بنات تكفون أعاني من panic attack أو نوبات الفزع أبي علاج :(

[وردة الدوحه]

بسم الله الرحمن الرحيم



السلام عليكم يا أحلى بنات


أولا الله يحفظكم من الشر وان شالله ماتشوفونه

أقولكم بصراحه أنا لو يخيروني بين مرض عضوي أو مرض نفسي راح أختار العضوي بالرااااحه لأني تعبت تعبت تعب تعبببببببببببببببببببت

صارلي تقريبا 3 سنين ونص أعاني من نوبات الفزع اللي هي وانتي قاعده في أي مكان وبالاخص اذا كان مكان مضطره أروحه أو فيه جموع من الناس مثل: الفصل الدراسي بالجامعه أو موعد في المستشفى أو في الجمعيه أو في عرس.. فجأه تصيدني ضييييييييقه خانقه قوووووويه وتعرق وخووف وفزع كأني بموووت ورغبه في الذهاب للحمام ..قسما بالله ومايروح مني الا لما اطلع من المكان أو أرجع البيت !!
لجأت للطبيب العام وصف لي حبوب تركلس الاعصاب اسمها ( سيبريلاكس ) 10 مللي .. داومت عليها مع الصلاه طبعا وقراءه سورة البقره بانتظام طبعا هالكلام قبل لا اتزوج ..
من أول ما ملجت وعرست خفت علي الاعرااااض واااااايد بس قامت تجيني النوبه مره في ال8 شهوور..
ألحين صارلي شهر ونص تقريبا جاتني النوبه فيها 4 مرات مره كنت في عرس مع مرت حماي قعد ساعه وعقب ماقدرت استحمل حبست نفسي في الحمام واتصلت بزوجي يمرني بسررررعه ..المره الثانيه مع زوجي كنا طالعين المره الثالثه في بيت اختي الجديد توها ساكنته والرابعه اليوم في بيت صديقتي :eh_s(11)::eh_s(11)::eh_s(11):
حاالتي النفسيه زفت من هالمووضوع تعبت منه واللله شالحل ..يقولون الاكتئاب مرض هالعصر وفعلا وايد ناس يعانون منه بس كيف الخلاص ابي حل ..
مالي غيركم من بعد الله
حابه اذكر بعد انها تجيني ضيقه مخففه كل ماركبت سيارتي أو سيارة زوجي أو سيارة بيت أهلي وبعد اذا صادني اليوووع
وهل البنادول نايت يأثر سلبا على حالتي لاني مدمنته !
وهل السيبريلاكس يسبب كسل وخمول لاني اعاني من خمول لدرجه اني ماقدر اقوم من النوم قبل اذان الظهر ومالي خلق وايد حق ولدي
وبليز لا احد يرد الا شخص يفهم في هالمواضيع أو ماره عليه ..
واللي اول مره يسمع في هالمووضوع ابي منه دعاء في ظهر الغيب بس (((((((

 

[المهفة]

الله يشفيج من كل شر حبيبتى أنا ماعندى فكره عن مرضج بس دخلت لما عرفت انج تستعملين سيبريلاكس وهذا أبدا مو علاج لحالتج واللى اعرفه انه للعضلات وماتشوفين شر

 

[وردة الدوحه]

thanx 7iaty elshar ma yjeej

 

[وردة الدوحه]

ma3gol ma 7ad 3ndh fkrah ???

 

[rosegold]

أسأل الله العظيم رب العرش العظيم أن يشفيج

 

[Olaa]

حبيبتي وردة الدوحة

اول شي بتكلم عن بنادول نايت أكبر غلط إدمانه....إنتي ما تدرين إن هالمسكنات البندول و البروفين و المسكنات بشكل عام
تسبب فشل كلوي....
و ما أدراك من الفشل الكلوي....الله لا يذوقه مسلم !!

فأرجوك ترمين السم هذا بندول نايت في الزباله وتنقذين نفسك وفكري في مستقبلج وضناج....

الشي الثاني الدوا النفسي ((سيبرلكس )).....هو بالفعل علاج لكن له أثار جانبيه....يعني هالادويه تسبب الادمان والتعود عليه.

ثانياً هذا الدوا بالذات يسبب تبلد في المشاعر لدى البعض....يعني الانسان يفقد أحساسه ....إن فرحو الناس ما فرح....إن صار موقف يزعل ما يحس ولا تنزل منه دمعه....
هذا هو تبلد المشاعر... يعني كأنه حجر مو أدمي...أعرف وحده تعالجت به وتقول لي ودي احس مثل الناس مو قادره....
بس الدواء النفسي لا توقفينه من نفسج الا بعد إستشارة الطبيب المعالج !!

أنا أنصحج بالعلاج النفسي السلوكي ....يعني تروحين لطبيب نفسي شاطر وتسوين جلسات علاج..
كذلك العلاج بالطاقة وتعزيز الطاقة الايجابية في الانسان

الرقية الشرعية لا تتركينها وشرب ماء زمزم بارد

وكذلك الاستحمام بالماء البارد

قال سبحانه وتعالى:

((اذْكُرْ عَبْدَنَا أَيُّوبَ إِذْ نَادَى رَبَّهُ أَنِّي مَسَّنِيَ الشَّيْطَانُ بِنُصْبٍ وَعَذَابٍ * ارْكُضْ بِرِجْلِكَ هَذَا مُغْتَسَلٌ بَارِدٌ وَشَرَابٌ ))

طبعاً تعرفين قصة النبي أيوب والمرض اللي مر فيه والمصائب اللي مرت عليه...

تمنياتي لك بالشفاء والصحة والعافية :eh_s(17):

 

[وردة الدوحه]

^ ^ ^ ^

تسلمين حبيبتي

فعلا لجأت للطب النفسي أخيرا

وعطاني علاج رائع

(سيروكسات)

حسيت ردت فيني الروح

وصرت اقدر اعاشر الناس اكثر

وخفت ضيقة الصدر بنسبه كبيررره

اللهم لك الحمد والشكر

صج تجيني نوبات بس اقل ب70 بالمئه من قبل

خير ونعمه

تسلمين حياتي وراح اخذ نصايحج بعين الاعتبار اكيد

 

[الريمـ اللعوبـ]

حبيبتي ماتشوفين شر
وثاني شي انا كنت اعاني نفسج بالضبط والله حسيت ان حباتي انتهت كل شي سويته مشايخ واطباءنفسيين
والله محد نفعني غييييير نفسي صرت قويه من داخلي وعالجت نفسي بنفسي وهذا اللي مفروض انتي تسوينه
وانا النوبه تجيني لكن اقل اقل من اول بدون ادويه ولا علاجات ولا اي شي الحمدلله
عسئ ربي يشافيج ويشافيني