بنات حدي متوهقه

[لوله الأموره]

بسم الله الرحمن الرحيم

اولا السلام عليكم

بنات بغيت مساعدتكم عفيه

انا عروس وعرسي فجأه تحدد و
أنــا:eh_s(2): انــا:eh_s(2):
ماأعرف شي بالمكياج
والمصيبه خوات ريلي ما شاء الله فنانات
وفي الي كبري وأصغر مني
بتقولون وينج من قبل ..؟؟
بقولكم اني كنت امر بظروف صحيه ماكانت تسمح لي اني اقعد احط مكياج او اتعلم
ولحين العرس ما بقاله شي
وأنا ما أعرف
عفيه قولو لي
ويــن أروح وشوي ..؟؟
حدي متوهقه:eh_s(11):
قاعده افكر ادخل دوره
بس شنو احسن شي ..؟؟
اانا مابي اتعلم ع المكياج الصارخ
ابي الشدو والخطات البسيطه بس
عفيه الي اتعرف لاتبخل علي

​

 

[سكر فتافيت]

الف مبروك مقدما .. وان شاء الله الخبيرات بفيدونك

 

[الزين 85]

شنو لون بشرتج وصافيه ولا يبيلها علاج؟؟؟؟ وجم باجي على عرسج؟؟؟؟؟؟ وجك ميزانية المكياج عشان اقولج شنو تشترين عفيا ردي عالخااااااااااااااااااااااااااااص

 

[blue bunneh!!]

الف مبروك , حق العرس لا تخاطرين و تحطين بنفسج روحي لخبيره تقه من الخبيرات المعروفات تحطلج
اما على الباجي تتعلمين حبه حبه تدشين دورات و ترا مو شرط لي قالولج الدورة الفلانية مكياجها اوفر يعني صج اوفر في ناس معروف عنهم ان مكياجهم اوفر بس ترا لي حطو يحطون وايد بس يطلع اللون متناسق و خفيف مو ثقيل و كانج حاطه خفييييييف و راقي

 

[مهندسة مكياج]

حبوبه مااااالج الا تقرين المواضيع بهالقسم وتتعلمين منهم
وعندج مواضيع ام علي 84 بتستفيدين عدل وشوفي اللوكات وكل شي وطبقي

واذا على الاماركات قولي شنو نوع بشرتج واحنا بنساعدج وبنكتب لج كل شي تشترينه

 

[قاهره عذالي]

اذا تبين تشترين مكياج
روحي سنتر بوينت واشتري مكياجج من هناك
وروحي محلات مكياج منصور
واشتري الشدوات + ستاند مكياج شفاف يلم قشج كله

 

[**selena**]

مبروك عرسج انشاء الله البنات يفيدونج.​

 

[فلسفة جرح]

روحي دورات ميك اب هابين فيها البنات المبتدئات بالميك اب

 

[لوله الأموره]

بنات اعذروني ع التأخير بالرد عليكم بس والله تعبانه
المهم اسعدتني ردودكم
والله يبارك فيكم
​

 

[لوله الأموره]

مشكوره إختي الزين بس للأسف انا اليوم سجلت بالمنتدى وردودي ما تسمح إني أدز ع الخاص
راح أحاول كثر ما أقدر وأرد لك
​

 

[لوله الأموره]

أسعدني تواجدك blue أكيد يوم العرس ما راح اغامر أنا ابي اتعلم عشان البيت والعزايم و هالسوالف موحلوه باجر بكل مناسبه بروح للصالون او خبيرة تجميل
​

 

[لوله الأموره]

اختي مهندسة مكياج
انا أقرا بس للأسف ما اعرف اطبق
ما اعرف شنو الي يصلح لعيني ولويهي
ولا أعرف من وين أبد...؟؟؟
والمشكله انا مو وايد مع الأعراس
يعني مو دايما احط مكياج
أبي أحد يعلمني الأساسيات
بعدين أشوف الي بالمنتدى وأطبق

​

 

[لوله الأموره]

وين هالدورات ابي دوره اقدر استفيد منها
ابي اطلع منها فنانه
عفيه إلي اتعرف دورات جذي لا تبخل علي
​

 

[saroona_cute]

شووفي طرق مكيااج باليوتييوب نااعميين وحلووين وطبقي
و اخذي المييك اب الحلوو والنااعم
واضااءة خفييفة فيهاا زري تحت الحاجب
وعندج حمر flamoR
لوون لحممي عجييب والالووان الثاانية
واذاا ع الحوواجب عدج تاتوو بودي شووب
او تااتوو مكيااج
و مووفقة ياقلبي​

 

[ToOTOoWa]

الله يوفقج يارب ويتمم عليج
والله اذا بعرسج انصحج تحطين عند ليلى هارموني
اما بالنسبه للميكب اخذي الفاونديشن الرخيص والا الغالي بس اهم شي يكون لونه حلو عليج
والشدوات عندج من ميك اب فور ايفر وماك اخذي من الاضاءه اسمها نايلون
والماسكرا عندج من لانكوم وبوبا الحمرا اليديده
وبالنسبه للحمر اخذي من سان لوران الحمر الكريميه رقم ١١+١٠+١٢+٦
والله روعه حق العروووس
والباجي اخذيهم من ماك والا حتى من سرداب الشايع
وبالنسبه حق الدورات انا اليوم نزلت موصوع عن وحده تسوي دورات
والله والله والله انصحج فيها
انا متمكنه بالمكياج واستفدت منها فمابالج اللي توها مبتدئه
واذا تبين رقمهاقوليلي ادزلج عالخاص
لان مابي اشهر برقم البنت
واذا احتجتي اي شي احنا نعين ونعاون :*

 

[q8ia7]

لا دورات ولا شي

انا ماكنت اعرف شي بالميكب ومن يوتيوب صرت اعرف حق نفسي عدل وميكبي زين

جابليهم على طول ومع الوقت طبقي وانشالله امورج طيبه

مبرووووووووووك

 

[خُزام]

^
^

صح ما يحتاج دورة حبيبتي
الفيديوهات ترس اليوتوب + المواضيع ترس المنتديات + الله يخلي قوقل
جابلي المراية وحاولين تطبقين الشغلات البسيطة
مرة ومرتين وثلاث وعشر راح تتعلمين شوي شوي

 

[لف ليدي]

الله يوفقج ودي اساعدج بس ماعرف وحده تعلم مكياج والله يسخرلج اللي تعلمج

 

[قطوووة]

دشي يوتيوب وشوفي مكياج احمد قبيسي حلو

 

[الزين 85]

اهلين دشي مواضيعي انا حاطه عن خبيرة تجميل امريكية شوفيها شلون توزع المكياج

اشتري الأسفنجه بيوتي بلندر من سيفورا اوكي وتعلمي شلون توزعين المكياج

شوفي طريقتها شلون تحط الكونسيلر وشلون اطبطب عليه

انا مشكله ماعرف لونج ولا بشرتج شنو وهل بشرتج صافيه ولا فيها حبوب؟؟؟؟؟؟

اشتري كريم اساس استي لودر دبل اوكي + بودرته شوفيها اهيااا حاطته وقاعده توزعه

للأيام العاديه اخذي ماكس فاكتر على حسب لونج + بودرته من سنتر بوينت
كحل انصحج بماك + اخذي معاه شدو كربون الأسود من ماك + فرشه 208 عشان ترسمين خطة العين تحت
بالنسبة للأيرلاينر من الهنود اخذي سمااايلنغ خطته اتييييين

الكونسيلر كرويلان الثلاث بعلبه وخليها تعلمج كل لون حق شنو؟؟؟؟
قلم حواجب انصحج الشدو من بودي شوب ودشي يوتيوووب شوفي شلون يحطوونه

شوفي اذا انتي عرفتي شلون توزعين كريم الاساس خلاص أنحلت مشكلتج الباجي سهلات
دشي شوفي شلون يوزعووون بودرة الخدود البلاشر
الحمرررر انصحج سالوران وماك ونكسس لوريال

انا ماقدر احدد شنو ذوقج بالحمر يعتمد عليج

ونصحية روحي لماك واخذي ستروب كريم هذااا مرطب + يعطي لمعه تحطينه واخذي منهم الفكسس ترشينه عقب المكياج يعطي نظاره وحلوووو واخذي منهم كونسيلر واخذي مثبت الشدوو بينت بوينت سوفت


الأساسسيات كريم اساس بيس للشدو كونسيلر للهالات السوده+ بوقع حبوب+ بودرة للفاونديشن + الماسكرررر ( لوريال بالكولاجين+لانكوم اليديده+ ماكس فاكتور نوعي فيهم للبيت+ كلينك الصغيره والطويله) هذيلي لازم ماركات لاتغامرين وتشترين بوطقه

باجي شغلات لمعات للجسم رموش قلوسات عاديه من اصباغ سردااااااااااااااااب الشايع

دشي يوتيوب كل يوووم ساعتين شوفي بس صدقيني راح تتعلمين شوي شوووووي اعرف بنات قبل مايتزوجون ماتعرف شي والحين تعالي شوفي ولاخبيره تجمممممممممممممممممميل

اذا تبين شي دزيلي الخاص سي يو ياقلبي