بنات حدي منقهره والله من امس وانا ابجي ..

[-ملاك الكون-]

السلام عليكم ورحمة الله وبركاته

انا من زمان اقراء لهذا المنتدى وبصراحه ما استغني عنه وكل يوم ابي اسجل والدنيا تلاهي بس اللحين حسيت ودي افتح قلبي و اطلع اللي بقلبي حدي مقهوره

شوفو بنات انا عمري 20 سنه
واختي عمرها 16 سنه
والاصغر 13 سنه

بس ما شالله اختي اللي عمرها 16 شكلها اكبر مني حيل حيل يعني اطول مني وشكلها كبير واانا بنية جسمي حيل ناعمه يعني اللي يشوفني يقول عمرها 17 سنه

واختي اللي عمرها 13 هم اطول مني


وانا ما امدح نفسي انا حلوه يعني بيضا و شقرا الحمدلله يعني اللي يشوفني يقول حلوه بس اختي اللي اصغر مني احلا مني وشعرها اطول من شعري و كثيف ما شالله ..


بنت خالت امي متزوجه واحد حيل حيل معروف بالكويت و حيل تجاار وحدهم طيبين حيل طيبين يعني الحمدلله فلوس و طيبة قلب و كل شي

يه يوم جان تدز لمي مسج جان تقولها فلانه (اللي هي انا ) جم عمرها و وين تدرس ؟

امي ردت عليها وصارت عندنا عزيمه و جو اهم و طلعت انا واختي بس اختي شكلها ملفت للنظر اكثر مني يعني من طولها ومثل ما قلت لكم مع ان اهي تشابهني بس شوي احلا


وبعدها بفتره دقت على امي تخطب اختي الصغيره ..!!


انا انصدمت مع ان يا بنات والله اني انا ما ابيهم لان الولد كله بلندن وطبعه وستايله ما بعجبني كلش وانا لو خطبني ما راح اوافق

بس انقهرت من المووقف نفسه ..


ووكل ما نرقص بعرس العيون كلها تصير على اختي

شسوي ؟

اقول لامي لا تخلينها ترقص او شنو لاني انقهر

مع ان الحمدلله الخطاطيب وايد

 

[رآء يآء ميم]

اي قولي لامج ما تطلعها للناس توها صغيره


طلعها شالفايده ..! مدام ما راح تزوجها الحين


و لا ترقص ع العروس توها حلات البنت بهالعمر


ما تطلع للناس ولا صار عمرها عشرين ترقص ع كيفها


بس طبعا عروس الخوال و العمام ترقص اكيد

 

[كويتيه مذهله 87]

يسمونه هذا غيره


حبيبتي لا تحطين هالشي ابالج وشيلي الغيره من قلبج

وكل شي نصيب بهالدنيااا

 

[فساتين فخمه]

ياقلبو كون الناس خطبو اختك موتقليل لقيمتك بالعكس يمكن ولدهم يبي نفس مواصفات اختك وفيه ناس تعجبينهم واختك ماتعجبهم وتبدري على الهم والزواج والمسئوليه :rgewrg:

 

[ريمي اميري]

رد : رد: بنات حدي منقهره والله من امس وانا ابجي ..

هلا خيتووو
خليك واثقه بنفسك اكثررررررررر من هيك ولا تطالعين الي الله كتبه ورزقه خواتك انتي ايش عرفك ان الحرمه عجبت بشكل اختك .. بعضهم يحبون البنات الدبدوبااات ولا يحبون الناااعمات وهذا مو عيب لا حبوووبه انتي وحده مميزه
بس تو النااااس اصبري واحمدي ربك انك سليمه ومعاااافاة مع اني انصحك انتي وخواتك خلوكم طبيعين ولا عليكم من احد لا تجيكم عين لا سمح الله ...

 

[ريماس21]

رد: رد : رد: بنات حدي منقهره والله من امس وانا ابجي ..

عاادي يااقلبي هذاا نصيب

ان قلتي لامج لاتطلعينه بتدري انج تغارين منهاا وماتبين لها الخير

وصج اهيا صغيره بس الله خالقها جذي يعني الناس يعجبون فيها اكثر منج

علمووم انتي مكبره المووضوع يعني عادي مافيهاا شي

 

[ام ريتاج.]

رد : بنات حدي منقهره والله من امس وانا ابجي ..

لاتفكرين جذي ترى كل واحد ماياخذ الى نصيبه هذي غيره وهذي انت تنخطبين الله يوفقج ياقلبي:eh_s(7):

 

[(توته)]

رد: رد : بنات حدي منقهره والله من امس وانا ابجي ..

اختي حبيبتي هاذي تعتبر غيره
كل واحد وشوفي وين نصيبه ترى مافيها شي
اذا اختج الي اصغر منج انخطبت
الله يوفقج ياقلبي

 

[منار البربرية]

رد : رد: بنات حدي منقهره والله من امس وانا ابجي ..

مسلسل غيرة الخوات ما يخلص شتسوي مسكينه علشان ترتاحين تشوه روحهها مثلا ؟؟
وحتى لو ما رقصت واهيا جميلة الناس بتشوفها وبتقول عنها حلوة الناس مو عميان
كبري عقلج اختي الجمال نعمة من رب العالمين
وما فيها شي اذا تزوجت قبلج لان هذا رزقها نصيبها حتى لو كانت صغيره حبيلها الخير علشان الله يوفقج
و بالنهايه مالكم غناة عن بعض
باجر محد بيشيلج غيرها حياتي
والله يخليكم حق بعض ويحميكم من الحسد والعين
قولي آمين

:bbbiu:
​

 

[BaiTotia]

رد: رد : بنات حدي منقهره والله من امس وانا ابجي ..

شكو منقهرة

وشعليج منها خل تطلع وترقص

المهم تكونين واثقة من نفسج

وكل شي قسمة ونصيب

 

[لؤلؤية]

رد: رد : رد: بنات حدي منقهره والله من امس وانا ابجي ..

اول شي ثقي انه محد يآخذ الا نصيبه
ومو شرط انه الحلوووة هي اللي تآخذ الاحسن
هذي مسألة نصيب وتوافيق

شي ثاني بما اني ام وبناتي كبرج واكبر منج
المفروض انتي اللي تروحين مع امج بالمواجيب والمناسبات
والصغار ما اشوف فيه داعي الا للاهل

اعرف وحدة بنتها الكبيرة احلااااا وحدة...وتزوجت وتطلقت..ووايد يخطبونها
وعندها بنتها الثانية مو حلوة مثل اختها...اذا يالهم معرس بيشوفون الصغيرة ماتخلي اختها الكبيرة تدخل
تقووول مابيها تخرب على اختها

!!!!!!
وسبحان الله اهو مقسم الارزاق

 

[خشف الرعآبيب]

رد: رد : رد: بنات حدي منقهره والله من امس وانا ابجي ..

لو تركض ركض الوحووش غير رزقك مآتحوووووش

 

[-ملاك الكون-]

بنات مو عن ادري ان الزواج قسمه و نصيب
وانا احبها بالعكس واتمناها الخير
بس ما ادري احس المفروض ما تطلع بالعروس
وتراها تشابهني بس اهي على اكبر شكلها
وامي مو راضيه تزوجها اللحين و مو موافقين

 

[amoona89]

&&حااسه فيج انج متضاايقه
لانه الانظار كلها على اختج وانتي اللي تكونين مميزه محد يلتفت او ينتبه
بالعكس استانسي لانه شكلج اصغر وانعم
خليهاا تطلع وانتي كووني مميزه بنعوومتج وثقتج وكشختج
وعسى ربي يرزقج :eh_s(7):​

 

[FeShinGoOo]

لاتحسدين اختج ترى العين حق والعين تودي القبر اسم الله عليها

حبيبتي كلشي قسمة ونصيب انا اختي الصغيره احلى مني وكانو يخطبونها مثل ماكانو يخطبوني ماكنت اغار ولا احتر لان الناس اذواق ناس يشوفونها احلى مني وناس يشوفوني احلى منها

 

[G!RLooNa]

حرام ليش ما تطلع و ماترقص !! يعني اللي تطلع بالعزايم و ترقص بالعروس بس تبي تتزوج ؟؟؟

عادي و انتي ماراح اييلج غير نصيبج متى ما الله كتبلج بتتزوجين هذا وانتي الريال مو عاجبج و من امس مقهوره و تبجين لو الريال عاجبج و تبينه وخطب اختج جان شسويتي ؟؟؟

ماله داعي الحسد والغيره هذيي اختج صج انا اشوف عمرها صغير وايد على خطبه و زواج بس ما ادري انتو شنو عندكم يمكن تزوجون بهالعمر لكن عموما مافي شي يسوى الزعل والقهر و البجي

 

[إنزحي ورآج]

رد : رد: بنات حدي منقهره والله من امس وانا ابجي ..

أممممم ..,

أول شي خلـي ثقتج بنفسسج كبيره ومو حي الله يزيلهـآ لج .,

ثـآإني شي (حب لأخك مآتحب لنفسك) ~ يعني هـذي أختج المفروض تتمنين لهـآ إلخيير مو تغـآرين .,

هـذآ مرض دآم الخوآت بينهم غيـره .,

ومثـل مآإنتي تبين ترقصين بإلعرس وتسستآنسين ْ~ إهيآ مثلج مآيمنع إنهـآ ترقص .,

كبري عقلج ترآهآ إختج =]

 

[[[ عيون جابر ]]]

رد: رد : رد: بنات حدي منقهره والله من امس وانا ابجي ..

مثل ما في ناس تعجبهم مواصفات اختج ترا في ناس تعجبهم مواصفاتج لاتحطين نفسج بمقارنه مع اختج عشان لاتكرهينها وهذا نصيب الواحد مايعرف وين نصيبه

 

[بنت سيهات]

العمر يومين مامنهم مفر *عيش فيهم راضي وسلم للامر * حتى لو تركض ركض الوحووش * مالك الا قسمتك بالمختصرررر


باالتوفيق لج ولها:ggdw:

 

[هآنت يآجروحي^^]

اي قولي لامج ما تطلعها للناس توها صغيره


طلعها شالفايده ..! مدام ما راح تزوجها الحين


و لا ترقص ع العروس توها حلات البنت بهالعمر


ما تطلع للناس ولا صار عمرها عشرين ترقص ع كيفها


بس طبعا عروس الخوال و العمام ترقص اكيد

:rerrerek::rerrerek::rerrerek: