بنات تعبانه واللي يعافيكم لاطنشوني :(

[دلوعة كويتيات]

بنات انا املجه واحاتي بيت الحموله احس بخوف مو طبيعي
يعني انا متعوده كله بغرفتي وشابكه واطلع بكيفي مع امي او اختي ودايما اطلع مع اخوي نتمشى وجذي

بنات مدري شلون اوصل لكم احساسي احس بغلقه وخوف من المجهول

الريال زين ومحترم بس مايمدحون خواته يقولون عوب

انا توني بعد الملجه عرفت انهم عوب . ويتدخلون بكل صغيره وكبيره شلون اتحاشاهم علما اني بسكن معاهم شقتي فبيتهم

واحاتي اللبس يعني مالي خلق كل يوم اكشخ وانزل تعب صراحه
واهما عندهم زواره رسميه كل يوم جمعه مالي خلق سراحه

انا ودي اعتني فيه وبس مالي خلق رسميات وعوار راس ولويه وتوجيبات

نظامي كلش مو جذي
شلون بنات
عادي ما انزل لهم يوميا؟ والا فشله وتنصحوني اسكن معاهم واالا اطلب سكن بروحي ؟؟

 

[@ام ضاري@]

رد : بنات تعبانه واللي يعافيكم لاطنشوني

مبرووك حبيبتي والله يوفقج يارب

توج لا تستعجلين خليج طبيعيه عاديه ودام بتزوجين اكيد بتكونين قد المسؤاليه ان شاءالله

والحموله بصوووب والرجال بصوووب

يعني اهم ماعليج رجلج بعدين امه لاكسبتيهم خلاص مالج في خواته حتى لو عووب

ويوم الجمعه رسمي عندهم عادي باجر اتعودين جمعه لهلج وجمعه لهم عشان تختصرين الموضوع

وبالتوفيق عسل

 

[هيبة ملك]

حبيبتي شعورج طبيعي جدا كلنا مرينا بهالشئ

ياقلبي بيتكم غير وحمولتج غير ضروري تغيرين من نفسج

وتعرفين المواجيب وتقدرين تتحملين مسؤلية زوجج وأهله

بالنسبة لخواته مالج شغل فيهم ولاتسمعين كلام الناس يمكن يهلوون

بعدين خليج رسمية مع الكل وتعاملي معهم باحترام وبرسمية

ولما تجين بيتهم وتشوفين حياتهم وقتها تقررين شنو بتسوين تنزلن ماتنزلين أنت وقتها أدرى

غالبا لاتكثرين القعدة تحت عشان الناس تاخذ راحتها وأنت بعد

وإن شاءالله توفقين ياقلبي ويكونون زينين معاج وأنت بعد تكونين زينه معاهم

 

[نور الكوثر]

خلج عاديه وحاولي تكسبينهم وقعدتج باليوم ساعه ساعتين بالكثير وصعدي فوق لا تكثرين معاهم ولا تعودينهم على انهم يدخلون واذا طلعتي او بتطلعين مو لازم تقولين لهم وين رايحه وراده بس زوجج تقوليله

 

[& مــشــايــخ &]

باجر يصير لج خلق لاحبيتيه وعشتي عندهم اكسبيهم بالطيب مالج شغل بكلام الناس ترا ياما ظلمو هالناس

 

[طواري لـ((العنقا))ـيل]

تبين نصيحتي ؟؟؟



مادامج عرفتي انهم عوب وتوج على البر


وتقدرين تطلبين سكن خاص فيج اجل اطلبي شقه ابروحج


لان الخواااااااااااااااااات خاصه اذا عوب بيطلعون عينج واسألي مجرب
حتى لو كنتي طيبه وحبوبه بيحبونج شهر شهرين بعدين لا طار فيج الرجال بيقلبون عليج وطبعا هذا من الغيره والعوابه

قسم بالله ماودي اكتب لج او اخرعج لكن والله العظيم اني متندمه قد شعر راسي لاني حرصوني من خواته بس ماصدقت وقلت بكسبهم بطيبتي
وطـــــــــل كسبتهم بعدين اقلبو علي خاصه اذا انتي كشيخـــــه وستايلج يعطي هيبه لا جيتي
يعني تروحين فيها حتى هدوءج وعقلج يفسرونه غرور


الله يوفقج وقسم بالله نصحتج كأنج اخت لي


اما اذا ماقدرتي تطلعين فقولي له من البدايه انا خايفه من خواتك واتمنى مايتدخل احد بينا وخصوصياتنا بينا ..

 

[Far away]

رد : بنات تعبانه واللي يعافيكم لاطنشوني

الا حمواتك خلك رسميه معهم ولا تاخذيين راحتك بالكلام معاهم والله يمسكوون عليك شي تروحيين فيها
أسألي مجرب ..
مو لازم تنزلييين كل يووم لا وشدعوه ..تعذريلك بأي شي
وعووب بعد اللله يعينك ..

 

[كويتيه مذهله 87]

مثلي انتي بالضبط

قبل كنت انزل بس يوم الجمعه الي حتي الجمعه ما انزل لان يصادف زواره اهلي

خليج طبيعيه لا تجاملين مدام يدخلون فيج

 

[فاقده ابوهاااا]

من حقج تسكنين بشقه بروحج ولا هو حرام ولا عيب واذا مو مرتاحه لا تقامرين سأليني انا مهما كانوا يحبونج او تحبينهم لازم في يوم وتختلفون على اي شي يا معوده الحين الخوات يتناجرون اذا كانوا بغرفه وحده فمابالج انتي وحمواتج وخالتج وااااااااااااي ناااار وشرار بعيد الشر

 

[الغاليه نونو]

شوفي يمه انتي ليما الحين مادخلتي بيت الحموله ليش متشاءمه لي هالدرجه؟؟؟؟؟ عن الله السعه يابنيتي خليج سمحه وحبوبه مع الكل والمثل يقووووول
لي حبتك عيني ماظامك الدهر اشدعوه انتي داشه علي علي عصاابه كل هالخوف ماله داعي


ريلج تقومين بواجبه وتحشمين نفسج واميمته تحترمينها وخواته اكسبيهم بصفج بالطيب والكلمه الحلوه بتدشين بيتهم يعني بتصيرين بنت من بناتهم موماكلينج وماعليج من كلام الناس يخرعونج ويخلونج تصيرين شينه بعيون حمولتج

لي حبيتي ريلج امه بتطير فيج من الوناسه ون حبيتي الخاله الريل بيحطج علي راسه ون صرتي زينه مع حمواتج الكل بيحبج ويحترمج

معادله سهله ان بغيتي حياتج سهله ومريحه بيدج الحل والدوا عندج ون بغيتيها نشبه ومشاكل بعسارتج تشبين الضو

وانتي عقلج براسج وتعرفين خلاصج يمه

 

[انا مو هني]

رد : بنات تعبانه واللي يعافيكم لاطنشوني

كوني رسميه وقليله كلام طلعي وروحي وردي قعدي بشقتج بس لازم تمرين تقعدين عندهم بالكثير ساعه ويوم اليمعه لازم توجبين وتقعدين كلنا عندنه يمعات اهل زوج وهمن اهلنا والايام الثانيا كيفج

 

[دلوشه]

عادي حبيبتي

مو لازم تنزلين كل يوم !!

اهم شي تنزلين تسلمين على خالتج وخلاص

ويوم الجمعه راح تتعودين عليه

وخليج على طبيعتج باللبس و الكشخه مو لازم تكشخين وايد عشان يعجبهم اهم شي راحتج

وبالتوفيق

 

[So MuCh PaIn]

رد : بنات تعبانه واللي يعافيكم لاطنشوني

الله يوفقج انشالله
لا تصدقين اللي تسمعينه لانه غالبا يكون عكس الحقيقة عالعموم خلج عادية معاهم اخذي واعطي معاهم بحدود
ودام عندج شقة و مدخل خاص فيج تمام ماله داعي السكن الخاص
واذا عالنزله نزلي من البداية لازم تعودينهم يعني نزلي ساعة كافي وردي شقتج , انا انزل على دفعات اقعد بو ربع ساعه او نص ساعه وارد شقتي بين جم ساعة وساعة باليوم عرفتي
وعلى زوارة اليمعة بعد شتسويين لازم تلتزمين فيها بس مو طول اليوم تجابليهم انا عن نفسي لو صارت يمعة فبيت اهل ريلي انزل شوي وارجع شقتي شوي وارد انزل يعني مو طول الوقت تحت
الله يسهلج انشالله

 

[!الجادل الصعب!]

رد : بنات تعبانه واللي يعافيكم لاطنشوني

من نآحية خواته صيري رسميه .. والله بعينج ان شالله عليهم ..

آما الجمعات بكره بتستانسين عليها وتشفقين عليها وعلى التشكخ فيها .. بالعكس يا حلو الجمعآت الحلوه ..

وزين ان عندهم زوآره رسميه .. عشان اذا ماتنزلين عـ الاقل تبينين شوي ..

 

[بنت المناصير]

رد : بنات تعبانه واللي يعافيكم لاطنشوني

مبروووووووك خلي علاقتج معاهم سطحيه اذا جذيه ومن حقج تطلبين سكن لحالج وموفقه

 

[مدام زيزو]

رد : بنات تعبانه واللي يعافيكم لاطنشوني

لازم تتعودين حبيبتي على الكشخه والرزه انتي عروس وحاولي تتحاشين تسولفين عن نفسج جدام حمواتج لين تعرفينهم عدل

 

[مهفهفة]

شعورج بالخوف طبيعي

لانه شي مجهول وغيبي وحياة يديدة

وطبيعي بحبتين لانه الي متعود عالحرية ببيت اهله يخاف انه يفقدها بحياته اليديدة

وباجي الامور تو الناس عليها لا تاخذين من الحين انطباع لي عاشرتهم ببين

لكل حادث حديث

 

[همس الجــليــد]

رد : بنات تعبانه واللي يعافيكم لاطنشوني

اول شئ حياتي اذا حبج زوجج يطير فيج لسابع سما واذا انتي متاكده من اللي سمعتيه ان حماتج عوب خليج رسميه معاهم من اول شئ
واذا صار لج موقف وياهم بكل هدوء من غير مشاكل قولي حق زوجج بس قوليله انا راح اتحملهم علشانك حاااولي تفهمينه مو يروح
ياخذ حقج مو حلوه بحقج تصير مشاكل مالها اول وتالي ترا الدنيا ماتسوي اول وتالي هم عمات عيالج بالمستقبل قووليله للعلم فــــــــقط
علشان لسمح الله بدو يحشون فيج عنده يعرف هم منو ونتي منو
(( ادري قرقت عليج وايد ))

:s142::s142:

 

[اشتياق]

الرسميه تنفع بهالامور..

 

[dectora 7elwa]

العوبه اللي قالتلج انهم عوب
من حجالج يحجي فيك