بنات حياكم شاركونا الراي

[computer_teacher]

السلام عليكم شلونكم بنات وعيدكم مبارك .... بسالكم وخاصة رواد منتدى السفر والسياحة والي يسافرون على طول هل طبيعتكم تحرصون على الصوغه بكل سفره تسافرونها؟ واذا يبتوا صوغه هل تكون لكل العايله والا للمقربين؟ وهل تحسبون العايله من اولها لآخرها والا شي رمزي لكل عايله؟ حبيت اخذ رايكم لانه عن نفسي قمت احس انه الصوايغ وايد تستهلك ميزانيه السفر عن نفسي كنت كل ماسافر اييب لكل فرد هديه وثنتين يوم شفت اني اكلف على نفسي وييوم شفت هم اني في ناس ماتييب وتنطش قمت اييب لناس معينه وماقمت استحي الصراحة. ناطرنا مشاركاتكم :tomato2:

 

[supermarket]

اولا سوالف الصوايغ راحت موضتها الحين الناس يالله تدبر فلوس السفرة علشان تستانس...

تقدرين تيبين بس للمقربين لج اخوانج امج ابوج واللي يعز عليج بنات الدوام صديقاتج

يعني انتي تقدرين منو اللي يستاهل تيبين له

 

[@ دهن العود @]

انا مو دايما اييب صوغات

يعنى مثلا اذا سافرت اييب للكل امى وخواتى وخالتى وحمواتى وحريم حموانى بس السفرتيين او الثلاث اللى وراهم ما اييب الا لامى وخالتى ام زوجى وعلى هالطريقه

يعنى سفره اييب وثلاث اربع سفرات طااااااااف ههههههههههههه

وعلى فكره بعض السفرات اذا حسيت ميزانيتى تسمح اييب واذا حسيت انه الميزانيه يالله اتكفينى لا والله انسى العالم

لان الصوغه تكلف وتاخذ مبلغ مو هيييييين

 

[اشراقة الحياة]

انا عن نفسي .......

الصوغه اهم شي ....واخص فيها اهلي واهل ريلي وبس ..........ودايما اشيل انا وريلي جزء من ميزانيتنا حق الصوغه

لان دايما يذكرونا ......بس رفيجاتي ما افكر ايب حق احد فيهم.....

وتسلمين على الموضوع حلو نقاش فيه

 

[اللوحة الناقصة]

بالنسبة لي الصوغة اخص فيها اهلي المقربين مني حييل والي يتذكرني منهم بالصوغة ما اقصر معاه

وحسب الميزانية طبعا ،،، يعني اذا في امكانية اشتري لكل فرد صوغة خاصة فيه اشتري ،،، واذا مافي امكانية اشتري هدية رمزية لكل عايلة


عاد تدرين انا بيني وبين نفسي ودي اتخذ خطوة جريئة وهي اني الغي شي من حياتي اسمه صوغة ،،، لاني احب ادلع نفسي بالسفر من ناحية السياحة هناك والمشتريات حقي ،،، لان الصراحة مثل ما ذكرو البنات السفر جدا مكلف خاصة اوروبا ( وااو نااااااار )

وخووش موضوع حبيبتي ​

​

 

[computer_teacher]

مشكورين حبيباتي على الردود والله هالموضوع حسيت فيه يوم كنت طالبه وانا طبيعتي احب اجامل الكل من القريب والبعيد تخيلوا كنت ادرس وماعندي الا المصروف الي يدزونه اهلي ويوم برجع الكويت ابدي التسوق من القريب ليه البعيد اتفاجا اني على الحديده . الصيف الي فات كنت مسافره بلغاريا وكان معانا عايله ماشالله عليهم تقول امهم انا بصراحه ذكر الكل بالصوغه انا غنيه واحب الهديه حتى جيراني اييبلهم . بس بصراحه بهالوقت وبهالغلا الي نشوفه اذا بنسوي جذي شكلنا بنسافر كل 5 سنوات مره حبيت اطرح هالموضوع عليكم اشوف رايكم يمكن يكون عندكم افكار حلوه للتسوق والهدايا بدون لانزعل احد ولا نخرب ميزانيتنا حلوه فكرتج دهن العود

 

[نجاة44]

الصراحه الصراحه بقولج
قيمة الصوغه تود يج سفره ثانيه
انا بصراحه ساعات اجيب حق واحد اثنين بس
وساعات ماأجيب

 

[computer_teacher]

بنات وين ردودكم وتفاعلكم معانا احنا القصد نسولف وياكم ونفيد ونستفيد

 

[rawona]

شوفي الصوغه وايد تكسر من الميزانية .. وانا نوعي اسافر وايد يعني الصوغه بهالحاله يبيلها ميزانية بحالها ..


بس مااقدر مااييب اذا سافرت سفره طويله ايب حق اهلي واهل ريلي بس واذا سفرة قصيره ما اييب بصراحه .. وهم اللي اقصده باهلي او اهل ريلي المقربون جدا مو العايله الكبيره لان ماشالله لو باييب لكل واحد فيهم راح افلس وماشريت لعمري شي !! وانا نوعي مااحب اييب اي شي لازم شي ذرب وحلو موشرط غالي حيل بس على الاقل معقول ..


شاكرتلج موضوعج لانها صج نقطه مهمه والشغله اذا كانت اوفر اتعب الواحد لانه يالله بيمع علشان يسفر نفسه وعياله هالدور يحاتي صوغه صعبه شوي بزمنا هذا الصوغه قبل موجوده بكثره لانه الناس مو على طول تسافر فاذا سافرت تتنقص لربعها وحبايبها بزمنا هذا باقل عطله او حتى لو بويك اند يسافرون الناس فمو معقوله كل ماسافروا ديره يابو منها صوغه؟! مادري انا هذا رايي انتوا شرايكم؟ ​

 

[سمسميه]

اييب للمقربين بس وساعات حق اصغر ياهل بالبيت فقط
ويعتمد على السفره اذا بو يومين طاف
واكيد الي يذكرني واييب لي لازم اييب له

 

[computer_teacher]

يعطيكم العافيه بنات على الردود بس بقولكم شغله تدرون متى شرينا احلى صوغه؟ يوم كنا بمصر ايام الغزو وانحكرنا هناك سنه تقريبا يوم الله فكنا من الشر وحررنا تصدقون بنات نروح السوق تشرى حق اهلنا وجيرانا هدايا من كثر وناستنا ودنا نفرح الكل معانا
يالله بنات عاشوا كويتيات نشوف الردود الحلوه

 

[bint_looda]

سفره عن سفره تفرق
يعني كل ماقصرت كل ماقلو الناس الي انييب لهم ويصيرون الاقرب حييل وبس
والي يكون مسافر بنفس وقت سفرنا مثل الصيف هذيل مانييب لهم صوايغ مادري تعارفنا على هالطريقه
رفيجاتي بس 2 الي ايب لهم وبنت خالي وبنت عمتي ساعات
وبس مو مكلوفه بالعالم انا الصوغه اعتبرها حق القريب بس عان لا احرج الناس بعد معاي ان والله اييبولي لاني عطيتكم !

 

[computer_teacher]

بنات وشنو السوالف الي تييبونها كصوغه؟ يعني مثلا انا اشوف الي يروحون لندن اغلب صوايغهم قواطي ككاو مثلا اشياء بسيطه وانتوا قولولي شنو تشترون حق الصوايغ؟؟؟

 

[bnt_7waa]

انا اشتري صوايغ حق اهلي اكثر من مااشتري لنفسي

 

[computer_teacher]

انا معاج بنت حوا فيها متعه موطبيعيه لما تشترين وتهادين بس بهالوقت وهالاسعار النار الواحد صار يفكر الف م مايسافر وبعدين ماشالله العايله تكبر ماتقديرين تجارين ماشالله

 

[اوركيدا]

انا اييب للكل بالصيف بس السفرات الثانيه خلال السنه ماييب غير من لبنان بقلاوه اذا رحت لبنان او اذا مكان ثاني مااييب