بنات تكفون ابي اسألكم؟؟

[غلاوي النادر]

السلام عليكم بنات شخباركم​

انا كل مره اروح الامارات بس مدينه الثلج وبرج العرب والبوم بس ابي اسألكم عن اماكن بالامارات حلوه لان هالامره على السفر وودي يذكرها السفر عفيا بنات ردوا علي قبل 28/7 وشنو فندق حلو غير سلسله فلورا واكون شاكره لكم:080402ask_prv:

 

[جلاديلياس]

حبيبتي عندج فندق جراند حياة واايد حلو فورمنت - ذا أدرس

 

[بوسيcat]

شوفي تقريري انا توني يايه وقعدت بهوليدي ان البرشا خذيت سويت وسعره معقول تابعي تقريري تعرفين كل شي حبيبتي
الله يوفقج

 

[العز بنت ابوها]

فندق دوست دبي

بشارع الشيخ زايد

صورة مدخل الفندق و الرسبشن

بصراحة هالفندق حده رااااااااااااقي


لما رحنا احذنا جناحين بصراحة نظيف ورووووعة

انا وخواتي جناح فيه غرفتين نوم ومطبخ تحضيري مجهز بكل شيء حتى المواعين فيه

وصالة وطاولة طعام .. وانتي بكرامة حمامين

وكل ماطلعنا وحطينا علامة التنظيف على الباب

لما نرجع نلقى الجناح بعد مانظفوا ورتبوا يحطون على كل طاولة وردة وكاكاو باتشي

بصراحة راقي بكل ماتحويه الكلمة من معنى

 

[بوسيcat]

هذا الفندق كذا واحد امدحه حق ريلي يقولون راقي بس انا لما شفت الصور بالتصوير الشخصي ترددت حسيت جنه شاليه
بس مادري ماقدر احكم الكل يمدحه بس اهم شي الواحد يشوف الصور من تصوير البنات الصور اللي بالمواقع ماتحكم
وهو فندق عالطريقة التايلندية

 

[غلاوي النادر]

مشكورين بنات الله يعطيكم العافيه على ردودكم حياتو بوسي كات انا توني شفت تقريرج الله يعطيج العافيه والحمدلله على السلامه يالغاليه