بنات .. تركيا وله ماليزيا ؟ وين تنصحوني

[سيكولوجية]

قوه بنات شخباركم


الموضوع باين من عنوانه

ناوين انا وزوجي نسافر شهر 12 بأذن الله

وين تنصحوني اروح تركيا وله ماليزيا

بنروح اسبوعين وجم تنصحوني اخش ميزانيه ؟​

 

[سيكولوجية]

ابـــــ

 

[بنت_ابوها]

انا مارحت تركيا بس رحت ماليزيا عجييييبه واجوائها غير

انا يوم رحتلها مع زوجي ميزانيتنا كانت ٢٠٠٠ دينار شامل التذاكر والفنادق ٥ ستارز وطشرت الباجي بالسوق ماخليت شي ماشريته

ورخيصه حيييل

 

[$حبيبة عبودي$]

نفس السؤال

 

[khawla&tito]

اب
اب

اب

 

[احآسيس هآدئه]

اب

اب

 

[♥aמŘa]

حبيبتي والله انصحج بالماليزيا

تركيا غاليه ما عجبتني ولو خيروني بروح لتركيا مره ثانيه بقول لا

ماليزيا طبيعه وجوها حلو بها الفتره واماكن سياحيه كثيرررره

صج تركيا فيها بعض الجزر الحلوه

بس مو مثل ماليزيا احلي

 

[ذكرياتي غير]

مـــآليييزياا طبعـاً ولا تحتارين ...

والميزانية ع حسب إذا أنتي تحبييين التسوق وإذا الفندق تبينه 5 نجوووم

2000 بتكفيكم دام أنتي وريلج بس ...

بالتووووفيييق حبوبه

لا تنسييين اهم شي اسكني بفندق الاحصنة الذهبية Golden horse ولا ماجنج رحتي ماليزيا واااي يا حـلوها ^ـ*

 

[krkooora]

الاثنين حلوين

بس اذا تبين جو احلى بالنسبه لي تركيا احلى
بس معروفه الحين صارت شوي غاليه بالنسبه للسوق و التشري اما لو على الاكل و التمشي لا معقول بس التكاسي غاليه
انصحج تتعاملون مع مكتب سياحي سياره مع سايق
وفيها مناطق وايد حلوة يعني مو بس اسطنبول لا بورصه جبال و طبيعه روعه و انطاليا تروحين لها طيران داخلي بحر و جو خيال
واعتقد شهر 12 ثلج بالجبال يعني الجو خيااااااال
وماليزيا هم غاليه مو رخيصه مثل تايلند
استخيري شوفي شاللي يناسبج اكثر الديرتين حلوين ما يطوفون

 

[سيكولوجية]

الف شكر حبوبات عالردود

وشكله بنروح ماليزيا ابي شي رخيص شوي ودي اتشرى على راحتي ومااحااتي الميزانيه

 

[bal8es]

انا انصحج بتركيا
اذا تبين جو في انا رحت شهر 7 الجو مو صج وحاشنا بردي ومطر ودرجة الحراره وصلت 13
المطاعم مناك حلوه والطبيعه خيال من بحر من جبال من خضار من كل شي والسوق حلو واشوفه رخيص انا حملت ح الجامعه والعيد وغيره مناك المجمعات حلوه شوفي التقارير مالوت البنات المصوره وحكمي
الى اعرفه ان ماليزيا جوها رطوبه واغلب شي مناك يعني سوالف بحر وجذي
موفقه خير

 

[هنـــد]

تركيا مارحت لها

بس ماليزيا عجيييييييييبه رووعه

لا تقعدين بس بكوالامبور روحي للجزر وانصحج بلنكاوي

واحجزي عن طريق النت بموقع طيران الماليزي سعره التذكره تقريبا للشخص 40 روحه ورده لجزيره لنكاوي

بمكاتب الكويت من 80 وطالع حدهم صدمه

 

[قرنفله 99]

تركيا حلوه حيل بس غاليه وبشهر ١٢ جوها بارد حيل ماراح تستانسين ماليزيا بهالوقت جوها حلو واسعارها معقوله مو رخيصه حيل نفس تايلند بس ارخص من تركيا واوربا موفقه رحله سعيده ان شالله

 

[موس شوكليت]

انا رحت للاثنين بس بصراحة ماليزيا عجبتني اكثر كفايه شعبها راقيين وحبوبين واللغة الانقليزية عندهم بيرفكت مو مثل الاتراك نفسياتهم مهي حلوة وبذات اذا درو انك خليجية ينصبون عليكي والاكل عندهم يارب ولك الحمد مو ذاك الزود والاغلبية مايعرفون لا عربي ولا انقلش عن جد تتعبين معاهم وعلى مااعتقد ماليزيا ارخص من تركيا وبس هاذا رايي