بنات جامعه الكويت علوم اجتماعيه استفسار التخصص

[A L F A J R E Y]

السلام عليكم

انا ماخذه مدخل علوم سياسيه وللاسف يبت c- والي اعرفه بشروط التخصص حق تخصص علوم سياسيه ان لازم سي + المعدل مايقل عن 2.33

انا معدلي الحمدالله 3.11 بس مشكلتي ب السي !!! ماراح يخلوني اتخصص ؟؟ والا في حالات استثناىيه مثلا دام ان معدلي مرتفع وما علي انذارات اقدر اتخصص حتى لو سي ماينس


الي تقدر اطمني الحين اكون شاكره على ما اروح الاحد اتاكد واسال الارشاد

والله يوفقكم جميعا ويفرحكم بدرجاتكم

 

[فـلـ 50 ـس]

ماعندي فكرة والله بس دخلت ادعيلج
ربي يوفقج ويسهل امرج
​

 

[A L F A J R E Y]

حبيبتي ماقصرتي
اجمعين ياااارب

 

[اخت خالتهم]

الفجريـة مـدام المدخـل ما خذيتي فيـه درجـة شوفيلج تخـصص ثاني


و أسـاسـا حتى لو تبينـه ما يصيـر

لأن لازم تكونين c و انتي للاسـف ماخذه c-

شوفـي علم اجتمـاع تقريبـا مثـل السياسه او مواضيعها
يتكلم عـن الثورات و تواريخ الحضارات و شلون تكونت الثورات و التيارات الفكرية في الخليج و السياسية
و شلون طلعت هذي الافكـار يعني قسم حلـو

أو عنـدج الجغرافيـا .. أو علم النفس

و للاسـف حتى المساند اتوقع ما يقبلونج
لو شادهـ حيلج

انـا اذا تبين اي مساعده حاضرة بخصوص تخصصي علم اجتمـاع


و انصحج بالمساند
ادارة او اعـلام

 

[A L F A J R E Y]

حرام عليج اخت خالتهم ليش تحبطيني
انا حولت من الاداب علشان ابي هالتخصص تقولين لي شوفي علم اجتماع

امري لله بعيدها الكورس الياي شسوي بعد واخلل بالجامعه

 

[اخت خالتهم]

الفجريـة ما احطمـج بس عـشـان تدورين شي ثـاني
و بعد اللي اعرفه اذا بتعيدين المادة لازم ماخذه d
أمبييه تكفين لا تكرهيني ههههههههه
بس بعلمج عشان ما تتحطمين
شوفي علم اجتماع او علم نفس حلوين

 

[وحشتني لياليك]

لا عادي سي ماينس تقدر تعييد المادة
بعدين الاحد نحصلهم موجودين الي بالجامعه !

 

[اخت خالتهم]

صـح جيكت تقدرين تعيدينهـا ..
و أي تخصص لازم 15 وحده مخلصـة

انصحج تاخذين ماده مهارات معلوماتية عن حسين الانصاري واايد حلييييييو وحبوب
و انصحج بـمادة مهارات الاتصال عن زكريـا اذا سجلتي كل شي تاخذي بي وفوق
وانصحج بمادة حقوق انسـان
و مـادة مدخل رعـاية اجتماعية كاختياري يمدحون دكاترتهم
و مدخل انثربولوجيا عند علي الزعبي

والله يوفقج يا الغاليـه
آسفـه
ليكون كرهتيني

 

[اخت خالتهم]

و المدخل اخذيه عند الهدبان ايـنن ودراستي كانت خربوطه خذيت عنده b+

 

[A L F A J R E Y]

وحشتني لياليك

اي موجودين الاحد رفيجتي بتسجل مساندها الاحد وقالت انهم موجودين علشان جذي قلت اروح استفسر منهم اذا في مجال انهم يستثنوني او شي لان معدلي 3 اعلى من المطلوب بوايد


اخت خالتهم انا مخلصه كل الاختياري انا سنه 3 مليت كل شي ماخذه بس باقي لي مواد التخصص بس للاسف ماراح تنفتح لي بسبب مدخل سياسه

لا شدعوه ماكرهتج عزيزه وغاليه بس لا تيبين لي طاري مدخل علم اجتماع او علم نفس اللللله يخليج ههههههه
اي الهدبان منزلها الكورس الياي احتمال اخذ عنده
بس شنو طريقته بالامتحانات والحضور ؟

 

[الزين عنزي والدلع سعودي]

حبوبه ماعليج منهم .. يمشونج .. انا خذيت بعلم الاجتماع d
وتخصصت من تحت الطاوله هههههههههههههههههههههههههههههههه يعني روحي يبه سهلات الجامعه ولله الحمد وهذاني تخرررجت هالكورس وانا تخصصي علم اجتماع ,,,

 

[اخت خالتهم]

مذكرته ٣٠ صفحه وامتحاناته صح وخطأ و احيانا اختياري
وسهل وشرحه اينن
واهو حبوب محاضرته ممتعه والي دايما يحضر يرررفعه


واخذي مادة حكومة وسياسه الكويت مدام ماخذة المدخل تفتحلج

 

[A L F A J R E Y]

الزين عنزي ويييييييييينج عني منزمااااااااان

امبييييه ان شاء الله يمشوني من تحت الطاوله على قولتج امبيه تخيلي رحت حق شوون الطلبه قلت لها ان يقولون اذا اخذت موافقه رىيس القسم اقدر اتخصص وتمشوني جان تروح حق رىيسه قسم الارشاد جان تقولها لا حتى لو يابت موافقته انا ماوافق ماقمنا نمشي !!!!!!!!! انا انصدمت يعني اذا رىيس القسم وافق انتي ليش توقفين مستقبلي !!!
بس مالي شغل فيها بييب موافقه رىيس القسم باذن الله واعطيها اياها عل وعسى يمشوني وافتك والله مللييييييييت
الله يوفقج حبيبتي


اخت خالتهم اذا ما مشت سالفتي بعيدها عنده ان شاء الله
ماقصرتي يالغاليه