بنات جهزت وتوهقت

[ملح @ شمر @]

مساء الخير كويتيات

حابه اسألكم
منو سوت سونار في الشهور الاولى وطلع جنس الجنين ؟
انا سويت بدايه الثالث وقالت لي ولد :eh_s(9):
وورتني العضو تقول وااااااضح
والدكتورة هذي حيييييييييل شاطرة
وموعدي الثاني بدايه الرابع ماقدرت تقول حركته مرررة سريعه وتحاول فيه
واخر شي سكر رجوله
ولا حطهم فوق بعض بعد :eh_s(1):

قالت مستحيل يبان عقب ماسكر رجوله روحي وتعالي بعد عشر ايام
المهم سافرت ورحت لمستشفى عند استشاري كندي شاطر

وشافه بالسونار ويقول مو قادر اركز من حركته وسكر رجوله ثاني مرة بس فتحهم بالاخير
وقالي بنوته :eh_s(9):
وقلت دكتور قالوا لي ولد اول ويحاول ثاني مرة قال لا بنت

المشكله

انا جهزت اغلب الاشياء ولااااادي واشياء غاليه بعد :eh_s(16):
شسوي شوروا علي
اخاف اجهز لبنت ويطلع ولد ؟
متى يتأكدون ولد ولا بنت ؟ اختي تقول بالسابع قالولها بنت وجهزت ولما دخلت الثامن قالها دكتورين انه ولد وراحت لدكتورتي قالت لها ولد وطلع ولد


وشي ثاني
حركته بالسونار بس يتنطط ويقامز والله الدكتور يقول الحركه مو كثيرة بس لا سررريعه
وانا ابدا مااحس بشي ليش ؟:bbbiu:
وانا بعد اسبوعين ادخل الخامس


​

 

[لورا 22]

بداية الثالث مبجر حيييييل ومايأكدون يقولون احتمال
خلااص سويه مره ثالثه عند احد ثقه وخلي يوريج العضو
والله يرزقج اللي بخاطرج

 

[فـراوله]

أنا بالاسبوع الـ ١٣ مادري ١٤ قالت لي أميره بهبهاني ولد
رحت اول الخامس عند رحاب بالامومه قالت لي بنت بعد يومين
عدت السونار وسويت تفصيلي عند عياده بالفروانيه قالي ولد واكيد
والأعضاء واضحه حييل

انتي دامج بالخامس عيدي السونار وسوي تفصيلي عشان ترتاحين
السونار العادي غالبا يغلطون فيه وما يكون واضح عدل

 

[الحــــــلا كله]

ساعات الدكاتره يتخربطون بداية الاشهر لان تكون اشفار البنت كبيره فعبالهم ولد

 

[q8helwa]

حبيبتي الشهر الاكثر عضو البيبي
واضح


اهو

الرررررراااااابع



وانتي اللله يهداج حييييبل مبجره بتجهيز البيبي


الحريم يجهزون من الشهر السابع

 

[النوري..!]

نفس اللي صار لمرت اخوي بالضبط بالشهور الاولا قالولها ولد بعدين بنت بعدين ولد


بس يقولون الولد واضح مايتضيع البنت اهي اللي يشككون فيها

وبعدين حيل مبجر انها تقولج

نطري

واهم شي تجيبينه البيبي بصحه وسلامه

واذا كلش كلش اخذي اوف وايت

 

[كتالونيه]

انا بعد قالت لي ولد
وثاني مره ولد
وبعدين قلت لزوجي شرايك نتطمن
عالبيبي
ولما تطمنا طلع بنت
ورحت بعد مره ثانيه قالو بنت
وخلاص جهزت للبنوته
عاد يقولون بالاشهر الاولى يطلع مضبوط

 

[ام الحلوااات]

اتـــــكــــلــــي عــــلــــى ربـــــج ولا تـــعــتــمــــديـــــن عـــلـــى الـــســــونــــــااار حــــطـــــي بــبــــااالـــج الاثـــنـــيـــن واللــــــي يـــجـــــي مـــن اللـــــه حـــيــــاه اللـــــه
حـــــمــــااااتــــــي بـــحـــمـــلـــهـــــا اكــــدولـــهــــا انـــهــــا حــــامــــل بــبــــنــــت الــــى بــــدايـــــة الـــتـــاســـــع ووقــــت الـــولادة جــــابــــت ولـــــــــــد

 

[ام ساره 4]

ما ادري ولا مره غلط معاي السونار بس يقولون الولد بسرعه يبين ومايغلطون فيه

 

[نماين]

مالك الا السونار الرباعي

 

["Om 3AzOoZ"]

الولد يبين بالسونار اسرع من البنت في دكاتره يعرفونه من الثالث وفي دكاتره بالرابع اذا انتي شاكه سوي السونار الرباعي هذا جدا دقييق وان شاءالله يطلع مثل ماتبين واذا انتي بالخامس سويه لانه لهم فتره معينه وبعدين اذا صار الجنين اكبر مايسوونه لانه يكون مو واضح .

 

[ام فواازي]

دكتورتج خربوطيه لان مستحيل يبان باول الثالث ممكن في اخر يومين بالثالث يبان بس مو أوله انا ولدي بان باخر الثالث و بنتي باخر الرابع
بعدين في احد يجهز هالحزه الله يهداج متطيره حيل رديهم و اخذي لون بيج او اخضر او اي لون لاتنطرين عشان ماتتوهقين صج ويقولون من زمان شاريتهم مالهم ترجيع

 

[ملح @ شمر @]

بنات ليش مستغربين
كل خواتي يبن معاهم بالثالث واكيد بعد
والدكتورة تقول اكثر شي يبين بالثالث لانه يكون صغير ويبين كل شي مو مثل الكبير
وانا رحت السوق مرتين بس خميت السوق كله :d
استعجلت
وصح الولد والبنت واحد بس ودي اتأكد اخاف طول حملي ولد بنت ولد بنت
واتوهق

واول مرة اسمع بالسونار الرباعي
​

 

[توحه1]

روحي عند مللك السونار اشرف بمستشفى السلام انا اول الثالث قالي ولد ورباعي سوالي بعد هم قال. ولد. الولدييبين بسرعه اول الثالث البنت اخرالرابع ومرات اول السادس

 

[ابدا يالغالي مانساك]

حوبي ملح شمر
من زمان غاطه يابنت وينج ربي يقومج بالسلامه ونفرح فيج
وانتي شتري نص ونص خلطه يعني كاااااااااك فديتج

 

[فنر الايمان]

سوي الرباعي مضمون 100\1000

 

[ملح @ شمر @]

والله مالي الا اسوي الرباعي
ان شاء الله واللي يجي من الله حياه الله
عاد انا امووووت بالبنات احس يونسون :wqedqw:
مو مثل العيال

​

 

[ملح @ شمر @]

هلا وغلا ابود
ايه والله مشغوله في الاسواق ووزوجي يقول مو كنه تو الناس على التجهيز
واقوله لا اشيا خفيفه ومن ادخل اخذ المحل كله :eh_s(4):

حتى ماخذه لست شهور :eh_s(1):

بنات لاتزفوني ترا ندمانه :eh_s(2)::eh_s(16):
​

 

[غرام القمة]

اله يرزقج باللي تمنين ويهون عليج ياااارب

 

[عاشقه الاسمرانى27]

اللى يقولون السونار ما يبين بالثالث غلاطانين انا عيالى من الثالث يبين لانهم ما يعتمدون بس على العضو

لا يطلعون العمود الفقرى بعد ويبين.......​