بنات تكفون دشي مو قادره اوقف من البجي

[Seriously!!]

السلام عليكم
بنات تكفون ساعدوني تحطمت نفسيتي حيييل
ومو قادره اوقف من البجي
بنات ادري موضوعي ماله خص بهالقسم بس انا ابي افضفض لكم انتو
انا حيل حيل متضايقه بشكل ماتتصورونه!
بنات انا من النوع المتفوق في المدرسه ماكنت ادرس وكنت اخذ اعلى النتايج والله
وكنت ادري لو درست باكون الاولى على فصلي!.. هالسنه انا ثالثه ثانوي
شديت حيلي! بس مو ذاك الزود يعني على حد مقدرتي وطلعت الثانيه على الفصل
خذت 84% وكان المنهج حيل صعب
هالفصل الثاني حيل حيل حيل شديت حيلي وهم خذت الثانيه على الفصل
خذت 88% بنات درجاتي كلها Full marks ماعدا مادتين خربو علي
ابوي كان يبيني اخذ 90 ووفوق! وكل يوم يقارني بعيال ربعه وجي ويقولي ماخذين 95
بنات والله المتفوقين فـ مدارسنا الحين ياخذون 70 ومن هالدرجات
انا من خذت الشهاده من الوناسه ماخفت من العين امشي واقول درجتي
والبنات حيييل حيييل يباركونلي ومستانسين لي والله كنت احس اني بطير
حتى كلهم يسئلوني شلون تدرسين؟ ومن هالكلام
رجعت البيت..تدرون شنو ردت فعلهم؟
زفوني وشرشحوني وماعجبهم
تهاوشت مع امي وكان ابوي مواعدني بمكافاه ماديه 200 دينار وفوق اذا خذت 90
تخيلو قال لي خلاص بعطيج 70 تستاهلين والفرق درجتين
امي قالت انا بنظري ماتستاهل نص دينار يايبه هالدرجه وبعد تطول لسانها؟
رحت فوق داري وقمت ابجي
واليوم يوم داومت كنت حيل متضايقه امي كلمتني الصبح بس مو لدرجه اني اقولها الله يسامحج وضايقتنيي! يعني كلمتني بس بنفسيه..فـ المدرسه الكل الكل يبي يعرف ردت فعل اهلي على نتايجي الحلوه
رفيجتي ماخذه 70 وعليها مادتين امها لمتها حيل وقالتلها عادي حبيبتي ادري انج شاده حيلج>هي فعلا شاده حيلها وكان عليها 4 مواد
الثانيه خذت 75 قالولها اهلها والله لو احنا منج بنطير من الوناسه
واللي يباركون والي والي ..يابنات كلهم تحت الـ75 وانا خذت 88 وجي
لما قتلهم انصدمو قالو امج وابوج ماعندهم سالفه انتي حيل شاده حيلج نتمنى درجتج ونتمنى اااخ يابنات..رديت اليبيت قيلت ومن شوي قمت ضيقه يابنات ضيقه مو طبيعيه ابجي ابجي ابجي
بنات ليش يحطموني؟
لما قلتلهم كني قايله اني كفرت واللله لاتشوفون ويوهم ابوي كان شوي ويتفل بويهي والله يابنات بس لما شافني عصبت قال معليه تستاهل 70 دينار
والله هالفصل كلش مادرست وكنت مقرره ابدا من اليوم
واحس كلش نفسيتي متحطمه ومو مستعده ادرس نهايا
بنات تكفون والله متضايقه
الحين ابي ارد الـ70 لبوي ابي ابجي ابي احسسهم بالذنب بس هم دمعتي عندهم حيل رخيصه والله
بنات شهالدراسه كل يقولون شدي شدي شدي حيلج شهالحيييييييييييييل اللي ماينقطع
قسم بالله تعبت كان عندي طموحات الدنيا لاني دوم متفوقه
ابي ادرس برع او على الاقل الجامعه اللي ابيها
ابي اصير وابي اصير
اخر شي! مافي دراسه برع
ومافي الجامعه اللي تبينها
مافي الا جامعه وحده !! راح تدشينها غصبن عنج ماعندنا بنات يدرسون اختلاط

هاذي الله يفرجها بس انا خايفه اخبصها هالسنه بسبت نفسييتي
وااي بنات مو عارفه شاخور بس خلاص والله مو قادره قلبي يعورني من البجي

 

[خالف تعرف]

غريبين عجيبين هالاهل الدراسه عيل هذي حق شنو لا دشي المجال الي يعجبج حني عليهم

 

[برد ابو الذهب]

بعد عمري انتي الله يوفقج وتوصلين اعلى المراكز
تأكدي ياعيوني انهم يبي يشدون عليج عشانج وعشان تجيبن اكثر وتفوقين اكثر ولاهمال من داخل اكييييييد فخوريبن فيج
بالعكس هذا دافع عشات تثبتين لهم انج قااااادره وعندج اراده
ياليييييييت انا اهلي كانوا وراي جذي عادي نقعت بالثانويه واخرها ملوا وزوجوني
والحين اقول ياليت كملت دراستي
وتأكدي بالنهايه الشهاده مستقبل لج مولهم

 

[جديده 1]

رد : بنات تكفون دشي مو قادره اوقف من البجي

عادي ياحبيبتي كنا قبلج .. ادري ماراح تصدقيني ولا تستوعبين اللي بقوله لاني كنت مثلج .. و لكن لما كبرت فهمت ان اهم قصدهم يبون مصلحتي و لكن تعبيرهم يكون بشكل جدي و ناس وايد مايعرفون يعبرون باللين فهم قصدهم مصلتج والله .. و بيني وبينج اصلاً المفروض انتي تشدين حيلج لنفسج وبس لانه مستقبلج و محد نافعج والله .. شدي حيلج مابقى شي حبوبه و تفتكين لان دراسه الجامعه يمكن فيها مواد اصعب بس نظامها اريح من المدرسه الف مره لان كل ماده تقدرين تعطينها حقها بالدراسه بكل اريحيه مو المدرسه اللي كلها حشو و المواد و الاختبارات ورى بعض .. شدي حيلج و تخرجي .. بس هاه لا نجحتي ان شاء الله حطي موضوع نبي نفرح فيج ^_^

 

[Laidy n3ooma]

رد : بنات تكفون دشي مو قادره اوقف من البجي

معليييييه هم يبونج دووووم متفوووقه

شتسوين بعد الاهل جذي .. عيل على ايام الثانويه كانت معانا وحده يايبه فالتسعين يمكن 90 او 91 جذي .. قعدت اتصييح @@

ولما ركبت السياره طبعا ابوها شاق الحلج عباله ماخذه توووب ... والله مانجووف الا وهو يحرك يده فالسياره وشكله يصارخ ومعصبببب بس مانسمعه شيقووول

اكييييد مب عاجبته الدرجه .. في ابهات جذي مايعجبهم شي ..

حمدي ربج ابوج عطاج 70 .. وهاي دليل على انه مستانس بس كان متووووقع منج اكثر .. ترا دوووم يبونا نكون متفوقين بس احنا نتحسس ..

درسي دروسج اول باول .. والاسئله اللي تحسينها صعبه كتبيها فورقه وصمي اجاباتها صم .. وعقب يوم جذي حلي السوال هاي الطريقه بتثب الاجوبه فبالج ..

درسي الكتاب مرتييين ثلاثه .. ادري ضغغغغط مو طبيعي .. بس شتسوين بتفتكين عقب وفرحه الشهاده خصوصا بتفوووووووووق شي ماينوصف .. ولما يشغلون لج وحياه البي وافراحوو لووووووووووول .. والله شعووور غريب مابتحسين فيه الا لما اتخرجين

 

[*مناوى*]

رد : بنات تكفون دشي مو قادره اوقف من البجي

حبيبتي الاهل اكيد يدورون مصلحتج لان بالاخير هذي شهادتج ولازم اتشدين حيلج عشان تجيبين النسبه العاليه وادشين الكليه اللي

تبينها لا اضايقين روحج وهدي بالج ..

أذكر كانت وحده معانا أيام المتوسطه جابت 98 وزعلانه وتبجي وكنا نضحك عليها لان محنا عارفين وقتها وكنا اصغار بس الحين لما كبرنا

فهمنا كانت تقول اهلي بيزعلون منى وماشاءالله عليها كانت حريصه على النسبه بس أكيد هالخوف من الاهل والحرص على رضاهم

جابلها نتيجه بالاخير ,,

وعسى الله يوفقج يارب

 

[bambena]

يبون مصلحتج

 

[BiiShOoO]

يبون مصلحتج ترا

 

[lady angel]

اول شي الله يوفقج واتيبين اعلى

بس والله يبون مصلحتج وترفعين نسبتج عشان اتيبين
نسبه واااايد زينه حق الجامعه وادشين المكان اللي تبينه
بس قاعدين يخوفونج عشان ترفعين معدلج


وموفقه حبيبتي

 

[المرتاحة]

شوفي حبيبتي

حطي في بالج اول شي انج قاعده تدرسين علشان تنفعين نفسج و تتوسع مداركج و مخج يتوسع من العلم و مو قاعده تدرسين علشان ابوج يعطيج 200 او علشان امج تفرح و تيبب لج

وبعدين صدقيني امج و ابوج شدو معاج لانهم يبون مصلحتج

تعوذي من ابليس وخلي هدفج من الدراسه هو انتي اول انتي اول انتي اول بعدين اهلج بس تبرمجين نفسج على هالشي محد عقبها يقدر يحطمج اصلا بالعكس هالشي راح يزيدج اصرار انج تشدين حيلج و تدرسين اكثر من اول


اقري عن حياة العلماء القدماء مثل الرازي و ابن سينا اشلون يقضون وقتهم بالتعلم و البحوث لين صاروا علماء معروفين كل من ياخذ من علومهم حتى الغرب و الاروبيين استفادوا من علومهم

والله يوفقج يا رب ولا تنسين بكل صلاة تدعين الله انه يوفقج ويسهل عليج

 

[حبي حبيبي]

انا كنت نفسج

كان مستواي مايقل عن 88 87 بالثنوي

ويبوني اييب امتياااز
ولما يبت 92 ماعجبهم يبون اكثر

هذول الاهل يبون يشوفون عيالهم احسن الناس دايما​

 

[محرومة من الحب]

شالاهل الي يبون كل شي بيرفكت ماعليج منهم يبااااااااااا

انتي تشدين حيلج لج انتي حق نفسج وبسسسسسسس

ومحد بينفعج باجر الا نفسسسج ..

شدي حيلج واذا يبتي درجة حلوة كافي نفسج عليها بدون لا تنطرين مكافات منهم

طلعي واستانسي بلا هم بلا وجع قلب

 

[زوجة عزيز]

رد : بنات تكفون دشي مو قادره اوقف من البجي

اهلج يبون مصلحتج والحمدلله اللي عندج اهل جذي الله يخليهم لج ويخليج لهم ويفرحهم فيج حبيبتي قولي الحمدلله انا اهلي حتى المدرسه طلعوني منها وانتي لا تتعبين روحج اكثر من اللازم والله يوفقج ان شاء الله وتحصلين اعلى الدرجات ان شاء الله

 

[كويتية نايس]

رد : بنات تكفون دشي مو قادره اوقف من البجي

الله يوفقج ونسبتج حلوى لولا امج وابوج وحرصهم جان ماجبتي نتيجه حلوة الله يوفقج ويجيبلج الي تتمنينا

 

[روح الغلآ]

رد: رد : بنات تكفون دشي مو قادره اوقف من البجي

الف الف مبرووووووووو هم يبونك تشدين حيلك اكثر وبالتوفيق ووووووك حبيبتي وصدقيني ياقلبي اهلك حريصين عليك ويحبونك

















الف ا
الف الف مبروك حبيبتي اهلك يحبونك وحريصين عليك صدقيني بلاش البكي وانبسطي بنتيجتك وعقبال الدكتوراه

 

[رومنسيه بس دلوعه]

حبيبتي انتي شاطره اسم الله عليج
وعادي وححده كانت معانا قبل بالابتداىي تجيب الاولى عالدفعه ونقولها وين امج تقول امي بالبيت نقولها ليش ماتجي المدرسه مع الامهات ؟؟؟تقول عادي امي وابوي مايهمهم ... حرام كسرت خاطري
وانتي اهلج ماشاءلله اللي لاحظته انهم مهتمين فيح ومشجعينج بس تعوذي من بليس