بنات رشحولي شنو احسن حق وضعي جامعه البحرين ولا العربية المفتوحة؟؟؟

[^^DADDIES GIRL^^]

:68_asmilies-com:

بنات انا ماتزوجه وعندي 3 يهال صغار دقدق اوكي مومشكله الدراسه بس مابي شي حيل صعب ويتعب لاني موظفه بعد ادري بنشق بالنص بس الله كريم

انا مخلصه دبلوم تأمين تجاري :eh_s(6): شرايكم حبايب قلبي

 

[كويتيه تينن]

حبيبتي آنه بفيدج الدراسه بالحرين مو وايد صعبه بس تعب آنه ادرس اهناك يعني لازم يكون ما عندج شي لانه آنه مو موظفه ولا متزوجه علشان جذي اقدر بس الشي الاحسن انها ارخص من اهني بالكويت
بس الحين ماكو تسجيل مصكرينه لانه الاعداد وايد فنطري لمن يبطلون التسجيل لانه الي يسجل الحين ما يقبلون شهادته فحرام تتعبين على الفاضي
اتمنى اني فدتج

 

[^^DADDIES GIRL^^]

حبيتي ماقصرتي مشكوره صج شكلي باكل تبن جني بهون

 

[Sweety]

السلام عليكم


إختي نفس حالتج بالضبط ،،، بس تدرس بالجامعة المفتوحة لأن مو معقولة بتخلي عيالها كل فترة و تسافر !!!

ومن وجهة نظري إن الحلو بالجامعة تقدرين تاخذين موادج العصر عشان لا يأثر عالدوام ،،، سعرها مو غالي بالمره : )

 

[ألماس q8]

انا نفسج بالظبط تخصصي تأمين

بس ناويه اكمل بمصر انتسااب

 

[مطـــيــريهـ فـــوشيـــآ]

هم انا ودي ان شاءالله لما اخلص من دراستي بتجاري اكمل بالبحرين مع بنات خوالي اهم من زمان اهناك بس الي اعرفه منهم يقولون الدراسه حييييييييييل سهله اسهل من الجامعات بالكويت والدكاتره حيل متساهلين مع الطلبه
والله كريم

 

[زبــــــــدة]

جامعتنا صعبه يبيلها مجاابل

اذا قادرة تدرسين اول باول وتشدين حيلج بتصير سهله انشالله

 

[fajer-85]

خواتي بقول لكم شي علشان مايضيق خلقكم ترا خلاص حطوا القرار اليوم بالجريده جامعات البحرين مومعترف فيها بشكل رسمي

اختي تبين نصيحتي بغض النظر عن اي جامعه شنو تسوى عليج لمن تقدمين على جامعه بالبحرين وكل يومين قالولج معترف ويوم قالولج مومعترف شنو نفسيتج بتصير

انا تعذبت بالدايه قدمت على البحرين والحمدلله كجامعه قبلوني وطيحولي مواد وبتصير علي ارخص بواااااااايد لكن وين لقيت البلوه العوده المكتب الثقافي لكويتي اول مرا قالولي الحين احنا مسكرين تعالي بعدين وعقب قالوا لا احنا مانقبل كل الي شهادات الثنويه الي نفس السنه مالتج تخرجوا يعني تعب نفسي وطواله ونطره وكل شوي مطرشه احد حق المكتب الثقافي وكل يوم قرار بالجرايد

بالاخير قدمت على الجامعه العربيه المفتوحه والحمدلله مرتاحه واااااااااايد صح شوي هلاك وماطيحوا مواد وايد يعني بصراحه شي يقهر لكن انا اقول الحمدلله على الاقل بدال الشهاده شهادتين وحده من لكويت ووحده من لندن وبعدين بديرتي مو كل شوي معذبه اهلي كل يوم طاقة التذكره

ماجذب عليج انا لو يحصلي اروح بس سبحان الله رب العالمين اختارلي هالمكان

انا اقولج لاضيعين وقتج اذا صج معزمه على الدراسه توكلي على الله وقدمي على العربيه مالج حل ثاني لأن الكورس الاول مايقبلون وايد يعطون الفرصه لكبيره حق الطلبه لصغار الي يايين من الثنويه الكورس الثاني اي يقبلون لكبار اكثر من لصغار

الله يوفقج يارب

هاذه الي مكتوب بالجريده اليوم

http://www.alqabas.com.kw/Article.aspx?id=502802&date=25052009​

 

[^^DADDIES GIRL^^]

مشكوووووووووووووووووووووووورين حبايب قلبي كفيتو او وفيتو

 

[Miss-LuLu]

اي حبيبتي تأكدي من الجامعه اذا معترف فيها ولا لا، قبل لا تدشينها


والله يوفقج

 

[Judy abbott]

نفس تخصصي ودي اكمل بالبحرين لما اتخررج

بكالريوس تامين موجود بلكويت ؟؟؟

ولا بتغيرين تخصصج وتدرسين من اول ويديد ؟؟!!