بنات تعالوا شوفي زوجى شيقول عنى ...

[انشودة المطر]

.........السلام عليكم ورحمة الله................

خواتى زوجى من النوع اللي يحب المكياج الاوفر وتحديد العيون وابراز الشفايف....وماشاءالله انا بدون غرور وبشهاده الجميل مزيووووووونه ..وسبحان الله بدون مكياج احلي....بس انا وحده عندي دراسه ..عيال ..وتجاره والله مرات من كثر الضغط ما اكشخ واظل شهور بدون مكياج وحالي من حال خدامتى دراعه ولافه شعري بدون مكياج اهمااااااااال ...حتى مره قال اشفيج جن ناقصج دم اشفيج جذيه مبهذله قمت الاحراج قلت مضغوطه دراسه وتجاره وعيال....والله مرات اهمل عيالي علشان الدراسه وتخصصي صععععععععععب احس مرات بينبط راسي من الصداع.....وبصراحه يلفت نظره الحرمه المرتبه حتى لو جيكره انقهر لمن اشوفه قاعد علي هالاخباروتطلع سهير القيسي وحليمه وغيرها من البنات مرات لي طلعت وحده حلوه يقول شرايج بهذي حلوه و يتلخبط انا فاهمته بس يبي يبين ماهمتنى........ومرات لي رحت الاسواق مثل الافنيوز وغيره او سافرت برا الديره اتحلطم علي شبابي وصغر سنى مع انى اشوف كبار بسن كشخه واناقه...

بتقولون وين المشكله ابي تشجيع اشلون اهتم بعمري..اشلون ما افكر مرات افكر اقول احط مكياج تخرب بشرتي واكبر بسرعه رفيجتى تقول انتى كبرناه كبرناه استغلي بشرتج قبل لاتترهل ويبين الكبر......وانا بيضاء بس مشكلتى الابط اسمر وما احب البس حفر :bbbiu:ابي حل ابي ردود منكم اشلون تكشخون بالبيت........زوجى يحب الكشخه ومكياج غرامه...مع انى ما اعرف للمكياج اوفر حدي كحله وحمره..وشعري طويل اخر ظهر ابي صبغه غريبه وقصه بس زوجى مايحب الشعر القصير
شنو الموضه الحين ابي صوالين تسوي لي مساج احس منهده تونى خالصه امتحانات وهالكانه:eh_s(11):
اعذروني خواتى كلامى مو مرتب من القهر
​

 

[انشودة المطر]

...........................

 

[عـِرۈۈق قلبــه]

بمآ أنج خلصصتي أمتحآنآت اهتمي بنفسج و غيري ستآيلج روحي اي صآلون خليهم يحطون لج مكيآج
و موفقه ي قلبي
​

 

[عبير-الشرق]

ياحلوه هم ريلج يبيج تعطينه من وقتج تستغلين فترة الاجازات والعطل الاسبوعيه والمكياج شيبيله لما تحطين كذا مره تتدربين ومعاج قطن اذون تمسحين الي تلخبط حطي عدسات ملونه تغيير والصالونات شكثر وصبغي شعرج ودرجيه بس لاتقصرينه اذا يحب الطويل وحرام لازم تدلعينه تدلعين نفس بالبجامات الحلوه والجينزات والبديات عشان مو باجر تلفه بنت حرام وتتحسفين طول عمرج كلنا عندنا عيال ودوامات والتزامات بس نحاول نقسم وقتنا

 

[مــســك]

آهتمي بنفسج وشبعي عيونه .. قبل لا يطير منج ويشوف له شووفه ..



آعرف واحد تزوج على زوجته لانهاا مهملته وما تكشخ له ..



فـ ديري بالج .. وحافظي على زوجج وسوي كل الي يبيه ..




اليوم وحده منزله موضوع مسكينه تقوول ان زوجها قايل لهااا ابي خدود وجهج مافيه خدود وقالهاا دبري نفسج واذا مادبرتي نفسج ..


راح اتزوج عليج ؟؟


تخيلي ؟؟؟ يبي يتزوج على زوجته لان ماعندها خدود ؟؟



لهدرجه وصلت فيه هالمواصيل ؟؟؟؟


والمسكينه توها طالعه نفاس ...




شووفي تفكير الرجال .. تفكيرهم الكشخه واللبس .. حتى لو كانت الوحده عاديه .. ~~

 

[بنت الكنادره]

وعليكم السلام ورحمة الله وبركاته
لا الصراحه غلطانه. وانا كنت نفسج ما اهتم وايد بنفسي لين حسيت انه كثرت طلعاته وقام يقولي انتي مو فاضيتلي كنت معطه وقتي حق بنتي والبيت. والطبخ والنووم

بس والله من حسيت انه مسكين ماله ذنب قمت اول ما اقول من النوم احط حمره سريعه وانا نفسج ما اعرف ولا شي بالمكياج
بس نصييييييحه جربي تحطين اقل شي. كريم اساس او هذا الي تحت العين ايلاينر جنه وخطة كحل من فوق ومسكه و اذا حواجبج خفاف نفسي غمجيهم شوي
هههههه شوفي شلون راح تتغيرين

ومن ناحية اللبس لبسي اي شي مريح اذا قطعه وحده خليه قصير. او قميص. وسيع مع لقن او شورت

واذا خدامتج معزوله عنج وتاخذين راحتج. والله نصييييييحه من قلبي تفنني بالبس اي شي عندج ركبيه فوق بعضه ودرسي ولا سوي شغلج. لاان لو يشوفج مشغوله بس كاشخه والله بيستانس وراح يبحلق فيج ويمكن يخفف عليج من نفسيتج اذا عطاج كلمات سنعه

والله ذكرتيني بشعري كان طويل وكله لاافته واهماآاإل وزوجي قال مثل زوجج ماآاآاإحب القصيرر
بس طبعا حشيته مره وحده قصير ولمن شافني انصدم. قال لا ليش? بس بعد جم ساعه قال صج تغيرتي
وصبغته ثلجي بخصل عسلي

صبغته بمس ون بقرطبه والقص ب بكيفان صالون الجمعيه قصهم. رووووعه وهم صبغت مره عندهم عسلي وناويه اروح كيفان مره ثانيه اعدل نفسي قص وصبغ


واذا تبين اي شي لا يردج الا لسانج انا اختج حياآاآتي

 

[mon-amour]

اهتمي فيه هالفترة

وترا الرياللللللل سبحان الله ليلة تطيب خاطره

كل فترة حددي يوم البسي واكشخي اوووفر وطفي تلفونج وتجارتج حطي اوف لها وعطيه وقت

سوي رفرش كل فترة

 

[حلاتي غير]

اهتمي بنفسج اكثر غيري اللوك كله اذا كان شعرج طويل غيري قصته وصبغي وروحي لقسم المكياج هناك يعلمونج حذفي الدراعه من حياتج ومثل ماعندج وقت للاهتمام بعيالج خلي وقت حق ريلج لا ينحاش منج

 

[مطنـوخهـ]

الله يعينج ويجملج في عينه

 

[أعشقه]

وي ياختي انتي من اي عصر جايه
حتى لو عندك مشاغل الدنيا لازم تلبسين تكشخين ع الاقل الناس تقول صحيح متزوجه
البنات وهم بنات تشوفينهم ع اخر سنق شلون انتي
ودام تعرفين ان زوجك يشد انتباهه الي تتعدل وتتزين والمكياج احلى شي والله تفنني دخلي ع النت شوفي النوع من المكياج الي تحبينه اذا خفيف ولا ثقيل .. وتعلمي شلون تحطين مكياج حتى لو بسيط بس الاهم يطلع شكلك ويبرز ملامحك
اشتري عطورات جديده وملااابس مثل الي يحب زوجك
وحتى لو فيه سواد استعملي اي شي اي مرهم اي خلطه تبيض المكان الي تبين .. وفي النهايه هو شايفه شايفه
لبسي وكشخي قبل لا تروح عليك ..
والله انا مثلك من جبت بنتي وانا اقول مابي البس لاني سمنت وصار جسمي كارثه
بس بعدين قلت اهو بس هي رايحه علي انا وترى زوجي مايتكلم ابد ومايقول لا غيري ولا وش هالبس ولا شي ابد
يعني مخليني براحتي ..
والله قمت البس واتعدل اهم شي لنفسي مهوب لازم له
فهمتي علي

 

[Rinoa]

وعليكم السلام ورحمة الله وبركاته

حبيبتي مو شرط تحطين ميك اّب كامل بالبيت ..
حطي كحل للعين خطة كات اّيز جذي الكحله بس فوق العين

وحطي مسكارا عشان تبين رموشج, لا تحطين كريم اساس عشان بشرتج ما تتعب..
وبالنسبه للشفايف حطي قلوسات نعومه او حمرا فوشيا او ورديه

وعن سمار الابط كلنا نعاني منه مو بس انتي ومع هذا نلبس ما استحينا !
سوي ليزر للابط او شيلي الشعر بشيره او ماكينة براون لنتف الشعر وتدريجياً بيروح السواد
والبسي فساتين طوال وقصار للبيت اللي تكون علاق بالوان حلوه ومريحه للعين.. وفي بعد الشورتات والترينغات النعومه

كلللللش ولا شكلج غيريه بين فتره والثانيه لا يمل زوجج ويطالع حليمه وربعها P:

موفقه :eh_s(17):

​

 

[زوجة عزيز]

وااااااااااااااااااااااااااي يقهر نفس زوجي يبي كل يوم مكياج كامل واوفر عاد مو حلووو الاوفر كل يوم وانا احب الناعم واذا احط مكياج ناعم لازم لازم يعلق ويقول اشفيج جذي حطي شدو وزيدي كحل يقهر كل شي يعرف يبط الجبد واربعه وعشرين ساعه عيونه على الممثلات والمغنيات في البيت اما لين نطلع كله يخوزز في البنات حتى لو على 14 يطالعهم وااااااااااااااااااااي ذكرتيني وابي انسى حتى يموووت على ليلى سلمان من يشوفها يتنهد ويقول اخ على عيونها تذبحني مع اني والله اني احلى منها وانا كبر بناته وانا من خذته مستحيل يمر اسبوع كامل بدون ما احط شي تلاقيني مريضه باموووت وويهي في مكياج ولابسه ومتعطره وياليت في تقدير عاد حده يمدح ويتغزل :krkrkr::krkrkr::krkrkr::krkrkr::krkrkr: الله يعينج شوفي لج صالون سوي لج نيو لوك صبغي شعرج قصيه والباقي تعرفينه بس للاسف ماقدر افيدج باسماء صالونات لاني مو من الكويت :eh_s(17)::eh_s(17)::eh_s(17)::eh_s(17):الله يوفقج في تجارتج ودراستج

 

[گـحِـلْ |~]

أنا مع Rinoa

 

[سكوتي بذوقي]

اختي لازم تهتمين بنفسك علشان زوجك مايشوف غيرك

وغيري كل مره لوك شكل

سوي بنفسك المكياج وسوي تسريحات بسيطه

كل يوم شكل يعني واللبس نوعي

عسى ربي يسعدك ويوفقك

 

[a7la siorah]

انا من رأيي انج تغيرين كل شي تعود عليه زوجج

بالاول جهزي نفسج جنج عروس

واشتري بجايم وبدل بيت قصات ومديلات متنوعه

من ( ماكس , نيولوك , سنتربوينت )

واشتريلج مكياج يومي ناعم مثل ( كريم مرطب + كريم اساس + بلاشر + كحل قلم ملون داخل العين + ايلاينير + حمر الوان هاديه + مسكره )

ودام زوجج يحب الطويل عيل لاتقصينه اذا كان مو ناعم سوي كراتين وصبغيه لون زيتي فاتح

واذا بتسوين حركه اشتريلج فير وسويه ويفي بالبيت ترى سهل حيل

وخلي روتينج جذيه صدقيني ماياخذ من وقتج شي

 

[Lourdez]

حبيبتي انتي حييييييييل مصعبه الشغلة تره حده سهالات
اول شي عشان ابطج لا تستخدمين ديوودرنت من الجمعيه سويلج ديودرنت طبيعي اذا تبين دزيلي رساله خاصه اعلمج

ثاني شي كل شهر روحي صالون شيلي شعر جسمج

سويلج جدول صج صج انا مسويه جذي و هالشي اللي يخليني استمر و اواظب على العنايه
كل اسبوع حمام زيت
اسبووعياا سنفرة
اسبوعيااا ماسك

خلصنا من هذوووول الحين تقولين المكياج يكبرج !! شهالحجي الفاضي انااا من عمري 14 احط مكياااج و الحمدالله بشرتي مافيهااا شي لا تحطين لنفسج اعذااار حبيبتي دلعي عمرج و استانسي ليش مقصره بحق نفسج و بحق زوجج كلنا عندنا ضغوووط والتزامات بس هم جسمنا له حق علييينا والله جميل يحب الجمال
مادام خلصتي دراسة حطي حيلج بالمكيااج والتسااريح لا تقولين ما اعرف
عندج اليوتيووووب بحر بحر تتعلمين كل شي من الاجانب عندهم انواع المكياج

مثال
http://www.youtube.com/watch?v=Txg-v1TZ1IQ&feature=relmfu

http://www.youtube.com/watch?v=3yogcyPwoSM

ونصيحة لا تصبغين وتخربين شعرج واذا حابة تقصين قصي عالخفيف بس سويله trim

وشوفي هالتساريح حيل سهلين تسوينهم بالبيت

http://www.youtube.com/watch?v=eKNTJ-ZBcn4&feature=view_all&list=PL3AF456E7DB869614&index=3

http://www.youtube.com/watch?v=7i2MAYa96Gc&feature=view_all&list=PL3AF456E7DB869614&index=2

حبيبتي استانسي بشبابج وونسي ريلج وياااج وانتي تبين احد يدزج ويشجعج اصلا استغرب منج ريلج يمدح ببنات الاوادم وانتي تقولين تبين دافع هذا دافع كافي انه ريلج يطالع غيرج ولا تقولين انه اكشخ حق ريلي قولي حق نفسج انا اكشخ حق نفسي و ادلع عمري حقي و ثانيا حق ريلي و روحي سبااا وتره ريلج حاس انه اهوه مو مهم بالنسبالج ومقصرة بحقه و مووحلووة تحسسين ريلج هالشعووور لانه تخلينه يقارن بغيرج وممكن شعوره ييترجم لافعال واتمنى ردي ما ضايقج و حاولت اساعدج باللي عندي

 

[catwiti]

من صجججججججج ؟؟؟؟؟؟ انتي لازم تغيرين تفكييرج من هالناحيه حاااااولي لانه حرااام الرياال راح تزوغ عيينه على بنات غييرج واليحن البنات بالاسوااق وحده احلى من الثانيه والله مراات اشوف وحده تمشي بكامل زينها واناقتها ودي بس اقعد واجابلها عيل شلون الريايل ؟؟؟؟؟؟؟؟؟ وانتي مو ناقصج جمااال بس ناقصج اهتمااام ترسي عينه خل يغض بصره فييج واهو قاعد يلمحلج مسكين مايبي يجرحج ويقولها بالويه
تبين تكشخيين شوففييي لبس كييم كرداشيان شوفي صورها تاارسه النت راح تتحمسيين شوفي مثلا ميريام فارس او هيفاء مادري اي فنانه لانه احس لما اشوفهم اتشجع << وجهة نظر
شي ثاني رووحي الصاالون صبغي شعرج لون غيير بس مو اشقر لانه الاشقر يبيله ميك اب فالبيت ولا راح يطلع ويهج شاحب وروحي صالون خبره ريحي عمرج عشان اهم يعطونج رايهم باللون المناسب واذا لج خلق خليهم يحطولج ميك اب بسييط هم فكره اذا كنتي متعاايزه تحطين قصصي اطراف شعرج او قصريه شوي واذا ممكن اخذي اذن من ريلج قوليله ابي تقصره حيل يمكن يكون حاب فكرة التغيير اذا رضة شوفي القصه المناسبة وقصيه
ممكن تسويين مسااج او حمام مغربيي تحسيين جنج عرووس يديده ,
ممم بس والله يوفقج وتتخرجيين يارب

 

[miss s0so]

انا اكره روحي اذا مريت بهالفترة احيانا تحسين المسؤلية تخليج تنهارين بس لازم تتغلبين ع الظروف الحياة مستمرة فالمسؤليات يمكن انها تزيد ماتقل عشان جذي لاتنسين روحج

شوفي

سوي لج جدول وكتبي فيه الاشياء اللي ناقصج تسوينها اذا سويتيها حطي صح واذا لا حطي خطا وحسبي بنهاية الاسبوع الشغلات اللي قدرتي تسوينها وبتشوفين انج تقدمتي حتى لو خطوة بس انشالله احسن من قبل

روحي الصالون يوم كل اسبوع وروحي السوق اخذي الاشياء اللي تبرز جمالج ودلعي عمرج

اهتمي بروحج وبزوجج ولاتنسي بكرى رح يصير عندج انشالله اكثر من ولد ساعتها شبتسوين بتنسين ريلج من المسؤليات ؟

عشان جذي عيشي كل لحظة واستانسي بعمرج :eh_s(17):
​

 

[كـ غلا ــلي]

انا من رايي البنات وماشاءالله عليهم كفو ووفو

 

[Gifts&Occaions]

لاتسوين جذي بنفسج اهتمي بروحج اول شي حبا بنفسج بعدين حق زوجج .. لأن الي ماتحب نفسها وتهمل روحها شلون تبي غيرها يحبها ويهتم فيها وموشرط اوفر حطي شي ناعم بس مرتب شعرج خليه نظيف ومفلول او سوي حركه فيه مو شرط صالون والله يوفقكم