بنات تكفون ساعدوني بحول من القطاع الخاص الى الحكومه؟!!

[بدويه دلوووعه]

السلام عليكم وحمة الله وبركاته ...
يعطيكم العافيه بنات , انا موظفه بالقطاع الخاص من سنة 2008 وحاليا بحول للحكـــــومه !!


اللي تعرف شلون الطريقه ياليت تفيدني شلون؟! ولازم اقدم استقـالتي من الخاص واذا قدمت وبنطر اسمي بالديوان منين راح اصرف خلال هالفتره يعني راح ينقطع معاشي ويعطيكم الف عافيه ..

 

[frawlah_83]

اذا بتشتغلين في وزاره لازم تستقيلين وينسحب اسمج من التامينات ولي فتح التسجيل بالديوان سجلي ونطري عااد متى يطلع اسمج طبعا لازم تكونيين عامله حسابج وميمعتلج شوي طبعا اللحبن الديوان جنه يفتح وره العيد فماراح يمديج لو بتستقيلين ماتلحقييين على التسجيل فعندج التسجيل الياي شهر ٣ مني لي شهر ٢ يمعييلج مبلغ ادبرين في عمرج على مايطلع اسمج بس لازم تشووفين شروط الاستقاله في جهه عملج البعض يطلب منج تشتغلين مده قبل لاتمشين منهم

الحل الثاني تقدمين على الجهات الي توظيفها مو تبع الديوان ففي هالحاله تظلين في شغلج وكل ماشفتي اعلان من جهه قدمتي ومتى ماوافقوا عليج تستقيلين

 

[بدويه دلوووعه]

اذا بتشتغلين في وزاره لازم تستقيلين وينسحب اسمج من التامينات ولي فتح التسجيل بالديوان سجلي ونطري عااد متى يطلع اسمج طبعا لازم تكونيين عامله حسابج وميمعتلج شوي طبعا اللحبن الديوان جنه يفتح وره العيد فماراح يمديج لو بتستقيلين ماتلحقييين على التسجيل فعندج التسجيل الياي شهر ٣ مني لي شهر ٢ يمعييلج مبلغ ادبرين في عمرج على مايطلع اسمج بس لازم تشووفين شروط الاستقاله في جهه عملج البعض يطلب منج تشتغلين مده قبل لاتمشين منهم

الحل الثاني تقدمين على الجهات الي توظيفها مو تبع الديوان ففي هالحاله تظلين في شغلج وكل ماشفتي اعلان من جهه قدمتي ومتى ماوافقوا عليج تستقيلين

فديتج فرواله تسلمين ع الرد .. بس بسألج ماتدرين شكثر انطر على ما اتوظف؟ يعني جم شهر ويقبلوني الديوان لان مابي اطول خصوصا اني راح استقيل من الخاص يعني لازم اصرف خلال هالفتره ..

وسؤال ثاني اذا استقلت من الخاص ,يعطوني مكافأه نهايه خدمه والا لا؟؟

 

[frawlah_83]

والله انا مستقيله من شهر ٣ وسجلت بالديوان شهر ٧ وطلعلي ترشيح شهر ١٠ حق وزاره التربيه ورفضت واللحين رقمي رد قري لي السبعينات

تخصصي كان محاسبه ... اهو يعتمد شنو تخصصج وهل عادي عندج اي مكان ؟؟


بس انا كنت عاملع حسابي ورتبت اموري ووفرتلي شي يكفي على الاقل سنه لي جدام

اممم بالنسبه حق مكافه الخدمه تعتمد على جهه عملج لانج ماكملتي خمس سنين وفي بعضهم لازم تكملين ثلاث ... بس الاكيد يعطونج رصيد اجازاتج اذا كان عندج يعطونج اياه كاش .. بس لازم تشوفين جهه عملج شنو اجراءات الاستقاله وشكثر مده الاخطار البعض يطلب ٣ شهور ولازم تشتغلين فيهم انا يوم طلعت من البنك قالولي لازم ثلاث شهور او ادفعين لنا رواتب ثلاث شهور بس حاولت مني مناك معاهم لما وصلتها شهر ووافقلي المدير


انتي شوفي الاجراؤات وشوفي شكثر مده الاخطار ووفريلج شي *

 

[تفداج روحي]

حبيبتي
اول شي روحي التامينات سئليهم جم رصيد التأمينات مالج اللي كل شهر يستقطعونه منج؟؟
راح يبين معاهم جم لج وشكثر راح ينزلج كل شهر وعلي جم دفعه
لان ولد عمي لما قدم استقالته طلعله من التأمينات مبلغ حلو واهو قزر فيه لين توظف بس طبعا يكون علي دفعات شهريه

 

[frawlah_83]

حبيبتي
اول شي روحي التامينات سئليهم جم رصيد التأمينات مالج اللي كل شهر يستقطعونه منج؟؟
راح يبين معاهم جم لج وشكثر راح ينزلج كل شهر وعلي جم دفعه
لان ولد عمي لما قدم استقالته طلعله من التأمينات مبلغ حلو واهو قزر فيه لين توظف بس طبعا يكون علي دفعات شهريه

اي صح راحت عن بالي هالطريق نفس ماقالت تفداج روحي مبلغج الي متيمع بالتامينات اذا تبين يعطونج اياه على دفعات شهريه وبس تشتغلين تردين لهم المبلغ بدل لايستقطعون منج 8٪ اتصير نسبه اكثر عشان تسددين المستحقات او اذا ماتبين تردينهم عادي بس تبلشين من اول يديد وهالسنوات الي اشتغلتيها ماراح تحسبلج حق التقاعد

 

[بدويه دلوووعه]

...

 

[بدويه دلوووعه]

اوووووووووووووف والله نسدت بوجهي

السالفه طويله الله يعيني اقدم استقاله وانطر متى يطلع اسمي بالديوان وبعدها انطر متى اتوظف حرام عليهم والله...

بنات خلال فتره انتظاري للوظيفه الحكوميه مايعطوني بدل بطاله؟؟!

وسؤال ثاني تهقون الواسطه تنفع اني اتوظف بسرعه والا لا؟!

 

[frawlah_83]

يحقلج بدل البطاله اذا سجلتي بالديوان ومر عليج ٦ شهور وماترشحتي يعطونج

الواسطه بالديوان ماراح تسوي شي وحتى لو عنندج واسطه في وزاره وبتيبين كتاب ترشيح لازم يوصل ترتيبج ١ يالله تقدرين تستفيدين منه

اما بالاماكن الي ماتتبع توظيقها الديوان اي ممكن تمشي

بالنهايه كلها ارزاق بيد الله غير رزقج ونصيبج ماراح تاخذين واذا لج رزق بمكان محد بياخذه منج


عندج الحل الي اقترحته تفداج روحي

 

[Angel_store]

اب اب اب

 

[رويال كلاس]

الله يعينكم ويوفقكم أأأمين
اب
اب
​

 

[لهفة المشتاقه]

اب
اب

 

[Basho0or]

frawlah_83
يعطيج العافيه صج استفدت من كلامج وخذيت معلومات عامه للمستقبل

بدويه دلوووعه
بالتوفيق ان شاءالله وتنحل مشكلتج

 

[تفداج روحي]

حبيبتي سمعي كلامنا ومري التامينات ويارب تتسهل امورج 