بنات ديرتي ابي مساعده..

[شمس وقمر55]

السلام عليكم
خواتي الحبوبات......ابي اشتري الة جري..وكل ما اعزم عليها اسمع من الكلام والتحذيرات اللي تخليني ارجع بقراري؟؟؟؟

منها مواصفات الاله...لازم تكون عريضه ومستويه السطح وكهربائيه....الخ

المشكله اني لو ابشتريها ما اقدر اشوفها واجربها لانه ما يتيسر لي اروح المحل؟؟؟ انا ابي اطلبها بالتلفون...وما يسمحون لي بتجربتها يعني اشتريها وتطيح بجبدي؟؟

عشان جذي ابي منكم خدمه خواتي
ابي اللي اشترت منكم اله جري...او تعرف اي وحده اشترت اله جري

ومرتاحه عليها....الله يرزقها الفردوس الاعلى...
انها تذكرلي اسم المحل+مواصفات الاله+سعرها+استفادت منها والا لا

بليييييييز بنات انتظر مشاركاتكم على احرررررررر من الجمر <<<<< قبل ما تطير الفلوس خخخخخ

على فكره انا الحين طلبت الجهاز اللي تكلمت عنه (امورة كويتيه) ..<<< اذا ما اخطات بالاسم
وان شاء الله بدعيلها ولكل وحده تساعدني وتخدمني هالخدمه ......

بااااااااااي

 

[شادية]

مشاركة: بنات ديرتي ابي مساعده..

اختي شرت وهبت فيها جم يوم وملت انصحج ماتشترينها ةتسوين الخطوات

1- تخيطين حلج الا من الماي والسلطات والفاكهه
2- يوميا بعد العشاء لوفوق السطح او بشقتيج لمده ساعتين مشي


وراح تشوفين النتايج خلال شهر بس يبيلج اراده

 

[شمس وقمر55]

مشاركة: بنات ديرتي ابي مساعده..

الله يجزاج الجنه يالوادي عالرد...
انا امشي بالبيت ساعه تقريبا......بس قلت يمكن الاله تشجعني اكثر عالمشي..؟؟ ويمكن فوائدها اكثر من مشي البيت؟؟

 

[bnt q8 in usa]

مشاركة: بنات ديرتي ابي مساعده..

والله اختي انا شريت اله وكاني بفترة البرد واالثلج بالسنو قاعده امشي عليه والحمدالله الي عنده اراده

مايعوقه شي سمعي كلامي وتوكلي علي الله حطي تلفزيون جدامج واستانسي حبيبتي

 

[شمس وقمر55]

مشاركة: بنات ديرتي ابي مساعده..

الله يسلمج بنت الكويت..
من وين شريتيها اي محل؟؟وجم سعرها؟؟

 

[bnt q8 in usa]

مشاركة: بنات ديرتي ابي مساعده..

لا عمري انا بامريكا واخت من محل عندنا

وماركته وسلوو

اذا تبين عندج الكي مارت دقي عليهم عندهم خوش جهاز شفته عند حماتي بالصيف

 

[ظلال القرآن]

مشاركة: بنات ديرتي ابي مساعده..

والله على حسب اذا عندج اراده وتبين تضعفين راح تستفيدين انا شريته من النصر

بس انا امشي فيه بالسنه مره

يعني نظام زروني بالسنه مره

 

[الحــــــلا كله]

مشاركة: بنات ديرتي ابي مساعده..

والله انا شايفه اعلان بالتلفزيون الي يحطونها بالرابعه اعجبتني وسعرها حلو 179 تقريبا
لان مو كل مره بتروحين الممشى وها الايام الديره مافيها امان وبعدين باله المشي تقدرين تمشين ساعه ساعتين وحتى ثلاث اما بالممشى ما تقدرين اتطولين

 

[شمس وقمر55]

مشاركة: بنات ديرتي ابي مساعده..

بنت الكويت
مشكورة ياقلبي على ردج ومساعدتج.. والله يرد لبلدج ويجمعج باهلج باقرب وقت وعلى خير يارب

ظلال القران
مشكورة ياعمري...وليش ما تستخدمينه؟؟؟ شرايج تبيعيني اياه باقل من قيمته <<< مصلحجيه خخخخخ


الحلا كله
ايه والله صادقه.. بالاله اقدر امشي اكثر من ساعه وباي وقت وحزة...وهذا اللي مرغبني فيها...
مشكورة عمري على ردج والله يحفظنا واهل ديرتنا من كل شررر..امين

 

[xxx]

مشاركة: بنات ديرتي ابي مساعده..

شمس وقمر

انا خذيت جهازي من شركة فناتك ب 120 وفيه 3 شاشات

السعرات - السرعه - المسافة

والحين منزلين نوعيات حلوة ب 93

 

[شمس وقمر55]

مشاركة: بنات ديرتي ابي مساعده..

مشكورة يالغاليه بنت الكويت...والله سعره حلو ومناسب..
ياريت يكون نافع بعد وحلو مثل سعره...........
بتصل فيهم اليوم واشوف..........مشكووووووووووووووووره ..

 

[كويتية أمورة]

مشاركة: بنات ديرتي ابي مساعده..

انزين ليش ماتاخذين جهاز اوربت تراك وايد احسن
هو يغنيج عن المشي وجهاز صعود السلالم مع بعض
وسعره 77 اعتقد تطلبينه من 808808 معاه كفاله سنه
وايد ينسق الجسم ويشده ويرفع الحجيه اذا مدندله ولامنفرشه يخليها مرتزة شزينها خخخخخخ
وحتى الاذرع يضعفها لانه فيها قضبات حق الايد

جهاز المشي اللي اعرفه عنه انه يسبب ضغط عالمفاصل
يعني ياتمشين مشي بره عادي بالممشى ولا لاتمشين عالجهاز قالولي موزين
حتى @@عيوني@@ لما كانت تمشي بالنادي عالجهاز كله ركبها تعورها

 

[amoni]

حبيبتي أعرف وحده شرت جهاز عجيب بس يبيله فلوس ياعمري روحي عند النصر الرياضي الفرع الكبير اللي يم سوق الجمعة هناك وشوفي الأجهزة العجيبة اللي عندهم وأسعارهم بالنسبة لي ممتازة والله يوفقك