بنات حدي متورطه ملجتي تحددت

[jen2n]

هلا فيكم عرايس

عيدكم مبارك مقدما

اول شي سوري على البدليات وخاصه راس الموضوع

بنات انا في ورطه

ومو عارفه شسوي

ملجتي تحددت وبتكون يوم الخميس الياي يعني في ثالث يوم العيد

وانا للحين ما جهزت لا نفنوف ولا صالون ولا شي

وماني قادره اركز واعرف شنو ابدي فيه والا شنو اشتري

بليز بنات قولولي علموني ترا مو عارفه اي شي!!

 

[شواآاقه]

رد: بنات حدي متورطه ملحني تحددت

هلا حبيبتي
ألف مبروك والله يوفقج في حياتج إن شاءالله

أول شي الملجه وايد قريبه
بتسوين حفله ؟؟؟
وإلا بس ملجه والحفله بعدين؟؟

 

[مدّهره !]

رد: بنات حدي متورطه ملحني تحددت

ألف مبرووووووك ياعسل ,,,,
ركزي ع نفسج وشكلج أول والترتيبات الأخرى وكلي أحد يساعدج
فري المولات وإشتري نفنوف جاهز والميك أب معروف بصالون وشنو بعد !!
رتبي أفكارج والبنات مو مقصرين بس يبيلج ماتضيعين وقت ..

 

[jen2n]

رد: بنات حدي متورطه ملحني تحددت

الله يبارك فيج يا قلبي تسلمين
اي الحفله والملجه بنفس اليوم
بس يعني حفله عائليه مو خبه
وأهلي مرتبين أمورهم
بس انا اللي متوهقه

 

[jen2n]

رد: بنات حدي متورطه ملحني تحددت

الله يبارك بعمرج سلطانه القلوب وين تنصحيني اشتري نفنوف والميك اب منو احسن شي عند اي صالون؟

 

[FSH_9]

رد: بنات حدي متورطه ملحني تحددت

الله يوفقج ان شاء لله
رووح حق محلات البدل الجاهزه لان ماراح يمدي تفصلين لج
ومن ناحيه الميك اب روحي حق الصالون اللي انتي تحطين منه ومجربته
هذا اهم شي حقج

ووبس*

 

[فراشة كويتيات]

رد: بنات حدي متورطه ملحني تحددت

مبروك يا قلبي البدله مري مجمع زهرة و مريم و ليلي جاليري اكيد بتلقين شي حلو

و الصالون مري شوفي الصالون الي يعجبج مكياجهم مري منار شيك و ليلي هارموني و حنان دشتي و عبير الياسين



و الف مبروك

 

[سنيوريتآ]

رد: بنات حدي متورطه ملحني تحددت

موووفققـهٌ ..~

 

[Fstani]

رد: بنات حدي متورطه ملحني تحددت

ويييه ليش جذي حدده حدده





شوفي عندي نفنوف ملجه لونه بيبي بنك مقاس سمول ،




ان شاءالله اكون افدتج

 

[حساس القلب]

رد: بنات حدي متورطه ملحني تحددت

موفقه

 

[jen2n]

رد: بنات حدي متورطه ملحني تحددت

مشكورين بنات والله يبارك فيكم ،،انا حابه يكون المكياج عند حنان دشتي تعجبني طريقتها ،،بس النفنوف شنهي الالوان المفروض البسها واشلون يكون منفوش والا عادي ،،عطوني افكار واكيد بشتري جاهز،،بس شنهي الموضه الحين ،،فستاني ممكن توريني صوره النفنوف؟

 

[miss_whitemocha]

رد: بنات حدي متورطه ملحني تحددت

حبيبتي لا تحاتين عادي يمديج..
اخذيلج نفنوف بسيط و سيمبل بس يكون راقي مو خبة..
عندج بالأفينيوز صوب دين أند يلوكا وايد محلات راقية صج شوي غالية بس فساتينهم حلوة و عندهم بعد محلات جواتي حلوة..وعندج بعد مجمع زهرة جم محل حلوين..بس ديري بالج و وخري عن الخبة..خليج ناعمة كثر ما تقدرين عشان لي قررتي تسوين عرس يبين عليج التغيير..
حجزي موعد عند الصالون من الحين..بس لا تقوليلهم عروس..قوليلهم عندي مناسبة وأبي مكياج سمبل..إذا قلتي عروس يدبلون السعر و يهولون بالمكياج..
انا عن نفسي حطيت مكياجي بالبيت..ما أحب شغل الصالونات..اللهم ركبت رموش بالصالون..اللي يقعدون أسبوع على العين..شكلهم وايد حلو و طبيعي يكفي تحطين شدو خفيف و مسكرة من تحت و تطلعين تهبلين..بس إنتي و ذوقج حبيبتي..
أهم شي لا تحاتين خليج هادية..ترى انا جهزت حق ملجتي بيوم واحد..شريت النفنوف و الجوتي عزج الله والأكسسوارات و ثاني يوم بالصالون حف و رموش و خلصنا..
نفنوفي كان وردي فاتح بيبي بينك طويل و فيه شك خفيف و كرستال صوب الصدر والجوتي عزج الله حصلته نفس اللون بالضبط..حطيت فاونديشن شوي برونز وآي شدو وردي فاتح يالله يبين بس يعطي نضارة حق العين و يعكس لون البرونز..وحمرة لحمية على وردي نفس اللون..وشعري سويته ستريت و رفعته من الجوانب بطريقة ناعمة حيل..نصيحة خليج سمبل وااااااايد أحلى..
ربي يتمم عليج يا أحلى عروس و يسخرلج زوجج و تملين عينه ولا يشوف أحلى منج..​

 

[فجر Q8]

رد: بنات حدي متورطه ملحني تحددت

الف مبروك جنووووون حياتي تحديد ملجتج عسى الله يهنيج ويسعدج يارب

انتي شفتي ستايلي بيوم ملجتي كان ناعم وخفيف بس طبعا كان تفصال

وشعري مع الميك اب برشا شيك كان ناعم لاني قلت لهم حفله عاديه مو ملجه

والله يوفقج

 

[حناينq8]

رد: بنات حدي متورطه ملحني تحددت

حبيبتي يمديج تسوين كل شي لا تحاتين
حجزي الصالون من الحين
البدله جاهزه اكيد - روحي المهلب او ليلى جاليري واكيد بتلقين واللون مو مهم دامها حفلة ملجه بس الافضل انها تكون اوف وايت او اي لون فاتح وزاهي والشوز هم امره سهل بالحوش تلقين اللي تبينه
اما شغل الحمام المغربي والشيره والبدي كير روحي من اليوم ان قدرتي

والله يوفقج


ملاحظه / تم تعديل العنوان

 

[غلآوي .~]

موفقه

 

[مربية المستقبل]

مبروووووووووووك وعسى الله يهنيج

روحي لحنان بستكي ولبسي نفنوووف طويل راقي

 

[freakiya]

اول شي اهديييييي
خصصي يوم دوري فيه بدله ناعمه و ما تردين البيت الا و انتي خالصه منها و اذا مداج كملي الجوتي (و انتي بكرامه) و الاكسسوار لانها اشياء خفيفه..
و انتي تجهزين لا تشغلين نفسج بالتجهيز و ما تهتمين بنفسج ترا الكشخه ما تفيد اذا بين شكلج تعبانه
و اذا على المصوره و الكوشه في ناس ايون لي البيت و معاهم لاب و صور حتى مال البوفيه و ترا كلهم نففففففففففففففس الشي عن تجربه بس الفرق الاسعار

 

[fabulous-]

روحي محلات الافينيوز تحت فيس2 شوفي اللي يناسبج وشوفي جوتي وخلصي ووميك ابج حجزي عندي ليلى هارموني وموفقة

 

[شموخ داري]

الله يوفقج حياتواحسن شي انج تكووووووونين نااااااااااعمه والنفنوفيكون نااااااااعم
والله يتتم لج على خيييير
وعلي بعد وانا بعد وارى العيد بس ماادري

 

[نيو سيدنى]

" أفضل الذكر لا إله إلا الله وأفضل الدعاء الحمد لله "