بنات دلوني مكان ديسكفري وانا يايه من صوب العديلية وعبدالله السالم وبعدين لي هني ادل .

[جود 2006]

لآني ما ادل ودي اونس اعيالي بهالعطلة ؟ واللي تدلني والله لادعيلها دعوة حلوة من كل قلبي






عاشوا بنات ديرتي عاشوا ما بي اضيع وافر كل شوارع الديرة

 

[جود 2006]

شدعوة 6 دخلوا محد بيرد علي

 

[مملوحة_الوصايف]

شوفي اهو جبال مجمع الوزارات انا بقولج شلون تروحيله من الضاحيه نفسها دشي عبدالله السالم خلي الجمعيه على يمينج وبيتزا اكسبرس يعني جنج توج طالعه من الجمعيه بعدها بتكملين بلف فيج الشارع يمين لفي بعدين اخذي اول فوق تحت وكملي سييييده بعدين الشارع بطلعلج يمين بتطلعين على شارع رئيسي لا كملتي بتيلج اشاره اخذيها سيده وبعدها اشاره ثانيه اخذيها فرعي ينمن وبس بتشوفين مجمع الوزارات على يسارج امشي شويه تلاقينه على يمينج يبين اتمنى تكونين فهمتي اذا انتي ادلين الضاحيه عدل بتعرفين

 

[اترجة]

اختي انا حبيت افيدج بس بالضبط وين ما اعرف بس هو عند صاله التزلج بالضبط .
اب
اب لعيونج

 

[جود 2006]

الله يوفقج وين ما رحتي يا مملوحة الوصايف واخت اترجه

 

[جود 2006]

اهو جنه اسهل اروح له من صوب الداءري الخامس اللي تكون الضاحية على يميني وبعدين من يكمل الدلالة ؟

 

[الحورية الصغيرة]

حسافه ما أعرف أوصف جان ساعدتج بس اذا تدلين طريج التأمينات الإجتماعية او برج جاسم هو مو بعدين عنهم بس للأسف ما أعرف أوصف

 

[جود 2006]

رفع رفع رفع يوقف لايوقف

 

[الحنينه]

قوه انا بدليج وعاد دلالتي زوينه يعني شوفي<<

من الطريج السريع تمشين سيـــــــــــده جنج رايحه للكويت داخل الاشاره الاولى طوفيها الاشاره الثانيه تجي الصالحيه على يسارج اخذيها وامشي سيده تلقينه على يمينج وعاد الدخله مااعرف ادخل لانه مادخلته بس اشوفه من بره<<ماعندي جهال اوديهم

 

[درر2008]

خلف وزارة العلام وين النافوره الراقصه وين صالة التزلج عنده

 

[قطوة@@]

ادله بس ما اعرف ادلي

 

[كيت كات]

حبيبتي لمن تمشين سيده والضاحية على يمينج
بتلاقيج اشارة اوقفي فيها بعدين امشي سيدة
بتلاقيج اشارة ثانية اخذي فرعي يمين قبل الاشارة
بيكون على يمينج صالة التزلج وديسكفري بيي بعدها هم على اليمين

 

[جود 2006]

عاشوا عاشوا بنات ديرتي لا خلا و عدم حبيايبي الله يوفقكم وين ما رحتوا يااارب