بنات خبراتكم في نشر الغسيل ؟؟

[جاكليت]

يعطيكم العافيه بنات

ممكن تحطولنا طريقتكم في نشر الغسيل

يعني تحطونهم بالشمس؟؟

ولا تخلونهم ينشفون على المنشر داخل البيت؟؟

ولا تستخدمون النشافه ؟؟


أنا عن نفسي خدامتي تشرا لملابس فوق السطح بالشمس بس ساعات يصير فيهم ريحه وما فيهم ريحة الكومفورت نهائيا

وانا استخدم صابون تايد وكومفورت

يلا خنشوف طريقتكم علشان نستفيد ..:eh_s(8):​

 

[أغلى حبيبه]

انا ابدااا مااحطهم بالشمس

جربت مره صارو جنهم ورق يابسييين

الحين اغسلهم بتايد و اومينو ريحته وايد اقوى من الكومفرت ويهبل

احطهم بالدار يم الشباك تحوشهم الشمس واهما داخل

شحلاتهم وريحتهم تصبغ بالدار

 

[supermarket]

لاتحطينهم بالشمس من جذي فيهم ريحة

حطيهم بالنشافة وبعدين حطيهم عل المنشر يتهوون

 

[dal3 kuwaiti]

انا امي ما تحطهم بالشمس تشره ع المنشر ليما يتهون بس

 

[كويتية حلوة2]

الحين الجو ملوث عشان جذي الملابس لما نشرها برة ريحتها تصير زفرة انا اشرهم داخل البيت يم الدريشه وساعات ينشفون تحت السنترال بدون ما افتح البردة يحتفظون بريحه الكمفورت

واستخدم بيرسيل ريحته احلى من تايد وايريال

 

[جاكليت]

تسلمون عالمشاركه

 

[@الياسمين@]

اّنا احطهم بالبيت عالمنشر ... ما احب احطهم بالشمس لان تصير ريحتهم زفره من الشمس
عاد احطهم بالبيت وريحة الكومفرت تفوح بالبيت

 

[شكليطه]

والله بصراحه اول مره اسمع ان الشمس تطلع ريحه بالهدوم

اصلا انا من ايي الصيف استااااااااااااااااانس
احب اغلس هدومي......واشرهم بالشمس.... .احسهم نظاف ويتعقمون....اكثر من ملابس الشتا


طبعا انتي مو تشرينهم وتنسينهم مده طويله......لأ بسرعه شيليهم لان الشمس لا اله الا الله حنانيه.....بسرعه تنشف الهدوم
على ماتخلصين من غسيل دفعه من الهدوم الا اللي مشروري ناشفين وخالصين

وانا طريقتي
اولا اغسلهم بايريال ......وبعدين كومفورت البنفسجي
وما اعصرهم حيل.....لا اخلي فيهم شوووووووووووووي ماي
واشرهم برا بالشمس........ما يطول ربع ساعه الا انا شايلتهم

تههههههههههههههههبل ريحتهم داااااااافيه والكومفورت يفوح من الدفا اللي فيهم

والله اني مره غسلت هدوم قبل لا أسافر...وصفطتهم بالليل وحطيتهم بسله
ومن باجر سافرنا
وعقب اسبوع يوم ردينا.......والله ان الملابس فيها ريحه الكومفورت ماراحت
صج انها خفيفه....بس تبين


بس الازمه وقت الغبار........مافي مجال نشر الهدوم بالبيت...اولا ماكو مكان الا الصالات
وهذي صعبه
ثانيا فشله نشر هدومنا يا البنات جدام ابوي وااخواني

ثالثا ماكو حل الا النشافه......وانا ما احبها زود لانها توبر الملابس

 

[love love]

في ملابس انشفهم بالنشافه وفيهم انشرهم بمنشره بالممر عندي صاد انشر فيه

 

[دانــــه]

الشمس هي اللي تعقم الملابس .. والعيب يمكن لو المكان فيه ريحه او يصيده هوا شفاطات المطابخ

بالعكس الشمس تعقم وتطهر الثياب .. بس ما انصحك تخليها بشمس القايله لانها تصفر اللون الابيض .. حاولي بشمس الصباح والضحى

الناس يتمنون يحصل لهم ينشرون بالشمس خاصة اللون الابيض

 

[ياشايل الظبى]

الحمدلله عندى النشافه الكبيره احط فيها الملابس وتطلع منها حااااااره ومعقمة ومنها على الكبت على طووووووووول

 

[جاكليت]

يسلموووووووووو