الي طافت وقبلوني بمعهد اتصالات وملاحه وصارتلي ظروف وماقدرت اكمل والحين بسجل اليوم طلعلي انه اسمي موجود بس اروح مكتب القبول واكمل الاجراءات

بس بغيت مساعدتكم منو احسن وشهاده اقوى التجاري ولا معهد سكرتاريه او معهد ثاني وانا نسبتي 73 ادبي


اذا تجاري شنووووو تخصصات الزينه --------------------------------
اذا سكرتاريه شنووو تخصصات الزينه -------------------------------
في ناس قالولي دشي تربيه الاساسيه موسيقى بس احس واايد صعبه موسيقى مع انه اتمنى ادش التربيه بس النسبه مادخلني

الله يعافيكم ساعدوني باجر لازم اسجل وانا مابي اتصالات الله يوفقكم يارب :fun:

 

[اموله الامورة]

هلااااا والله حبوبه

شوفي حبيبتي آنا خريجه معهد السكرتاريه حيييييييل حلووو معهدناا الدراسه سنتين والميداني
الدراسه سهله والاساتذه حبوبين ويساعدونج

ومعهدنا والتجاري نفس الشيء دبلووووم

وموووفقه

 

[نونو^الدلوعه]

مشكوره حبيبيتي وماقصرتي يعطيج الف عافيه
شنو تخصصات زينه بمعهد سكرتاريه


وبنات اشدعوه 11 مشاهده ولااحد رد علي وانا محتاجه مساعدتكم

 

[اموله الامورة]

حبوبه احناا بس تخصص واحد اللي اهو السكرتاريه

 

[نــوره]

انا بالنسبه لي تجااري احسن من السكرتاريه اذا نسبتج تدخلج تجاري !

ومعااش التجاري اتوقع اعلى من السكرتاريه ..واسهل تخصصات التجاري ادارة موارد رفاايجي اغلبهم داشينه ..

وموووفقه

 

[قبله الدياحين]

حبوبه خرعتيني انا سجلت وحطيت اول رغبه اتصالات وملاحه
ليش شفيه

 

[قطرة مطر83]

رد : رد: بنات تجاري ولا معهد سكرتاريه بليز ساعدوني

هلااااا والله حبوبه

شوفي حبيبتي آنا خريجه معهد السكرتاريه حيييييييل حلووو معهدناا الدراسه سنتين والميداني
الدراسه سهله والاساتذه حبوبين ويساعدونج

ومعهدنا والتجاري نفس الشيء دبلووووم

وموووفقه

انا نفس اموله خريجة معهد السكرتاريه و مثل ما قالت .
و اذا ع الشهاده التجاري و السكرتاريه نفس الشي من ناحيه الدرجه و المعاش .

 

[نونو^الدلوعه]

مشكورين وماقصرتوا ويعطيكم الف عافيه والي تسألني عن اتصالات لاتخترعين حبيبتي بس انا ماحبيته الي اغلب موايد وايرات وتركيب وجذي وصعبه دراسته بنسبه حقي وماعجبني تخصصاته يعني انا ودي بسكرتاريه او الاداره جذي اما الاتصالات كله فني

 

[نونو^الدلوعه]

اموله ممكن ادليني مكان المعهد بالضبط
والي تخرجتوا من سكرتاريه وين توظفتوا واكون شاكره لكم

 

[قطرة مطر83]

رد : بنات تجاري ولا معهد سكرتاريه بليز ساعدوني

المعهد بحولي شارع شرحبيل يم اكاديميه الابداع المريكيه
قبال الجابريه على الدائري الرابع

و السكرتاريه حبيبتي تخصص مرغوب و انا الحمدلله اول ما تخرجت اقبلوني بالتأمينات

 

[اموله الامورة]

العنوان مثل ماقالت Gassi-Zemani

وانا اول ماتخرجت نزل اسمي قدمت عالديوان شهر 9 ونزل 10 يعني الحمدالله بسررعه
وبكل مكان توظفين كل الوزارات والهيئات والمؤسسات حييييييل تخصصنا مرغوب

وموووفقه