بنات تكفون دشو امي كلش تبجي من العوار واللي تلقالي حل دعوه حرمه كبيره لها مستجابه

[خمريه حلوه]

بنات شلونكم عهدي الوالده تعبانه حيل وامي حرمه كبيره وظهرهاا عوار كل صوب العزيزو وانتو بكرامه وناس وصونو ع حرمه اسمها ام احمد بالعدان تعالج بالاعشاب والحمدالله من الله ثم من هالحرمه لكن الحرمه عاذي صارت ماتعالج مادري ليش فجاه الله يخليكم دولني علي اي احد يعالج الظهر الله يخليكم انتو تعرفون المستشفيات شسون بالظهر تكفون شلون انغذوني

 

[قاهره عذالي]

دام العظام والظهر يعورها


يعني احتمال ديسك بعيد الشر

خليها تسوي تحليل فيتامين دال وتروح طبيب عظام

ع الاقل اشاعه او روحي عياده خاصه بس يسوون كشف لحالتها دام ما تبين علاجهم

 

[مسك أبيض]

لازم تروح المستشفى طبيب عظام تسوي اشعه
ماتشوف شر الوالدة الله يشفيها يارب

 

[مسك أبيض]

اذا لا سمح الله الله لايقوله ديسك اسأليني اي سؤال انا حاضرة لان انا صغيرة بالعمر بس فيني ديسك الحمدلله على كل حال

 

[futooosh]

الله يشفي الوالده
خل تروح مستشفى السلام وتسوي اشعة الاماراي هذي اشعه مقطعيه تبين كل تفاصيل الجسم الدقيقه

 

[متواضعة]

حبيبتي لازم اتعرفين سبب الم اول

يمكن ديسك يمكن شي ثاني اسم الله عليها


شخصوو اول المرض وبعدين استعيني بالاعشاب

ماعليها الا العافيه الله يشااافيها حبيبتي ويشافي مرضانا ومرضى المسلمين

 

[زهقآنه]

الله يشفيها ويخليها لكم
وديها للدكتور سامي الحربي الله يوفقه هالدكتور امي كانت ماتمشي. عوار بظهرها ورجولها وبل مان وحالتها حاله بس عالسرير وتتعب من خطوه للحمام وتتوجع تقطع قلوبنا. وياربي لك الحمد الحين تمشي. بعصايه ولله الحمد من فضل ربي وثم هالدكتور

 

[خمريه حلوه]

السلام عليكم بنات شلونكم

بلنسبه للوالده سوت اشعه الاماري اللي هي اسمهاا الدنيني وطلع معاهاا الديسك الرابعه والخامسه والله تعبت وين اوديهاا كل ماتمشي او تحرك يعورهاا واللحين صادلنا سنتين ع هالحاله بنات تكفون امي حرمه كبيره تقطع قلبي لمن تبجي منه تكفون الحل.........................

 

[رمادية الهوى]

الله يشفيهها ويعافيها ويشفي كل مريض ياارب

ان شاءالله البنات يفيدونك اكثرر

 

[floor]

الله يشفيها وكل مريض جربي وديها للدكتور اللي مدحته الاخت والله كريم
ماتشوف شر

 

[$قطوه$]

الله يشافيها لج

دهني ظهرها زيت زيتون حار وخليها تشرب حلبه وحليب زين للعظام

الله يقومها بالسلامه

 

[القمح_المبرعم]

لو تمشي لو عشر دقايق يوميا
حيييل مفيد للظهر
مع دهان زيت زيتون مقري عليه
وكل أسبوع تزيد مدة المشي
ليما يصير ساعة
مع نظام أكل صحي

طمنينيا عليها وما تشوف شر

 

[princess meriam]

زيت زيتون دافى وتدلكلها ظهرها بيييه

ومجموعه زيوت تخلطيها على بعض مع الاستمرار وهتلاقى نتيجة باذن الله جمييله جداا
زيت نعناع زيت كافور زيت حبه البركه زيت الخردل زيت الزيتون

مع التدليك الزيوت دى مش تدفى زيت الزيتون لوحدوا بس ولازم تدفى بعد التدليك وترتاح ع ظهرها

وربى يشفيها يااااااااااااارب ويخفف عنها ومرضى المسلمين
​

 

[princess]

حبيبتي انا كان عندي ديسك ة اخر مرحله وكنت ما اقدر امشي و ما خليت علاج طبيعي دكتور كل ش طبعا كله خرابيط بس دفع فلوس
بس الحمدالله الله ةفقني بدكتةر عنده ضمير الحين لي سنتين و العب رياضه و اروح و ارد
و معظم الي يسون العمليه عنده كبار فالسن و هي ليزر على كل حال اذا تبين معلومات كلميني

 

[سمو الغلآ]

جربي تسوي علاج طبيعي

وهم العلاج بالكي ابحثيي بقوقل عن الدسك والكي وشوفي

 

[Lameez]

حبيبتي انتي اول شي وديها عند دكتور عظام وعرفي السبب... ثانيا اذا تقدر تسافر الهند في هناك علاج طبيعي اسمه الايورفيدا اقري عنه وسألي طبيبها ... انا عرفت الايورفيدا من طبيب هندي... ابوي الله يرحمة يت قعد سنتين بالفراش قبل لا يتوفى وكان يحتاج علاج طبيعي بس اللي كانوا ييون يعالجونه كانوا يتعبونه اكثر.. لغاية ما دكتور هندي نصحنا بواحد يعالج بالايورفيدا... انا حاليا موجودة بالهند في مركز ايورفيدا وصاحبة المكان طبيبة ايورفيدا وتدرس بالجامعة... ما تشوف شر

 

[فديت الريم]

ماتشوف شر الوالده
في دكتور هندي اسمه دكتور ناث بعيادة الضامر اللي بالجهرا هذا يجونه من المنطقه العاشره ومن السعوديه ومن كل مكان دكتور حيل شاطر وفاهم وديتله بنتي كان فيها خلع بالورك وبالرازي موعارفين شيسوون لها ورحت له الحمدلله مراجعات وتدليك طبيعي بفضل الله ثم هالدكتور تشافت بنيتي من غير عمليه
وفي عجوز كانت تراجعه بدراجه خلصت مراجعتها صارت تمشي ع رجولها ماشالله دكتور صج فاهم وشاطر انصحج تودين امج عنده يمكن يعرف حالتها

 

[^كويتية^]

ربي يشافيها ويعافيها ويطمن قلوبكم عليها

 

[بـ سـ كـ وتـ ة]

للأسف ما أعرف دكاترة

بس في دكتور عالانستجرام قال معلومة وايد مهمة

يقول إن شرب الماي ممكن يقلل وايد من ألم الظهر

بحاول أطلع لج المعلومة بالضبط وأحطها لج وان شالله تفيدج

وما تشوف شر الوالدة الله يقومها بالسلامة ويوفقج على برج فيها يا رب ويعطيج عيال بارين فيج وفي أبوهم

 

[بـ سـ كـ وتـ ة]

واحنا للأسف نستهين بشرب الماي

والدكتور عنده نصايح وايد وتمارين لتقوية الظهر وعلاج وايد حالات

بصراحة ما أعرف أحد تعالج عنده ولا أعرفه شخصيا أصلا أول مرة أسمع عنه كانت عالانستجرام

بس أشوف الناس وايد يحبونه ويتفاعلون معاه

ما تدرين يمكن يكون سبب في شفائها